¹ Kuirá pa nú asé obra ri bo juttisia aí flende ri má jende pa ané miná bo. o bo bae a tén rekompesa ri Tatá ri bo ke tá endi nsulú. ² Poro kuandí bo ndá pito ri aggú kusa, asé oriki nú flende ri jende kumo má ipokrita asé endí sinagogas y endi kaya pa kujé alabansa ri jende. ³ Poro kuandí bo ndá pito ri aggú kusa, rejá ke mano ikiedda sabé lo ke mano rerecha tá asé nú, ⁴ asina ke lo ke bo bae a ndá, ndalo sin jende sabelo nú. Antonse Tatá ri bo kr tá miná bo sin jende sabelo ndá bo rekompesa. ⁵ I kuandí ores, sendá kumo má ipokritas nú, pokke ané a sindí ngongoroko po tá ri pié y orá endi sinagoga y endi ekina ri kaya, ri é manela poleba sé bito po má jende. I tá chitiá bo, ané a tén rekompesa ri sí. ⁶ Porobo, kuandí bae a orá, selá puetta y orá a Tatá ri bo ke tá endi jende sabeba nú. Antonse Tatá ri bo ke tá miná endi jende sabé nú tá rekompesá a bo. ⁷ Y kaundí bo tá orá asé repetisió nú kumo tá asé má gentiles, pokke ané tá pesé ke bae asé kuchao po chitiá po chochá. ⁸ Po é kusa sendá kumo ané nú, pokke Tatá ri bo a kunosé kusa ke bo a nesesitá ande ke tán prundá. ⁹ Po é kusa, orá ri é manela: "Tatá suto ke endi nsulú a tá, santifikao tán snedá nombe ri bo. miní a reinori bo. ¹⁰ bolutá ri bo tá asé, endi tiela kumo endi nsulú ¹¹ Ndá suto agüe pan to má ría. ¹² Peddoná reura suto, asina kumo suto a peddoná jende lo ke tá debé suto. ¹³ Y rejá kaí suto nú endi tentasió, poro alejá suto ri mal. ¹⁴ Pokke si bo tá peddoná a jende po ofensa ri ané, Tatá seletiá tambié tán perddoná bo. ¹⁵ Poro sí bo tán peddoná ofensa ri ané nú, Tatá ri bo nú. ¹⁶ Aremá, kuandí bo tá ayuná poné kara ri akonkojao nú, kumo ipokrita, pokke ané a kambiá kara pa má jende miná ke ané tá ayuná. I tá chitiá bo, ané a kujé rekompesa. ¹⁷ Poro kuandí bo tán ayuná, ungí kabea i porria kara ri bo. ¹⁸ Asina ke jende sabeba ke bo tá ayuná nú, poro solo Tatá ri bo tá miná renje endi jende sabé nú, tán rekompesá bo. ¹⁹ Gualá tesoro endi tiela nú, endi polilla y moo efaratá, y endi má jutaró a imrupí i a jutá. ²⁰ Má bié, rekojé pa bo tesoro endi nsulú, endi polilla ni moo tá efaratá, i andi jutaró a irumpí nú i jutá nú. ²¹ Pokke andi tá tesoro ri bo, tá kolasó ri bo. ²² Ojo sendá lampara ri kueppo. asina ke, si ojo ri bo sendá kaiko, To kueppo tá yeno ri lú. ²³ Poro sí ojo ri po tá malo, kueppo ri bo tá yeno ri okurana. Asina ke, si lú ke a tá endi bo sendá okura, ¿ ke tán ngande sendá okurana? ²⁴ Niggú poleba sebbí a Rioso i riquesa nú. ²⁵ Asina ke i tá chitiá bo, prokupá po mbila ri bo nú, po ke bo bae a kumé o bebé o asekka ri kueppo ri bo, ke tán bití ¿ pokke mbila sendá má kumina númá y kueppo má ke chepa? ²⁶ Miná pajaro endi nsulú. Ané a semblá, ni rekujé nú, ni jundá endi granero, poro Tatá ri bo tá ndalo kumina ¿a sendá enú má balioso ke ané? ²⁷ ¿Kuá ri enú po sé reseperao poleba jundá un orá ri mbilá? ²⁹ ¿ Y pokke enú a tá reseperao po chepa ri bo? Pesé po lirio ri monde, kumo aé kresé. aneé a makanea, asé chepa ri ele nú. ²⁸ Ke nisikiera salomon ku to gloria jüe betio kumo un ri é. ³⁰ Si Rioso a bití yebá endi monde, ke agüe a esiti i maana a sendá tirá endi onnilla, ¿kuá má ele tán bití a enú jende ri pito ri fe? ³¹ Antonse tá ansioso nú i chitiá: '¿ke suto tán kumé? o, ' ¿ke suto tán bebé? o, '¿kú ke suto tán bití? ³² Pokke to é kusa tán sé bukká po gentiles; poro Tatá seletial ri bo tá kunosé lo ke bo tá nesesitá. ³³ Bukká primó reino ri Rioso y juttisia antonse to é kusa tá sé ndá a bo. ³⁴ Asina ke, tá resepero po maana nú, pokke maana tá reseperao po bo memo. Ka ría teneba chochá ri botrokolo endi bo memo.