¹ Bajara pamatakabianü jawa, Miguel piniji principenü pekato, evetsinü nija tomara, namatakotsiana, bajara pamatakabianü tsaponae tsane naya livaisibiana, apo pekuene itsi jawa kaetoata petajjüjjüabi matakabi kujinae itsa nakuanü ata bajara pamatakabianüta. Bajara pamatakabita, nija tomara kuene yavenonaenatsi, dajjita pe wünü rubenaivi kuyalato bajjütota. ² Dajjita pamonae petüpaevi namatakobiana, itsamonae Dioso pejume kawünütsivi apo werewerekae tsane itsamonae jane apo pejume kawünütsivi pe pakuene werewerekaena. ³ Dajjita pamonae pejjania liwaisi yapütaiwi bara pamonae bitso niwe jai tsane pakuenia ita bojjo ba nibe jai. yajawa dajjita pamonae bitso pejjania kuenia Dioso pe jume kobünü tsiwi, bara pamonae be tulupu nibe jai dajjita matabi jawajelia, ⁴ Baitsi jane jjamü, Daniel, najume kopare baja mapa liwaisije; kopiarure baja najume akare ata pe kopia rukae jawabelia. ayai bütsaütonü kujiru nayatsiana, bara jota witsabiana ayai jamatabü kuene.'' ⁵ Nejjata jjanü, Danielnü, taniji, itsa najuanü beje penükae jawa. kaenü nuka mene müjjübürüta, itsanü nuka itsa müjjübürü mene nania. ⁶ Bajarra ponü yajawününü jumaitsi lino jawa penajjatatsinü jawabelia, mata tsunü mene müjjübürüta: ¿Detsameta pa wai beje pekopia rukae yawa jivi jematsia pe patsi jawa? ⁷ Jjanü jume taniji lino jawa penajjatatsinü, najjatsia meta matatsünüa menemüjjübürüta, bajara ponü pekuaja kobena kobeyotsia petsovene kobe yajawa atübüabetsia pepo pejjaniajai kuene ponü pe, asaü tsapona panamü dajjita matakabi jawabelia bewelia matakabinua meta tsane, beweria matakabi. pakujinae santo tomara pe saüta to kopia saünrukaenatsi, dajjita bajara jjüa kuene namata jüpaya ejjanaena. ^{8 9} Jumetanijü ikatsia, baitsi jane apo jume yapütainü. nejjata yanijobajü: ''taja tujjanenú ¿detsa jjua meta tsane dajjita jjuanü kujiaeje? ''Nejumaitsi: jumatejemamüre Daniel, dajjita rabaja pajümenuje kopia ruka jopaje ata nakua pe kopia rukai jawabelia. ¹⁰ Ayai bútsaüto jjanetonü, bajara pakujinae, najjaniawaetsiana, baitsi jane peakuene bejewi mata tojjenea akujirobe matatojjenetsia tsane. itsa jiwi ata apo jume kobúnútsi tsane yajawünü piakujirübejewi, ¹¹ Pijinia baja pejjania jamatabü kuenewi matatojjenetsi yapütai ponaina. Pa matakabi kujinae kopia ruta ofrenda pabisiakuenia itswikujinae jawa kujinae bitso bijiobi tsane, mil doscientos noventa (1,290) pa matabi beje tsane. ¹² Pejjania kueneta naukotatsi pa jiwiyo najamatabü tsauta ponapona, pe patsinejja mil tresciento treinta cinco (1,335 -) pa matakabi beje. ¹³ Jjamü kajena robia ponare ata pe kopia rukae jawabelia. nejjata jumatejema baja nakuero ewetsianame. Jjamü junainame peka ewetsi tajjunai jawatatsi jjamü nejja, pekopia rukai matakabi jawata.