¹ primo ria ri semana , ane a kamina a ta Tumba, ane, asekkando especias ke abia preparao ² Ane a enkontra ke piegra a move ri Tumba ³ Abrì, a ta enkontra kueppo ri Seño Jesus nu. ⁴ lo ke a ta pasa, miendra ane a ta confundia sobre to, derepente, dolingo ombre, ku bitìlo replandesiente, aparesieron ri pie a lao. ⁵ Ma changaina a yena ri miero i a ta agacha kala a suelo i ane a reci a changaina: " ¿ pokke a ta bukka kiene eta vivo entre muetto? ⁶ ¡Èle a ta aki nu, È le a rebibi! akodda kumo Èle a chitia ane miendra Èle a ta todabia endi Galilea, ⁷ Chitiando ke mona ri ombre a tene ke entregaoendi mano ri ombre pekaro i krusifikaro i trilingo ria, a rebibi. ⁸ Ma changaina rekodda palabra ⁹ i regresa ri Tumba i a konta to kosa onlingo i a to. ¹⁰ Aora Maria Magdalena, Juana, Maria mae ri Santiago i ma changaina ku ane, a konta to kosa a apostoles. ¹¹ pero madao paresia chalataneria pa apostoles, i ane a ta kree a ma changaina nu. ¹² pero Pedro a levanta i kole a Tumba, i mina a dentro, a mina solo bitìlo re lino. Antonse Pedro a sali pa posa, pensando ke abia pasao. ¹³ E aki, dolingo ri ane a sali aldea ke ase ñama Emaùs, kua a ta onlingo kilometro ri Jerusalèn. ¹⁴ Ane chitiaba sobre to kosa lo ke a pasao. ¹⁵ i a pasao ke, miendra rikutian i preguntaban entre ane, Jesùs memo asekka i jue ku ane. ¹⁶ pero a ta irrekonosible po ane. ¹⁷ Jesus a reci: " ¿ Ri ke a ta chitiando ane dolingo miendra kaminan ?" ane a keda ayi akongojao. ¹⁸ lingo ri ane, ñama Kleofàs, a responde: "¿ akaso a senda unika jende endi Jerusalèn ke nu sabe ma kosa lo ke a pasao a eto ria?" ¹⁹ Jesùs a reci ane: "¿ ke kosa?" ane a reponde: "ma kosa sobre Jesùs Èle nasareno, ke ase profeta, poresoso endi obra i palabra ri Rioso i to ma jende. ²⁰ i kumo prinsipa saserdote i suto kamajàn a entrega pa se kondenao a muette i ase krusifikao. ²¹ Pero suto a epera ke juera Èle kiene liberà a Israel. Asina, i arema ri to eto, aguè ase trilingo ria renje ke a pasao ma kosa. ²² Pero, tambiè, agguna changaina ri suto kuagro a sopprendè, kuandi jueron a tumba po maana. ²³ Kuandi ane nu enkontrà kueppo, mini, chitiando ke ane a tene visiòn ri àngele endi ane mina ke Èle a ten mbila. ²⁴ Agguno ombre kiene a ta ku suto a tan sali a tumba i a ta enkontra justo kumo ma changaina a konta. Pero a ta mina nu." ²⁵ Jesùs a reci: " ¡Ooo ombre atenbaos ri kolasòn a kree to lo ke profetaa reci! ²⁶ "¿a senda neserario nu ke kristo a sufri po eta kosa i lendra a gloria?" ²⁷ repue, comensao ku Moisès i atrabes ri profeta, Jesùs a intepretà ane to ma kosa sobre asina memo endi ekritura. ²⁸ Miendra asekka aldea, andi ane a sali, Jesùs attuo kumo ke seggui ma palante. ²⁹ Pero ane a reci: " kedate ku suto, pokke okurana a ta sekka i ria eta po temmina." Asina ke Jesùs lendra i a keda ku ane. ³⁰ A pasa lo ke, kuandi Èle a senda ku ane a kume, Èle a toma pan, lilenga i apatti, a entregà ane. ³¹ repue a abrì ojo i ane a rekonose i Èle a desaparese ri bista. ³² A recì lingo a uto: "¿nu a ta ardiendo suto kolason lendro ri suto, miendra Èle chitiaba endi kamino, miendra Èle abrì ekritura?" ³³ Ane a levanta a memo ora i regresa a Jerusalèn. Ane enkontra onlingo reunio i to ane ke a ta ku ane, ³⁴ riciendo: " Èle seño a resusitao i aparese a Simon." ³⁵ Asina ke ane konta ma kosa ri lo ke pasao endi kamino i kumo Jesùs a mostrà ane kuandi Èle apattì pan. ³⁶ Miendra chitiaban ri ma kosa, Jesùs memo se paro jundo ku ane i reci: " pas anè." ³⁷ pero ane a ta mieroso pokke a mina epìritu. ³⁸ Jesùs a reci: "¿ pokke a ta preokupao?¿pokke a tene preguntà endi kolason? ³⁹ mina mano i pie, a senda i. tokaenme i mina. ya ke epiritu a tene kanne ni ueso nu, kumo etan mina ke tene." ⁴⁰ Kuandi Èle a reci eto, a mina mano i pie. ⁴¹ Miendra ane todabia a ta inkrèrulo ku jarocheria, Jesùs a reci: ¿ tene aggo pa kume?" ⁴² ane a koje chito ri pekao asao. ⁴³ Jesùs ngala i kume ku ane. ⁴⁴ Èle a reci: " kuandi a ta ku ane, a recì ke to lo ke a ta ekrito ante ley ri Moisès, i ma profeta, i a ma Salmo, tene ke cumplì." ⁴⁵ Antonse Èle abrì mende, pa ke to entende ma ekritura. ⁴⁶ a recì: " po tando eta ekrito, ke kristo tene ke sufrì i resusita ri muetto endi trilingo ria. ⁴⁷ i arrepenti i peddon ri pekao tene ke se predikao a nombe endi to ma nasione, comensando po Jerusalèn. ⁴⁸ Ane ase tetigo ri eta kosa. ⁴⁹ Minà, a tan manda lo ke tata mi a prometè a ane. Pero pemmanese endi siura ata ke a konsede ku podè ri atto." ⁵⁰ Antonse Jesùs a condusì ata sekka ri Betania. Èle a lebantà mano i bendesi. ⁵¹ akontese ke, miendra Èle bendesì, Èle a reja i a salino ariba nsulù. ⁵² Asina ke adorà i regresà endi Jerusalèn ku ngande goso. ⁵³ Ane a ta kontinuamente endi templo, alabando a Rioso.