¹ Jan peoribia iki jato axeakin ian kexaxon. Icha jonibaon tsinkixon kateaketankana iki, jaskatax boten nanetax, jain nayaka iki. Jatibi icha jonibo ja paro kexa yakakana iki. ² Jainxon jato onamaa iki icha jaweki, winotamerankonxo. ³ "Ninkakanwe, jabanai joni pikota iki banai. ⁴ Janbanaa, jatiribi berobo paketa iki bai napo, isabo bexon ja berobo pikana iki. ⁵ Jatiribi berobo paketa iki makan main, ichama mai ikatin. Ishtonbires xoxoa iki, ikaxbi mai chichoma ika iki. ⁶ Ikaxbi moa bari pikoketian, moa choxia iki tapon ma ikash. ⁷ Jatiribi berobo paketa iki maxabo xaran. Ja moxabo anixon ja xoxoabo mapoxon reteaiki. Jawe bimibi yamaa iki. ⁸ Jatiribi bero mana iki jakon mainko xoxo iki aniaiki bimiaiki, jawen bimi ika iki kimixa chonka, jatiribi sokota chonka jainoax pacha bebonbires". ⁹ Jan yoiya iki. "Jan ninkatia ixon, ninkakanwe." ¹⁰ Jesus jabicho iketian, jatiribi ja ochoma ikanabaon ja chonka rabe jaomea onamaibo, yokakana iki ja winota yoiyobo. ¹¹ Jain jato yoiya iki: "Enra mato menia iki jone jawekibo ja maton onanan ixon Diosen jati neten ikabo, icaxbi jatanbiribi ikanaboen yoiyai winotameranxon. ¹² JAWETIANKI JABAON MERAI JABAONRA OINKE. ICAXBIRA MERAYAMACANAI, jabonra nikatai ikasbi onanxamaresai. ¹³ Jan yoiya iki: "¿Matonki nikayamaresai nato winotabo? ¿Jawekeskaxonki maton nikati iki? ¹⁴ Ja baro banai joni riki, Diosen joi banai. ¹⁵ Jatiribi bero mana iki bai napon paketa keska, jabaon nikatai, ikaxbi ixtonberes yoxin joxon shinanbenomai ja Diosen joi bamakata. ¹⁶ Jatiribibo berobo makan main banakata keska, tsoabaon, minkatai ja Diosen joi, ishtonbires raro shinan biai. ¹⁷ Jabora icha taponma ikax, moa onsa jawexibo itan ramia kanabo joi akai iketian, jabo basimabires banekanai. ¹⁸ Wetsabo moxa napo bana. Jabaon nikatai Diosen joi, ¹⁹ ikaxbi nato netemea jaweki, jayabon parametax, wetsa jawekibon kenaitonin, jikixon retia ja Diosen joi, bimitimakin jenea iki. ²⁰ Jaskara iketian ja jakon main banakata iki, jaboriki Diosen joi ninkaxon biabo jaboriki bimiyabo. Wetsabo kimisha chonka, wetsabo sokota chonka, wetsabo pacha. ²¹ Jesusen yoiya iki: ¿Ja joenti maton xobonko akaiboka, maponoxon iamax mato oxai naman anoxon maton beai? Matonra akai jainxon jatibiain tenatiain. ²² Jaskara ikax yamarake, Jone jaweki jatibira jishtiai, jatibira kepematai. ²³ Ja ninkatiabo ixon, ninkakanwe. ²⁴ Tsokasyamakin ninkakanwe, ja jan maton jato toponai, topontininribira mato akanti iki, iamax bebonberes. ²⁵ Ja jayabora, bebonbires meniti iki, ja jayaomabora, jawen jayatayabi bichinti iki. ²⁶ Jan, yoiya iki, ja nai neteriki jonin bero bana keska. ²⁷ Jara yame oxai, neten wanitai, ja bero xoxoai, aniai, ikaxbi jan onanyamake. ²⁸ Mainra janbi bimibo imai, rekenpari pai, ja pekao joatai, jainoax ja bimi joshinai. ²⁹ Moa ja bimi joshinketianra, jan tsekati jan xateti bitanna moa tsekai, jaskaati moa nokoketian. ³⁰ Jan yoiya iki. ¿Jawe, jawekikimein ja nai nete non yointi atipanke, jawerato winokana jawekibo yoixonmein non jato ninkamati iki? ³¹ Ja riki mostaza bero keska, ja mainko banariki, wetsa berobo bebonbires maxko. ³² Ikaxbi, ja bero banaa xoxaxra, wetsa banabo bebonbires ani jiwi ikai, jawen ponyaboyabi, jaskara otameranshama isabaon jaton naabo ati iketian. ³³ Icha winokana jawekibo yoitana, jan jato joibo yoiya iki, jabaonribi jakon akin ninkata iti iketian. ³⁴ Ikaxbi jan, moatian winokana jawekiboki, yointana, jato yoikatitai ikaxbi jatobiribi jan jato ninkamakatitai jakon akin. ³⁵ Ja nete, moa yantan iketian. Jan jato yoiya iki, oke bononbokanwe. ³⁶ Jaskara iketian joni icha moa jenebainkana iki, moa Jesus jatobetan bokana iki, moa ja barconko iketian, wetsa barcoboribi ika iki jain ³⁷ Jain peokota iki, niweaba, ishtonbires, bechonbaon ja barco chichobo rasayona iki, jaskara ikax ja barco jene bocho ika iki. ³⁸ Jesus ika iki barco poinkikiri oxaa jabaon jishteanki yoiya iki: ¿Maestro, moa no mawatires itinkebiki mia jawe iamabobiai? ³⁹ Ja jistenxon, ja niwe bechitena iki, ja paro yoia iki, xabashama iwe, ja niwebo nesea iki, iyorabires jakonshama ika iki. ⁴⁰ Jan jato yoiya iki: ¿Jawe kopiki mato raketai?¿Matokan koshi shinayo mabopari iki? ⁴¹ Ikonbiresi ratekana iki, yoyo ikana iki ¿Tsoarin nato, ja niwe, paro, joi ninkaxonai?