¹ Wetsa Neten Capernaun jemameash joa iki jatian jonibaon ninkata iki xobo chicho . ² lcha jonibo tsinkita ika iki, jain jikiti yama xebotianbi xepo ika iki, jainxon Jesusen jato joi yoiya iki. ³ Jaskara iketian, jonibaon Westiora kishi jiroma joni Jesus iba bekana iki, chosco Jonin. ⁴ Jatian Jesus iba nokoti ati payamash icha johi kopi, xobo pekaten boxon xobo pekoa mash axon Jesus ponte nokoma kana iki. ⁵ Oinxon mabi ikon a iketian, Jesusen yaiya iki ja kishi jirioma joni, baké min ochanconiara en mia kispinmake. ⁶ Ikashbi jain ikaiki kirika Wishati onan joribo, yakakana, jaton jointe meran shinankana iki. ⁷ ¿Jawe kopiki nato joni jaskati yoyo itiki? Jakoma riki, tsonbira jonin ocha soati atipayamake Diosen bichora jonin ocha soati atipanke. ⁸ Ishtonbires Jesusen jaton shinan onana iki, jainxon jato yoiya iki Jaskara shinanya ma kanwe. ⁹ Jawe keska ja kishi jirioma atin mato kenai mim ochara en mia soaxonke, min rakati biash katanwe akin. ¹⁰ Maton onannon ixon jonin bake riki koshi shinanya nato main ochabo soai. ¹¹ "Enra mia yoiyai wenishon min rakati biwe katanwe min xobon." ¹² Jatian ishtonbires jawen rakati biash joni nikota iki icha jonibo ratekana iki jainxon Dios rabi kana iki, jawetianbira non neskakara jaweki onwinyosma iki jonibo ika iki. ¹³ Ja jakiribi ian kexa kariba iki, icha joni jaki beribakana iki, janjato onamaresa iki. ¹⁴ Jatian winoki ja Levi oina iki, Alfeonin bake, jain apon kopiati yoiya kopi tsinkikanainko yakata, yoiya iki, "Ea chibanwe" jan Wenitana chiba iki. ¹⁵ Jatian Jesus, levikan xobonxon piaitian, icha ja apo kopi tsinkixonaibo itan ochaya jonibo, ja chibanaiboribi ikana iki, Jesusbetan jawekia, icha jonibo ikana iki, jabaon chibanreskana iki. ¹⁶ Jatian ja Diosen joi onan, joni koshibaon, oinkana iki, ja Jesus ochaya ita apo kopi yokaxonaibobetan piai. Jabaon Jesusemeax axeaibo yoiya iki, jawekopiki jan ocharabobetan jawekiai? ¹⁷ Jaskakanai ninkaxon, Jesusen jato neska akin yoia iki. Ja koshi jonira raonkantini kenyamai, ikaxbi ja isinaibora, jan jato raonti kenai. Eara joyamake ja jakonbo kopi, ja ochayobo kopikaya. ¹⁸ Ja Juan chibanaibo, Fariseoboribi, ikana iki, jawekiati teneyana Dios benai. Jaskara oinxon yoikana iki, ¿Jatian ja Juan chibanaibaon itan Farisebaon akai keskakin maton ayamai? ¹⁹ Jaska kana jato yoiya iki oimbora ja joni nenopari iketian, jawebipari ati atipayamake, ja joni moa jabema iketianparira ati iki, jawekiati tenayana Dios benaki. ²⁰ Nokoranoxiki nete ja wanoai joni moayama moa matoibakeash, ochati, ja netera, jatianra jawiati tenekanti iki. ²¹ Jawetianbi kexeai jonin chopa benakan chopa payo anati atipayamake, ²² Jawekeskaxonbi chamo payon vino jene ati atipayamake, acabipayo ikash ras ati iki. Chomo vena ikain vino buna ati iki. ²³ Ja tantiti neten, Jesus winota iki trigo wai ikain, jatian jawen yonotibaon tseka iki. ²⁴ Jatian ja ese onabaon yoia iki. "Oinwe, ¿Ja atima jaweki akanai tantiti netenbi? ²⁵ Jan yoia iki: " ¿Matonki jawetianki yoyo akama iki David ika iki jawekiakaci, jawen jonibobetain? ²⁶ ¿Jatian David jikia iki shobonko, Abiatar sumo sacerdote ika iki jain, pan pia iki jawen jonibobetan? ²⁷ Jesusen yoiya iki: "Ja tantiti netera jonibaona iki, jonibomariki ja tantiti nete. ²⁸ Jonin bake riki non ibo, jaribiki tantiti nete".