3 ¹ Ñumarü Pedru rü Juan tameepü̃arü oragu yauanekü rü tupanata taü̃newa nai, erü ñema nii yumüearü ora. ² Ñema yima tupanapatawa nañema wii yatu norü bükümatamo chieparakü, rü guü̃ nguneü̃go ñema natanüü̃gü rü yima Tupanapataarü ia a meechiü̃gü aeganegu naamugüü̃, na ñema dieruka inaraü̃ka, nüna i duuü̃gü a yima Tupanapata taü̃negu chokuü̃. ³ Ñeguma nüma Pedro rü JuanÜ̃ nadaugu na Tupanapata a taü̃nego nachokuü̃, rü yima chieparakü nüü̃ naweme rü dieruka nüna naka. ⁴ Pedru rü Juan meama nüü̃ narü daunü, rü Pedru ñanarügü nüü̃: "Toü̃ nadawenü". ⁵ Yima chieparakü nüü̃ nadawenü, erü nüma nüü̃ nakuago rü chi taakü nüna naagü. ⁶ Notürü Pedru nüü̃ ñanarügü: "choü̃ natauma dieru rü uiru, notürü ñema choü̃ ñemaü̃ ta kuna chaa. Rü naegagu ya Ñgechuchu ya Cristo ya Ñacharétukaa kuü̃ chamu, rü inachi rü iuneküü̃." ⁷ Pedru rü noprü tügünemeegu niyauachi, rü nanachiee; rü ñegumatama naporae yima nakutügü rü nametüü̃gü. ⁸ Nayunagü, rü nachi rü naügü a uneküüü̃; rü nüma Pedruwe rü Juánwe Tupanapata taü̃negu naüku, rü nana yunagüane rü Tupanaü̃ nikuaüü̃ü̃. ⁹ Guü̃ma i duuü̃gü nüü̃ nadaugü na iauü̃ rü Tupanaü̃ akuaüü̃ü̃. ¹⁰ Numagürü porakü nabaiachie ñema duuügü naka ñema nüü̃ ngupetüü̃ yimá yitü̃ ga Tupanapata taü̃nearü ia meechiü̃gu aeganewa rutoü̃kü rü yiema dieruka ikakü. ¹¹ Rü tama Pedruna rü Juanna niugachichaü̃, ñema guuma i duuü̃gü naü̃tawa nabumü ñema chopetüchikawa charamóuarü üpetüchikagu aegaü̃, guü̃ma i duuügü poraakü nabaiachie. ¹² Yeguma Pedru ñaaü̃ na daugu, ñaakü ñema duuü̃güü̃ na ngaü̃: "PemagÜ, Íraétanüü̃gü, ¿Tüküü̃ pebaiachie?¿tüküü̃ toü̃ perüdaunü ñama torü porama rü torü meü̃maa tanameeeü̃ rü ü̃? ¹³ Yima Abaaru Tupana rü Ísaakarü rü JacobarÜ, yima tanatügüarü Tupana, rü yimatama i ñuma Ñgechuchuü̃ tachigaekü, na guü̃arü yeera yiü̃ka. Yimatama permagü aegakü i piratuü̃tawa penagakü, rü ñeguma nüü̃ añechaü̃gu a Pirátu, rü pema rü tama penaweegü na aneaü̃. ¹⁴ PemagÜ rü tama penawae na inanguuchiü̃ yimá Üünekü yima aikuma mekü a ngechucho, notürü naka ipeka na peka inanguuchieeaü̃ka na wii i maetaü̃. ¹⁵ Rü pemagütama peamagü yima Ñgechichu tüü̃ maeeekü, notürü yima Tupana rü wena nanamaee, rü tomagü rü nüü̃ tudaugüü̃ na wena namaü̃ü̃. ¹⁶ Ñuma daa yatü chieparachireü̃ pema nüü̃ pedauü̃ rü nüü̃ pekuaü̃ rü marü naka nitaane erü Ñgechuchuaü̃ naao. RÜ ngema Ñgechuchuaü̃ naoaü̃ka nii i naka ataaneü̃ i yima yatü chieparachierekü ñema ñuma i guema pemagu nüü̃ na pedaugüü. ¹⁷ Ñuma, chaveneegü, chamarü nüü̃ chakua ñeguma pema rü wiigu perü aegakügümaa peamagügu a Ñgechuchu, rü tama nüü̃ pekuagü na ta akü na peüeü̃. ¹⁸ Notürü tupana rü ñemaakü naanguee ñema uneta i nukuma nümatama nüü̃ auü̃ namaa guü̃ma norü orearü urü̃gü. Érü ñema norü ore ümatüü̃wa ñanarügü, "Cristo rü ta nguü̃ niñe". ¹⁹ Ña menii i nüü̃ perüoeü̃ i peküma chieü̃, rü Tupanaka pei, rü peaogü na nüma peü̃ inapiaü̃ka perü pekadugü. ²⁰ Rü nümarüta numa nanamu a Cristo, rü peka nüü̃ naunetakü na perü aegaküā Ñgechuchu. ²¹ Nümani a yima nanawee i dauguü̃ i naanegu na naaaü̃ ya Ngechuchu ñuma táta nüma ya Tupana wena naeeeagu u guü̃ma i ñama i naanewa ngemaü̃. Érü ñemaakü nii ga nuü̃ yauü̃ a Tupana nawa ñema nukümaü̃güü̃ norü orearü uruü̃gü i üü̃neü̃. ²² Moiché aikumaü̃chima ñanarügü: ""YIMA KORI TUPANA RÜ PETANÜWA TA NÜÜ̃ NAUNETA WII NORÜ OREARÜ URUÜ̃ I CHAURÜÜ̃ IÜ̃. RÜ NAME NII NA NAGA DE IUNÜEÜ̃ I GUÜ̃MA I ÑEMA PEMAA NÜÜ̃ AUÜ̃. ²³ NANGUPETÜTA RÜ TEE TATANÜWA TAMA NAGA INÜE I ÑEMA OREARÜ URUÜ̃, RÜ MEATAMA TÜMAGU NAPÓGÜ I TÜMATANÜWA." ²⁴ Ngu, rü guü̃ma i Tupana arü o rearü uruü̃ Chamué rü guü̃ma i togü TupaarÜ arearü uruü̃gü naweama ügüü̃ rü ta nüü̃ ni ugüe na taakü ta üpetüü̃ namaakü. ²⁵ Pemagüni i Tupana arü orearü uruü̃güakü rü nukümaü̃chima yima Tupana Ábraáü̃maa nüü̃ niu: "WII KUTAA TÁ NII NÜÜ̃ RÜ NGÜEEÜ̃ I GUÜ̃MA I DUUÜ̃GÜ I ÑAMA I NAANEKA." ²⁶ Ñeguma Tupana wena namaeegu yima Ñane Ñgechuchu rü petanüwaira nanami na peü̃ nangüeeü̃ka, erü nanawee i wiichigü i pema na nüü̃ perüoeü̃ i pekümagü i chieü̃ rü aikuma pedogüü̃."