¹ Seilingo ria repue, Jesus, ku pedro i Jacobo(Santiago). i Juan numanu ri ele, solo a ta subi a mode atto. ² Ele a kambia ante ane. kala ri ele a briya como sol i chepa ri ele a volve briyante kumo lú. ³ He aki ane aparesieron ku Moises y Elias chitiando ku Ele. ⁴ Pedro a contetta y a reci a Jesus: " seño, asina ke Ele ten aki. Asina resea, a ta krea trilingo enramadas, una pa bo, pa Moises i pa Elias. ⁵ miendras Ele chitiaba, he aki, nube briyante formo oscurana, a kucha una nube ke a ta sali chiatiando: " a senda mona mi, kuchelo pokke a ta contento ku Ele. ⁶ Kuandi risipulo a kucha, a tan cae sobre kala ri ane i tene miero po chocha. ⁷ Antonse Jesus mini i tento i reci: " parense y tene miero nu". ⁸ antonse ane mina ariba i nu mina a narie, solo a Jesus. ⁹ miendra a tan baja ri monde, Jesus a reci, chiatiando: " nu reci a narie lo ke enu a mina ata ke mona ri ombe aya resimbila ri entre muetto". ¹⁰ risipulo a pregunta, chitiando: " ¿ pokke antonse ma escriba a ta chiatia ke Elias a ta mini primero?. ¹¹ Jesus a reci: Elias a tan mini i a comora to cosa. ¹² Pero a tan reci, Elias a ta aki, pero ane nunda cuenda, i ane ase lo ke kele veni ngana ku Ele. a senda lo memo, mona ri ombe a sufri en mano ri memo forma". ¹³ Antonse risipulo a kucha ke chitiaba ri Juan el Baustita. ¹⁴ kuandi a ta llega a chocha ri gende, ombre ata llega endi Ele, a senda postra frende Ele. ¹⁵ " Seño, ten piera ri mona mi, pokke sufri ri atake i. Ele a cae endi fuego o endi apu. ¹⁶ a ta lleva risipulo, pero ane pode cura nu. ¹⁷ Jesus a reci: " generasion que nu kree i korrupta, ¿kuanto tiembo i pole keda ku enu?¿kuanto tiembo i tene ke aguanta? traelo aki. ¹⁸ Jesus a ta regaña a to i reprende i remonio a sali ri Ele. ma monasito a cura a memo tiembo. ¹⁹ Antonse risipulo a mini endi Jesus i ata reci: "¿ pokke enu nu pole saca?" ²⁰ Jesus a reci: " po chito ri fe. pokke i a tan reci, si enu a ten fe po chto ke fuera kumo lingo ri mostasa, enu pole reci a monde alto: ' kiteno ri aki i sali pa aya', i pole move. pa enu na a senda imposible. ²¹ pero a klase ri remonio nu se ba ku kuakier orasion i ayuno". ²² miendras enu a ten ke ta Galilea, Jesus a reci a risipulo: " mona ri ombre a se da a mano ri ombre, ²³ ¡ ane a kugelo i a matalo, kuandi trilingo ria pasa Ele tan volve uto ve". risipulo a pone okongojao. ²⁴ kuandi ane a llega endi Capurnaum, kobraro ri impueto ri siruma a mini a Pedro y reci: " ¿ antonse bo piacha i tan paga impueto nu endi sirumllla?". ²⁵ Ele reci: " Asina." pero kuandi Pedro lendra a posa, Jesus chitia ku Ele i reci: " ¿ ke kree, Simon? Ma takurimbo ri tiela, ¿ ri kiene ane recibi impuesto?¿ Ri moso u furasteros?" ²⁶ Kuandi Pedro reci: " ri forasteros", Jesus a reci: 2 Antonse moso ase libre ri paga. ²⁷ Pero pa no tene jarana ku kobraro ri impueto, ve apu, lansa karnada, i coje primo pecao ke mini. Kuandi abri boka ri Ele, bo enkontra chelin. kujelo i devolve a kobraro ri impueto po bo i po i.