¹ Aora suto, ke senda fu brio, suto ten ke aguantá ma flakesa ri ma endeble, i suto nu polé agrará a suto memo. ² Regeno pa to suto agrará ri ama uto gen de endí ake lo ke sendá gueno, ri fooma ke elé kelá erifikao. ³ Nisikiera kristo a agrara a E memo asína jué kuno ta ekrito: "MA AJALIENTO RI AKE KIENE A AJA KAI ANDI MI" ⁴ pué to jué ekrito, pa insina suto ri mode ke po merio ri pasiensia i po merio ri ma eku tura, suto polé tené esperansa. ⁵ Aora, ke Rioso ri to pasiensia i aliento ndá a tó enú, un memo fooma ri pensá kú ka uno ri akuendo ku kristo Jesú ⁶ ke Ele asé ri moro ke to Enú poleba alaba Rioso ku un memo mende i un solo nbose a Rioso i tata ri ño Jesukristo. ⁷ Po Tanto resibí uno ku uto, asina kumo kristo tambié resibi a Enu, Pa alabanza ri Rioso ⁸ pue i a chita ke Kristo sendá moso ri sikusisio endí nombe ri belábela ri Rioso Pa konfimá ma plomeso ndou ama tatá, ⁹ i pa ma gentile glorifiká Rioso po miserikodia ri Elé, asina kumo ta ekrito: "PO TANTO I TAN ALABA RIOSO ANDI MA GENTILE I TAN KANDA ALABAN SA A NOMBE RI ELE" ¹⁰ Chitia ma: "SANGARI END GENTILE KU GEN DE RI ENU" ¹¹ Uto ve mas "AJABA NO, TO MA GENTILE; REGENO PATO MA GENDE AJABAIO" ¹² Uto ve ma, Isaias chitia: "RI BAI RI ISAI, TÉN KÉ LEBANDÁ UN KAMAJAN PA GOBENA A MA GENTILE. MA GENTILE LO KE TEN EPERANSA ENDÍ ÉLE". ¹³ Aora ke Rioso ri eperansa yena a Enú po, kreé ku chuchumeko i pá, pa Enu polé tene' eperanso po chochá, po kulti ri Epiritu Sando. ¹⁴ I tá tambie konbenaño ri asekka ri Enú, mo numano mi, ri bondá lo ke enú ta yeno, i ri to kumosimiento ri lo ke Enú ta Yeno tambié. I ta kombensío rilo ke enú tambie sendá kapá ri esóta a ma uto. ¹⁵ I ta kribi a enú andí aggú kusa pa enú kolá ma, po kausa ri don ke jué ndoa po Rioso. ¹⁶ E dón, senda jué, pi senda meso ri kristo Jesú ke jué mandoo a ma gentile, pa nda kumo saséte ebangelio ri Rioso, i ten ke asé to e kusa pa ofrenda ri ma gentile sendá aseptao, konsagrara po Espiritu Sando. ¹⁷ pue deleite mi ta endí kristo Jesú i endi me kusa ri Rioso. ¹⁸ pue i trebé nú ri chita kusa ke nu sendá ri lo ke krito a lográ po merio ri oberiensia ri mi e ma gentile, to kusa sendi icho po palabra i assío, ¹⁹ Po kutu ri señale ku marabiya, i po kutú ri Epíritu Sando, to e kusa senda pa rege Jerusalen i asla ma aya ri ma arerero, i pole yeba completa ebangelio ri kristo. ²⁰ Ri e manera reso ri mi senda proklamo ebangelio andi nombre ri kristo nu senda kunosio ri moro ke i pole kontrui endi uto Fundamendo ri uto ombenu. ²¹ Asina jué kuma ta ekrito: "AKE LO KE NIGGÚ FECHA RIKRITO A YEGÁ NU TAN GUATIA LO, AKE LO KE NU KUCHALO, TAN ENTENDELO." ²² Po tanto e a sendá obtakulisao ri yega endi enú po chocha. ²³ Poro aora, i tén niggú paraje andi e regione nu, I ta anelando po chocha ri tiembo yegá endi enú. ²⁴ Asina ke kuandi i tando po España i pole guatia Enu, i sendá enbiaro po kaddu me ri mi po enu, repue ri lo ke I a difru ta ri ñia ri enu po un tiembo. ²⁵ Poro aora i tando pa Jerusalem pa siribi a ma kreyente. ²⁶ pue sendá chocha ri plasé pa Masedonia i Akaya, ndale aggú kusa ama kusube, ri ma kreyente lo ke taba ai Jerusalén. ²⁷ Si tu E kusa jué ndao ku chochá ri plase antonse ane senda reurare, pue si ma gentile u komparti ma kusa epirituá, tambié ane ten ke siribi ma kusa material. ²⁸ Po tanto, Kuandi i logra to e Kusa I a serttfika to fruto u ané, I ton sigui po merió ri Enu a España. ²⁹ I a sabé ke kuandi I yegá a enú, I ra miní ku yenura ri bendisio ri Kristo ³⁰ Aora I ta motivá a Ené numano, po no Jesukríto i po gongoroko ri epiritu. Pa enú ta orá Rioso po mundo. ³¹ Oreno pi sendá librao ri ake gende reso berinde ri Judea i ke to kusa lo ke i ta asé senda aseptao a ma kreyente. ³² Oreno pi pole miní a enu ku jarocheria po merío ri boluntá ri Rioso i ke jundo a enu I pole topeta reposo ³³ Ke Rioso ri pa sendá ku to Enú, asina gué.