¹ Trompeta rure ne ehoruta Aguilanü rena pettujjanenü pija bota tsipiji tomara tsikana taja liveisi ikatsia neya libeisisiba taja liveisi bojjuto. ² pamonae nejunata: Taja Dioso pajjanü paka yaputanetsi Israelta. ³ Beitsijane Israel apojane kowanütsi pejjania kueneja nejjata pija wajabitsonü sivajeitatsi. ⁴ Pamone reivinubenaeejjana, jjanü apo nübinü pamonae principeviejjana jjanü apo yaputaenü pija plata oro principevi ejjana, jjanü apo yaputaenü pijja plata oro yajavo idoloja ejjana barapamonaenejja beitsijane bara pamonae nobijienaena ayeicaeneta. ⁵ Pija becerro apo itsipae Samaria. jjanü anaepanajü borapamonaeta. ¿Depakarinas yaliveisi kuene jinavonopaenas. ⁶ Marape paidoloje Israel java kuena pona henakaenebinü apo Dioso. Samaria pija becerro tsakitsiena. ⁷ Tomara jovibo ya aba ya rotsiena jamajjü jukaena. Pejjü matano apo jemaelsa ne pee bene apo jeimaetsane. itsipeji apo tsobiatsane. tsipeji itsa monae tsakibajjaena. ⁸ Israel yatsakabojanetsi: Akonojja baja bora tomara abeje. ⁹ Bajara pamonae poneka Siria jaboreka bee bona ünübijinü, kaenü Efrain kovaeba pee jitsipaewajji bora powa neja. ¹⁰ Tsipeji bora pamonae kowaeba hetiriwajji iranuta jjanü aconojjae kaetuolajjü dajjita monae bara pamonae tajjüjüobiena nayajjüu hiena tsipeji ya donaebienatsi Reyebi princihevi yajawa. ¹¹ Nejjata Efraín ejjana ayakueneta altar javaanü pe abeje jawa ofrenda kuene itsi beitsijane bara pamonae altar kuene naa ejjana petsisia kuene pee ejjanaenejja. ¹² Jjonü yaquinae tsipajjü toja ley kuene pajawa beje beitsijane bora pamona apo yapütoctsipae, bora pamonae nejja. ¹³ Nejjata baja ta rajütsijawa kuene taja ofrenda kuene pamonae rajuta pewi ikatsia beje jjane beitsijane jjani petu jjanunü apo jitsipaenü Akonojjae jjanü najjumataba jjeina enajü peecejjanaejjae Bora pamonae renatsane Egipto jawa borena ¹⁴ Israel nenacafunta bee ejjanaenü palacios jawanü ejjana Judá ejjana tomaranü pee ya asou boyunu ejjana beitsijane jjanü pe tojuitsijawa to itorobienajjü dajjita tomara bee asaubejewi tajjuenatsi.