¹ Nabucodonasor itsa baja jjaina anijavai beje peya nakua evetsijava, bajara ponü amajitsinae. Nejjata pe amajitsinaejava bitso jamatabü kuene büjaya ejjanatsi, bajarajjua yabara apomajitsi jjaneponae. ² Nejjata ira evetsinü itoroba pija jivi peto junatsi nejjatsi pamonae ata jumaitsi pabarü kuai kuai janü petüpaevi. Junata pamonae penajorobivi ata yajava bitso peyaa pütaevi ata. Bajara ponü jitsipa petsipaebi javatsi pe amajitsinaejava. Nejjata bajara pamonae joneya ira evetsinü javaberia nukaya wajünae kopia pitanübena. ³ Ira evetsinü jumaitsi bajara pamonae javaberia: "jjanü amajitsinaenü, bitso jamatabükuene büjanü tayapütaenejja bajara pamajitsinae yabara tsipaji jamatabü yapütaniji jjuayabara amajitsinaenü jai bajara ponü.'' ⁴ Nejjata pamonae bitso peyapütaevi panakua piji kuene jumaitsi ira evetsinü javaberia arameo jumeta: "Ira evetsinümü niasaü tsaponaponaejava dajjita matakabi javaberia nejja! panetsipaebare jjua amajitsinaemü nejjata pajjanü pakatsipaebianatsi pajamatabükuene jjaina bajara pamajitsinae." ⁵ 5Ira evetsinü jume kanavieta pepopeya pütaevi javaberia: Janü rabaja pakasiva najamatabü kuene veretatsi. Itsa pajjamü apopanetsipaebimü tsane jjua amajitsinaenü pajamatabükuene ata jjaina, pakaatsi itorobianatsi papekatupatitibabekuenia bajra pakuenia panija boonü ata najumaa jeba pabisiajava. ⁶ Itsiata itsa paneto itajütsianame jjua yabara amajitsinaenü pajamatabü kuene ata yajava jjaina, nejjata jjanü juya pakarajutsianatsi amoneya, penamatamotsijavanü, pakato kapatsianatsinua jivi papekayaiyatainejja ayai jamatabü kuenevikuenia. Nejjata jane baja, panejumaitsimüre jjua jjanü amajitsinaenü pajamatabü kuene ata jjaina jai ira evetsinü. ⁷ Bajaraapamonae jume kanaviata ikatsia neejjata jumaitsi: "Ira nakua ira evetsinü nakajumaitsitsane wajjaitsi pijapianivitsi jjua amajitsinae juya pajjanü patsipaebianajû jjua amajitsinae." ⁸ Ira nakua evetsinu jumepiita: "Yapütanijì kajena panejitsipaejava ayai matabi tsipaji pataneme tajamatabü kuene roviajavajjua yabaraje. ⁹ Baitsijane itsa apo pane tsipaebimü tsane ta amajitsinaejava, paka nanekonitsi ejjanaenatsi. Pajjamü tsaena panesivaa najumetaneme patane yamajjutorobi neejjamü jema livaisita tanajamataü livaisi jjanetsinejja. Neejjata kajena, panetsipaebare ta amajitsinaejava, neejjata bajarapakuenia jjanü yapütaenajû jjua jjanü amajitsinaenü. ¹⁰ Livaisi yapütaevi ira nakua evetsinü jume kanaviata: "ajibi kajena kae peebi ata ma pa irataje pe ejjanaejava jjua ira nakua ira evetsinü wajütatsi. Ajibi kajena ayainü ira evetsinü ata penatsita asaünü pe itorobi kuenia penajorobivi, ajibi itsajiviyo ata pe barü kuikuijainejja pe tüpaevi, itsajume peyapütae pebi. ¹¹ Jjua ira nakua evetsinü wajüka bitso ayapübeje, ajibi itsajiviyo ata pe tsipaebinejja ira nakua evetsinü jawabelia, kaejivi tsamanimonae, bajarapamonae jivi tuatuajüta apo jinawanapae." ¹² Bajarajjuaje anaejjanatsi ira nakua evetsinü ayaikuenia anaepana, itoroba dajjita pe beyejebinejja dajjita pe kanaüjübabiabivi Babiloniata. ¹³ Neejjata najume livaisi itajüta pe beyejebinejja pamonae livaisi kanaüjübabiaba. Ma pa livaisi yabaraje, Daniel jaitatsi pija banavi yaajava pe beyejebi neejjatsi. ¹⁴ Neejjata Daniel jumekanaviata yapütaya kainaya jumekanaviata Arioc, wajabitsaünü matakanukaenü ira nakua evetsinü peya evetsinü, perenanümi pebeyejebinejja pamonae Babiloniata pekanaüjübabiabivi. ¹⁵ Daniel yanijioba wajabitsaünü matakanukaenü ira nakua evetsinü