¹ Libro ri genealogia ri Jesukristo, Moná ri David, Moná ri Abraham. ² Abraham jueba tatá ri Isaac, e Isaac tatá ri Jakob, y Jakob tatá ri Judá y má moná, ³ Judá tatá ri Fares y Sara po merio ri Tamar, Fares tatá Esrom, Esrom tatá ri Aram, ⁴ Aram jueba tatá ri Aminadab, Aminadab tatá ri Naasón, Naasón tatá ri Salmón. ⁵ Salmón jueba tatá ri Boos po merio ri Rahab, Boos tatá ri Obed po merio ri Rut, Obed tatá ri Isaí, ⁶ Isaí jueba tatá ri David ke sendá rey. David jueba tatá ri Salomón po merio ri esposa ri Urías. ⁷ Salomón jueba tatá ri Roboam tatá ri Abías, Abías tatá ri Asa, ⁸ Asa tatá ri Josafat, Josafat jueba tatá ri Jorám y Jorám tatá ri Usías. ⁹ Usías tatá ri Jotam tatá Akas, Akas tatá ri Esequías. ¹⁰ Esequías jueba tatá ri Manasés, Manasés tatá ri Amón, Amón tatá ri Josías. ¹¹ Josías tatá ri Jekonías y má numano a tiembo memo ri deportasió a Babilonia. ¹² Repué ri deportasió a Babilonia, Jekonías jueba tatá ri Salatiel, Salatiel ansentro ri Sorobabel. ¹³ Sorobabel tatá ri Abiud, Abiud tatá Eliaquim, Eliaquim tatá Asor, ¹⁴ Asor jueba tatá ri Sadok, Sadok jueba tatá ri Aquim, Aquim tatá ri Eliud. ¹⁵ Eliud tatá Eleasar, Eleasar tatá ri Matán, Matán tatá ri Jakob. ¹⁶ Jakob tatá ri José esposo ri María, po merio ri kié Jesús a nasé, a kié sendá yamao Kristo. ¹⁷ Má generasió renje Abraham a Dabid Jueba Katorse, renje Dabid a deportasió a Babilonia katorse, y ri deportasió a Babilonia a Kristo Katorse generasió. ¹⁸ Nasimiendo ri Jesukrito a susedé ri e fomma. Mae sí María taba kú kompromiso pa kasarse kú José, poro antes ri ke ane a jundá, ele a enkontrá kú barika po merio ri Espíritu Sando. ¹⁹ Esposo ri ele José jueba ombe Jutto, poro nú a kelé asé a ele pasá pena delande ri to má jende. Asina ke a desidí terminá ku ele sin ke má jende sabelo. ²⁰ Miendla ele a pesé ë kusa, a salí a ele un ángel ri Ño miendla ke a ele a drumí ke a disí: "José, moná ri Dabid, nú tén miero tomá María kumo esposa sí, pokke kié tá kreado lendro ri ele sendá kreasió ri Espíritu Sando. ²¹ Ele ndá lú Moná y bo a yamalo Jesú, pué Éle a sabbá teruño sí ri pekaro." ²² To eto a suseré pa ke polé kumplí lo ke a chitiá Ño po merio ri chakero ri Rioso, ke a disí: " ²³ MINÁ, BIRGEN A TÉN KREASIÓ Y NDÁ LÚ MONÁ, Y A YAMALO NOMBE SÍ EMMANUEL, KE A SENDÁ 'RIOSO KÚ SUTO." ²⁴ José a deppetá ri ndrumí y asé kumo ángel ri Ño a mandá y a tomá a ele kumo esposa sí. ²⁵ Aunke, ele nú a ndrumí kú ele ata ke a ndá lú a moná sí. Y ele a yamalo Jesús.