¹ Jatian jainoax pikota Jesús jawen kaa iki, jawemeax onanaibo chibankano iki. ² Tantiti nete nokota iki, jatian Jesusen Diosen xobonxon jato exeaiki. Jatian jonibaon ninkatanan ratekanax ikana iki: "¿Jaweranoaki nato jawekibo onanarin?¿Jaweranoa onanti shinan biaxki nato joni jaskatai?¿Jawerin nato rateti jaweki jawen mekemanbo akai? ³ Natomarin ja Carpintero, Marian bake, itan ja Jacobo (Santiago), itan Jose, itan Judas itarribi Simón?¿Nenoki iamakanai jawen poibo nobetan? "Jaskaxon jaki jakomati shinan kana iki. ⁴ Jatian Jesussen jato yoiya iki: "Proferara, jatibianxa jaken akin oiknanai, ikaxbi jawai jamanko, kawn rarebaonbi, itanribi jawen xobonkoxon, jaskayamakani" akin. ⁵ Joskara kopira Joan rateti jawekipo atripanyama iki, ikaxbi javeti isinaibo jawen mekeman tii axon iato benxoa iki. ⁶ Ja ikoanyamakanai oinax rateta iki. Jatianrex wetsa jemanborex Diosan join jato axeboai ka iki. ⁷ Jesusan chanka rabe jaomea onanaibo kena iki jato rannoxon, rabe rabebo; itam jonimea yoshinbo pikoti koshi jato menia iki, ⁸ jainxon jato yoiriba iki, jawe jawekibi botima, jaton bastonbores boti: jawekiati, jaton pisha, jaton korikibo pisha botima, ⁹ Maton tasaometires, itan xabe chopabo botima akin. ¹⁰ Jainxon jato yoiya iki: "Westiora xoban nokotax, jain bajekanwe, wetsa jeman kai kaman. ¹¹ Jatian jaweranon jeman mayo bikashamana, itan mato ninkakashakanai, jainox mato bikoti iki, kai mato mai poto tawasakainti iki, ja mato bikashamakana onanti kopi. ¹² Jaska jabo bokatna iki, jato ocha akaibo jenenon ixon yoiboi. ¹³ Yoshin naikiabo pikoboi, itan xenin sicaboi, intaribi icha isinaibo benxoaboi. ¹⁴ Jatian Jesussen jane ninkataitian itan moa jatixonbi onanboarian Apo. Herodesnin ninkata iki: Itanribi jatiribibo yoi ikana iki: "Ja Profeta Juanra mawabo ikainoax jirike, jakopira jawemeran ja koshi rateti jawekibo akai itinke. ¹⁵ Wetsabo ika iki. "natoiriki ja Elias". Itanribibo ikana iki: "Natoriki Profeta, ja moatibon ipaoni kesta" ikibo ikana iki. ¹⁶ Jatian jabo ninkatax Herodes neskati yoyo ika iki; "Juan, ja en jato textemayantanara, jiriribike iki". ¹⁷ Ja Herodias kopira iki, Herodesnin ja Juan yatamaxon cadenanin axon jato carcelmeran jato xepona, ja Herodesninia jawen wetsa Felipen awin Herodias awin anana ika iki. ¹⁸ Jatian Juanman Herodes yoiya ika iki. "Min wetsan awinbi awin atira joimeran yoiyamai" akin. ¹⁹ Jatian jaskakax ninkatax Herodias kikiixi sinaxon retekasa iki, ikasbi atipanyama iki. ²⁰ Ponte itam jakoma akama iketian Juan reteti atipanyama iki, jatian esebo yoiyaitian, Herodesnin juanki rakekin jakoankinres ninkaxona iki. ²¹ Jaskata itainbi, jawen pikoto baritia nete nokota iki jatian Herodesnin piti tsinki ani aka iki, jawen Sontaro, itan Sontaronbaon koshi, itanribi Galileananoa kikin jonibo, jatian Herodisasnin reteti shinan aku iki. ²² Ikainbi, Herodesnin bake xontako joax Jatono ransa iki, jatian Herodes itan jawen Kenama jonibo kikinbiresi rarokana iki, jatian Herdoesnin ja xontako yoiya iki. "Ja mia kenai jawekibo ea yokareswe, en mia meninon akin". ²³ Jatian ikonkon menino yoiya iki: "Ja mia jatibi jaweki kenara en mia meniti iki, itanribi ea jatibi jayata Napon senen en mia meniti" iki akin. ²⁴ Jatian jainoas pikotax ja xontako jawen titaiba ka iki yoiya iki. "¿Jawe yokaban?" akin Jatian jan yoiya iki. "Eara juanman Mapo kenai". ²⁵ Jatian, jaska ishton pikotax ja xontako. Herodesba kaxon yokata iki. "Eara jan jato Bautizanai juanma