pijajivitonü: "Itsajuajitsia bitso kanajjaneta nakua ira evetsinü penanekonitsi ejjanae livaisi? Neejjata Arioc tsipaeba Daniel javabelia jjua yaabara livaisi. ¹⁶ Neejjata Daniel joneya natsiwajüta ira nakua evetsinü petsipaebi neejja jjua amajitsinae. ¹⁷ Daniel pija boya beria pona Anania javaberia tsipaeba Misael Azaria beje jjua yabara junatatsi. ¹⁸ Bajara ponü kuene asaüya ejjanapejaitsinejja Dioso pejamatabükuene atjubütatsia pe ekaenüjavaberia pejamatabü peyapütaenejja Dioso pe jume livaisi ¹⁹ Bajara pa merewi jane Dioso yapütaeya ejjanatsi Daniel majitsinaebota.Nejjata Daniel tajamatabü kuene barüyaya najjuana atjubü piji Dioso. ²⁰ Jane jumaitsi:´´Barüyaya pawünü ²¹ Dioso kuene kajupatsi pe jjanetsijava nejja vai matakabikuene ata; Dioso tijjita kae ira evetsinü kanakujitsia nuta pona kaenü kanakujitsia pija tajjunaeta ²² Dioso kuene kajupatsi ü ²³ Tajamone piaja Diosomü, jjanü pejjenia kuene neto ejjaname bajara jjuata pejjania kueneta ka itajitsipatsi tane yapütai ejjanai jjaimü jamü nesaü jjua ne rajutame,"Ikatsia nerrajutame taya pütainejjajjua paka wajükatsi jjamüta jawabelia,j jjamü baja kajena pane yapütai ejjaname peitorobinü reynü kuenia." ²⁴ Nejjata Daniel tae ponaria Arioc ponü ira evetsinü to kopata pebe nejja dajjita livaisi yapütaevi Babiloniata.Nejjata jumaitsi:´´Pütsa abajju biame livaisi yapütaevi Babiloniata,ne barüponare ira evetsinü java beria ta tsi itajutsinejja pe amajitsinaejava´´. ²⁵ Nejjata Arioc bepiajayokuenia barürena Daniel ira evetsinü itabara javaberia nejjata jumaitsi:Jjanü kajjinajü pepo naevi tuatuajabata Juda pebijivi javata tsi itajuta pekayapütaeya ejjanaenejja pe amajitsinaejava ira evetsinü.´´ ²⁶ Ira evetsinü jumaitsitsi Daniel,detsa raja ponü pewünumi Beltsasar:´´¿Jjamü raja kakuene kaüjüpa tanetsipaebinejjamü jjua taniji ta amajitsinaeta pajamatabükuene ata jjaina bajara pamajitsinae?´´ ²⁷ Daniel jume kanavieta ira evetsinüta jane jumaitsi:ira evetsinü yanijoba pematayatsi jamatabükuene apopetsipaebi jamatabükuenetsi pamonae papekayapvtaya ejjanaenejja bitso peyapütaevi ata,pamonae ata jumeitsi petüpaevi ata pabürü kuaikuai jjanü jai pamonae peyapütaivi pe üjübijavaata,tulupukuene pekanaüjübi java ata. ²⁸ Itsieta baitsi jane,wajjaitsi jjainatsi Dioso piasaünü atjubütatsia peponaponaenü,bajara ponü kuenekaüjupatsi barajjua pekayapütaeya ejjanaenejja,PETUJJANENü paka yapütae ejjana pajjamü,ira evetsinü Nabucodonosor,itsa jjua tsane Dioso perena matakabianüta.Nejjata jjuaje ira evetsinü ne amajitsinaejavata jjua ata taneme bemajitsinaebo kuenia ne majitanukaejavata. ²⁹ Arijibia,jjamü jabata,ira evetsinü,ejjana bemajitsinaebokuenia jjua kopia patijitsia,nejjata kaenü Dioso yapütane peyapütaenü jivi javaberia peyapütaeya ejjanaenü bupunua piji kuene javanua itsajjua itsakuenetsane. ³⁰ Mara pa misterio je neyapütae ejjana jjanü javata bitso apo ta yaputae müjütupa itsamonae jivi wekua.Mara pa misterioje neyapütae ejjana jjanü baitsi jjamü nejja,ira evetsinümü,neyapütaenejja jjua jumaitsijitsia,neyapütaenejjanua pejamatabütjo piji liveisi. ³¹ Ira evetsinü,jjamü taneme jane taneme piniji atsananinü.Bajara pa atsananinü,bitso ikani piniji jamatabükuenenü penaitayotsinü,jjamü nitabarata nuka,penivejaijava bitso vaja kujunavi kuene ³² Bajara ponü pematabokoto ejjana wüpepopejjania oronanito javanüta.Pemipa pemajjubeje yajava ejjana palata nanitojava nuta.Pekototo javavereka kujinae pijinia petjaüto beje javavereka ejjana broncenanitojava. ³³ Pesito beje pijinia ejjana kopainanijavanüta.Petajju beje pijinia ejjana itsajava kopai nanitojava itsa java atsananitojava. ³⁴ Jjamü taneme iboto pe tjabijava, ikani apo jivi kobeta, jumape kataenüanü tajju atsananinü tajju kopeinü juma konitatsi, ayaikuenia tsapababia. ³⁵ Nejjata kopei, atsananinü, bronce, palata, oro, kae kuenia, tsapatajjuaba be poona pürü pakuenia vaita ba bobena. Jovibo kaputa bajaraapamonae apo pürü bookatabi irata pürübia pepürübiajava weita.Nejjata bajara papürü jovibo kaputatsi kaepürüto ata aponakapatsi.Pekonita jjuabi iboto atsananinümi nabijiena ayai tsuto jjaneto naejjana dajjita ira wünüka. ³⁶ Bajara ma jjuaje pe amajitsinaejava, neejata ajenakonojjae tsipaebianatsi jjua jumaitsijitsiatsi pe amajitsinaejava. ³⁷ Jjamü, ira nakua evetsinümü, jjamü raja ira nakua evetsinünü dajjita matatojjenetsia ira nakua evetame ponü atjübü pijinü Dioso karajjuta, ne asaü kuene, ne nayaakaranatanukae neejja pekayeiyatae neejja yaajava. ³⁸ Bajaraaponü tsikobe bopata dajjita dajubi pepunaevi yaajava pekobeta, Bajaraaponü kamata ksnukae ejjana. Jjamü raja ne mataboto oro ne jumapeta. ³⁹ Jjamu kujinae, itsa nakua ira evetsinü namata kotsiana jjamü vekua beverianü,juya ikatsia akueyabi kujinae bronce nü ira evetsinü tsane dajjita ira java. ⁴⁰ Renatsane itsa ira evetsinü, be kopei saünü, tsipaji kopei nanito kuene kajüpatsi pe bijianaejava pe katsapanaejava nua dajjita kuene. bijianaena bajara jjuanü katsapanaena nua dajjita kuene ⁴¹ Jjamü pakuenia taneme, pe sebi atsananitota tajjü ejjanatsi kopei nanitotanua ejjanatsi, bajara pakuenia penatsatsi ira evetsinü tsane; bajara ponü be kopei saütsane, jjamü pakuenia taneme kopei nanito peyakueyakuekai atsanani yajava penamatajüruatsijava. ⁴² petajjuwüsi pakuenia itsitsi kopei nanitota atsanani yajava, bajara pakuenia ira evetsinü jjainaena pe asaübejejava pe saü pjae pjae naejavanua. ⁴³ Jjamü pakuenia taneme kopei nanito penamatajürüatsijava peyakueyakuekai atsanani yajava, bajara pa tomara be penamatajürüatsikuenia tsane; bajara pamonae kaejavata apo jinonopae tsane, pakuenia kopei nanito apo namatajürüatsi atsanani yajava. ⁴⁴ Bajara pa ira evetsi matakabianüta, atjübü piji Dioso nutsiana ira evetsinü kaenü ata apokuene kajüpaetsi pebijianaenejjatsi ⁴⁵ pakuenia jjamü taneme, ibo tsuto pe kaukutajjüabijava, baitsijane apo ukutsi jivi kobeta. Ukuta kopei nanitota, bronce nanito, atsanani yajava, palata Oro naninua mujjupa ukubia. Pepa Dioso pajjamü paka yapütae ejjana, Ira evetsinü, itsa jjua tsane pe itsikuene java. pejjania jaijavara pe amajitsinaejava bajara jjua pe tsi itajütsijavatsi vaja jume kavunütsinejja.´´ ⁴⁶ Nabucodonosor ira evetsinüü pe matabakabüta vajünae kopia pita Daniel yaiyataya; nejjata ira evetsinü itoroba perajutsinejjatsi petujjüjuvi tsüjjujava Daniel nejja. ⁴⁷ Ira evetsinü jumaitsi Daniel javaberia: ¨pejjaniajai kuenia jjamü nija Dioso kajena Dioso mataatojjenetsia Petujjanenü itsa diosovi ata, ⁴⁸ Nejjata ira evetsinü yeiyataya tane Daniel nejjata rajutatsi perajutsijaba amoneya.Tomara evetsinü kuenia nutatsi dajjita Babilonia tomara java.Nejjata Daniel nutatsi kopieya tomara evetsinü kuenia Babilonia pijipebijivi peyaputaevi matatsunua. ⁴⁹ Daniel towajuka ira evetsinü javaberia,ira evetsinü vunu junata Sadrac,Mesac yajaba Abed Nego bana peyajaba nakuenabinejja pemata kaitorobivi kuenia Babilonia nakua javata.Baitsijane Daniel tsitekaya ponapona ira evetsinü pija pinijibojjanetota.