¹ Nejuyapijivi Jumaitsimüre , "¡Taja tomara!" nejuyapijivajji ata, "Pajjamü paka itajjutotsoniataenatsi." ² Ena panekonire,panekonire vekae apo tajava tsaponoponae,jjanü ata apo pamononü. Jema abajjü bajara pova navekua ajibi ejjanaena penavi kanajetsijava, itsanü javaberia penavi kanajetsijava. ³ itsa jüme, jjanü yabijianaenajü tsitajütsianajünua tabüsa pe naejjanaejava bajara pova pe naejjanaematakabi. Be petusato nakua ejjanaenajü, pakuenia ira mera apo jjainae merajitsia ya tüpae ejjanaenajü. ⁴ Pejji apo to itatsoniataenü tsane, penavi kanajetsikuenia penakojjitsivi. ⁵ tsipaji pena pebijivi javaberia penavi kanajetsiva, bajara pova nakojjita pabisiakuene pe ejjanaejavata. Bajarapova jumaitsi: "Jjanü jaitsianajü ikatsia tanavi kanajetabiabinünüjavaberia, tsipaji bajara pamonae nerajutabiaba ta jjaejava ta apaejeva, ta najjatatsijava lana yajava lino,taja metira ta paejavanua." ⁶ Neejjata jjanü, nakuenabianajû pata karantsinejja pe'e mü bajarajjuaya paneponaeyaniva. Jjanü nakuenebianajü patakarantsinejja bajarapowa pijanamuto pekajjitaajarabiyaniva. ⁷ Bajarapowa jaitsiana pijajaaravi, baitsijane itsiata apo kajjinaetsane. Bajarapowa ikani jaitsiana baitsijane itsiata apo kajjinaetsane. Bajarajjua kujinae bajarapowa jumaitsitsane: "jjanü ikatsia naviatsialiajû tamona kowünü javalia, tsipaji jjanünejja neto jjanepana. ajenata ponü vekua". ⁸ Bajarapowa apo yapütae JJANü tarajutabiabijava pija trigo, peejana vinora, aceite yajava, ponü pija palata pija oro yaajava ayaikuenia rajutabiabajû, bajarajjua itsiata Baalnejja rajutabiaba, ⁹ Jjanü ikatsia to kanaviatsianajüû pija trigo peto navertsimatakabitsi taja vinonua pijamatakabita. Vekuapitsianajû taja lana lino ata jjuata naperabü karanatabiaba. ¹⁰ Bajarajjua kujinae pijajaravi itabüta jumajonotsianajû, itsajiviyo takobevelia apo kapanepaetsane. ¹¹ Jjanü ata to ajibi ejjanaenajû pebarüyakuene, peyavajibi java to ajibi ejjanaenajû, juemeto peto yavajibikuene, penakuere evetsimatabi, dajjita pe barüya kuene matakabianü ata. ¹² JJanü pija viña pabiaanü pija higonaenü, peyaabara jumaitsijava bajarapowa: "Majjuaje tajajaaravi tanemataamotsijavaje". Jjanü unu to ejjanaenaû, unu pija dajubi to jjaenatsi. ¹³ Jjanü avitane ejjanaenajû Baal peto yavajiibi matakabijavaanüta, pakujinae petujjuvijavaanü to tajuita, pakujinae bajarapowa to naitabüta aniyojavaanüta penamataamotsi ibotoonüta pijajaaravi pünaponabiaba nejjata jJJanü nenakopjünüta, ma pakueniaje jumaitsi petujjanaenü. ¹⁴ JJanü ikatsia jjanü javaberena jamatabü kanaviatsianajû. JJanü barüponaenajû tajeta tusatonakuayabelia jamatabü jjanepanata barü kuikuijanütsane. ¹⁵ JJanü pija viña pabiaanü to kanaviatsianajû, Acor pija pjoto to kanaviatsianajû to jjanepanaejitsiatsi pija namuto. Bajarapowa ne jumepitsiana pakunia abajjü peejanawa, pakuenia pakujinae Egipto vekua pitsaparena. ¹⁶ Meta kaajena bajarapamatabi, Petuujjanenü jjaniavaetsia tsipaeba, jjamü "Taamona" nejamütsane, kaeto ata apo nejumaitsimütsane, "Taja Baal". ¹⁷ Jjanü nekuibo velia ikinaenajû Baal pewünü; pewünüaanü apo pa najamatabü pitsimü tsane". ¹⁸ Bajarapamatakabi jjanü najume livaisi yeiyataya rajutsianajû unu pija dajubita, atjübuyo pepunaevita, irata ata penarobobokaevi. JJanü to mujjupjetaajarbianajû pija bitsabi, pija espada, pija ira vekua tijjitsianajû penabeyaniva, jamateejema nakuere evetsinejja. ¹⁹ Jjanü jjaniavaetsia kuenta dajjita matakabijavaabelia amonanü tsane. Jjanü jjaniavaetsia kuenta amananü tsane, jjamü nejja saya ponaponaenajû, itajjutotsoniatayakuenia. ²⁰ JJanü najumelivaisi yeiyataya rajutsianajû jjamü javaabelia yeiyataya, nejjata Petujjanenü yapütaename. ²¹ Bajarapamatakabi, Jjanü kajumepitsianatsi, ma pakueniaje Petuujjanenü jumaitsije, Jjanü jumepitsianajû pitabojjo, bajarapamonae. ²² Ira jjaniavaetsia nakuitsiana, peejana vino, metira ata bajarajjuakujinae bajarapamonae Jezreel jumepitsiana. ²³ Jjanü nejja nutsianajû irata, itajjutotsoniataenajû Ruhamátalia. Ammí javaabelia jumaitsinütsane: Pajjamü raja pa Ammí Atta pa pijivimü, juya bajarapamonae nejumaitsitsane, Jjamü raja taja Tuujjanenümü".