Mapo raton axon meniti kenai" akin. ²⁶ Jatian Apo kikinbiresi onisa iki, ikaxbi jan jatibi kenai meninon ixon yoiyax, jawen kenabo oina, jakoma ikashamakin. ²⁷ Ja Apo westiora Sontaro wirana yoiya iki juanman Mapo benon ixon. Ja Sontaro kaxon textea iki. ²⁸ Jatian jaskaxo, raton axon juanma Mapo bexon ja xontako menia iki, itan ja Xontanin jawen tita menia iki. ²⁹ Jaskara ninkatax, ja juam meax onanaibo bexon jawen yora bixon minxonon ixon bokana iki. ³⁰ Jasesusan katotabotsinkison Toroakanaiki, jainixon yoi kanaiki jatibi ja akaknabo itanribi jato axe akanabo. ³¹ Jato yoiaiki nenoax jonibo yamanko tantitankanwe jainronki bokanaiki itanribi benankanaiki jatonaronki tantitibo ya makanaiki. ³² Natoborinki Wesliora botin bokanaiki tsoabi yamanko. ³³ Icha jonibaon oinkaniaki itaribi onankanaiki nato Jesus Kaitian. ³⁴ Jesusan parokexa nokoxon inna ikaiki ichaberxs jonibo, jato noiba iki oveja iboma keska ikanaitian. Jain joto aseakaiki icha jawekibo. Mua yanten iketian nato Jesus chibanaibo tsinkikanaiki Jesus betan kainxon yoikanaiki moara yantan iki akin. ³⁵ Mua yantan iketian nato Jesus chinabanaibo tsinkikanaiki Jesus betan jainxon yoikanaiki moara yantan iki akin. ³⁶ Yoi kanaiki moa botankanwe ochoma jakanainko jain maroti non kaitibo ³⁷ Jesusan kewintana jato yoiyaiki. Maton menekawen pikanti kopi. "Jabaon yoikanaiki" noaboki bokantiki maroi rabe pacha denario kopi pan maton piti? ³⁸ Jesusan jato yoiyaiki ¿Jaweti panyari mato? Boxon ointankanwe "moa onanxon yoikanaiki" noariki pichika panes rabe yapaya. ³⁹ Jesusan nato icha jonibo jato yoiyaiki nato xobinko ya kakanti. ⁴⁰ Nato joniboronki tsinkitax yakakanaiki, Westiora pacha itanribi pichikachonkabo. ⁴¹ Jesusan yatantana pichika panes itanribi rabe yapa, oinnaiki nai bochiki irakeakin jawen papa, jainxon kaxkeaiki nato panbo meniaki nato jawen kato tabo jabaon nato icha jonibo jato menikanaiki. Ja rabe yapabo senenbires jato nieniaki. ⁴² Nato icha jonibaoronki jatixonbi pikanaiki raroshaman ba kanaiki. ⁴³ Nato Jesusameax onanabo tsinkikanaiki nato pan beshetabo itanribi yapa pakeshokobo. ⁴⁴ Jain ronki ikanaiki pichika waranka jonibo jabaon pikanaiki nato panbo. ⁴⁵ Jesusan jawen joichibanaibo jato yoiyaiki ishton boten nanetax bokante ja bekeiba Jesus kamatianbi, Betsaida akanai jeman janbi jato akaiki yoikin moara era moakai akin. Ja icha jonibo. ⁴⁶ Nato joniob moa bokanatian Jesus kaiki ni meran jainxon orani. ⁴⁷ Moa ya ikaiki nato bote itinaiki ani paro napon, Jesus bicho mainko. ⁴⁸ Jesusan jainxon ja jonibo oinnaiki winai koshicanai, niwen jato wetsaroiakin jato boaitian. Jainoax moa choskoakin bijilia nuoa akanaikaiki jatian Jesus joaiki jato benai ja ani paro jenenbi chankachankakirani jato wikonasi. ⁴⁹ Nato jonibaon Jesus jenenbi joaitian shinan kanaiki yoshinriki akin sai ikanaiki. ⁵⁰ Neskara oinax jonibo ratekanaiki. Ishton jato yoiyaiki Jesusan "koshi ikanwe eariki rakeyamakawen. ⁵¹ Jesus nanetaiki boten nato niwe jetaiki jatianra ikanaiki rarobainakanaiki Jesus oinnax. ⁵² Nato jonibaon onanyamakaniki nato pan akakopi jaton shinanbo ishton ayamakanaikin pontokin. ⁵³ Ja paro shitax nokokanaiki genesaret jeman nexakanaiki jaton bote. ⁵⁴ Botenkoniax pikotax jonibaon onankanaiki Jesus. ⁵⁵ Joniboronki ishtonkanaiki nato main bekanaiki ishinnaibo kamillanin Jesus joai ninkaxon. ⁵⁶ Maxko itanribi ani jamabo jaskaribi wainkobo jain akanaiki bokin isinaibo. Jawen chopa metax ikanaiki isinaibo benxoe.