¹ Oriki ri pan sin lebadura a sekka, ke ase ñama pascua. ² Ma prinsipal saserdotes i ma eskriba a ta rikuti kú ané opolé kita mbila a Jesus, poro ané teneba miedo ri jende. ³ Satanas lendrá endi Judas Iskariotes, lingó ri ma dolingó. ⁴ Judas bae a epepitá ku ma prinsipal saserdote i ma kapitan ri kúmo éle poleba entrega a Jesus. ⁵ Ané jarochá i a chitia nda burú a éle. ⁶ Éle bukka ma oportunida pa entrega a Jesus lejo ri ma jende. ⁷ Ria ri pan sin lebadura a yegá. Ria ke é kordero ri paskua te ke se sakrifikao. ⁸ Jesús a manda a Pedro ku Juan: nda i prepara ma kúmina ri paskua pa súto kúme.'' ⁹ Ané pregunda:'' ¿Endi Bó kelé pa súto prepara? ¹⁰ Éle responde; kuchá, kuandi enú lendrá a ma siurá, un ombre ke ta karga nkantaro ri apú ta enkotra enú. Sigui ata posá éle: ¹¹ Chitia ku suamo ri posá: 'Piachá chitiá:''¿Endi ta kuarto ri uespede, endi I tan kúme ma paskua ku dissipulo mi?'' ¹² Éle a mostra abitasion ku mueble. prepara aki.'' ¹³ Asina ke ané a topeta to kúmo Éle a chitia. í ané prepara kúmina pa ma paskua ¹⁴ Kuandí ola miní, Éle sendá ku ma apostole. ¹⁵ í Éle a chitiá: I kelé nchochá kume e paskua ku enú ante ke I sufri. ¹⁶ Poke I ta kúme ku enú ma nú, ata ke reino ri Rioso miní. ¹⁷ Antose Jusus a kuje ma kopa i kundi ndá glasia a chitiá: ''Ngaleno, i kompati uno ku uto. ¹⁸ Poke I chitiá ku enú, I tan bebé fruto ri biña ma nú, ata ke reino ri Rioso miní.'' ¹⁹ Tambia kuje pan i ndá glasia, a partílo, i nda ané, chitiando: É sendá kuppo mi ke tan partí po enú. Asé é kúsa endi memoria Mi. ²⁰ Éle kuje ma kopa asina memo repué ri sena, chitiando: É kopa senda nuebo patto endi pola mi, ke enú ta bebe. ²¹ Poro palá tañio. Kiene a traisiona mi ta ki ku I endi mesa. ²² Asina ke Moná ri Ombre tando kúmo ta ekrito. ¡Poro aí ri ake ombre ke ta entrega Mi!'' ²³ Ané pregunda uno ku uto, kiene jueba ese, ke ta asé é kúsa. ²⁴ Antose ané epepita entle ané kiene jueba ma ngande. ²⁵ Éle chitiá:''Ma takurimbo ri ma gentile ten ño riba ri ané, i ané ke ten autoridad riba ri ané, a sen ñamá kamajan ku onor. ²⁶ Poro ku enú polé sendá asina nu. Poke ngande dendá kiene ta sebbí. ²⁷ ¿Poke kiene sendá mayor, kiene sendá endi mesa, o kien ta sebbi?¿Nu sendá kien ta sendá endi mesa? Í asina I ta sebbi entre enú kúmo moso. ²⁸ Poro enú sendá kiene ta ku I endi prueba Mi. ²⁹ I ta nda a enú nreino, kúmo Tata ndá mi reino, ³⁰ ke enú polé polé kúme i bebe endi mesa mi endi reino mi. I enúta sendá endi tronos pa jusga a dolingo tirbu ri Israel. ³¹ Simón, Simón ten ojo penene ke rianche ta piri pa éle, pa segni kúmo trigo. ³² poro I ora pa fe bo nú faya. Repue ke bo mini anima a numano si. ³³ Pedro chitiá a Éle: ''Ño, I ta listo pa i pandí bo keleba, pa tramakua i mutte.'' ³⁴ Jesus chitiá, Pedro, ante ke ngayo ta kandá trilingó be, bo ta nega trilingó ke ta konose mi.'' ³⁵ Pepues Jesus chitiá ané: ''kuandi I envia ané sin bolso, nsako ri pobision, o botiko, ¿A fatta aggun kúsa ané?'' Ané kontesta: ''Ningun kúsa.'' ³⁶ Éle a chitiá: ''poro aora, kiene ten bolso, yeba ele i sako ri probision. Kien nu ten perika ten ke bende manto si pa kombla una. ³⁷ Kusa ke ta ekrito ri mi ten ke kumplí. 'POKE ERA KONSIDERADO MALIANTE.' To lo ke ta ekrito ri mi a kumpli.'' ³⁸ Antose ané chitiá:'''¡Ño, aki aí bilingo perika.'' Í Éle a chitiá: Ku eso ta bie.'' ³⁹ Repue ri sena, Jesus bae, kúmo éle taba akostunbro a Monde ri Olibos, i ma disipulo sigui Éle. ⁴⁰ Kuandi ané yega, Éle a chitiá: ''Orá pa enú kai endi tentasio nú.'' ⁴¹ Éle bae lejo kumo a un tiro ri piedra, I a jinka i a orá, ⁴² ''Tata, si sendá bolunta si, pasa e kopa ri mi. Ke bolunta mi asé nú, sino bolunta si.'' ⁴³ Antose un angel ri nsulu a aparese i nda kútu Éle. ⁴⁴ Kuandi éle ta en agonia, Éle a orá ferbientemente i sudor si a konberti endi gota ri pola ke ta kayendo endi suelo. ⁴⁵ Kuandi éle pala ri orasion, bae a ma risipulo í a topeta ané ndrumi po ma tristesa ke ané sindí, ⁴⁶ í Éle a prundá: ''¿Poke enú ndrumi? Palá i orá, pa nú kai endi tentasion.'' ⁴⁷ Aun Éle taba chitiá, chochá ri jende miní ku Judas, lingó ri dilingó, ke taba guia ané. Éle a sekka a Jesús pa besálo, ⁴⁸ poro Jesús chitiá ku éle:''Judas, ¿Bo ta traisiona a Moná ri Ombre ku nbeso?'' ⁴⁹ Kuandi ma uto risipulo ke ta jundo a Jesús miná é kúsa i ané chitiá: ''Ño, ¿Súto ten ke ataka ku perika?'' ⁵⁰ Antose lingó nda bindaso a moso ri sumo saserdote, i a korta oreja rerecha. ⁵¹ Jesús chitiá ku éle: Palá ku eso.'' Í Éle toko oleja i a kurá éle. ⁵² Jesús chitia ku ma prinsipal saserdote, kapitanes i karrusiano ri masiruma ke ta miní kontra Éle: ''¿Enú ta miní kotra lairon, ku perika i palo? ⁵³ Kundí Ita jundo enú endi masiruma, enú nu pone mano riba Mi. Poro é sendá ora ri enú i ri autorida ri okurana.'' ⁵⁴ Kujendo Éle, ané a yebalo lejo lendro ri posá ri sumo saserdote. Pedro sigui ané ri lejo. ⁵⁵ Repue ke ané prende fuego merio ri patio i a sendá jundo, Pedro a sendá jundo ku ané. ⁵⁶ Nkriada miná éle sendao endi lu ri fuego i a chitiá: ''É ombre a ta jundo ku Éle.'' ⁵⁷ Pedro a nega, ''muje i konose Éle nu.'' ⁵⁸ Repue ri ntiembo uto chitiá: Bo sendá uno ri ané.'' Pedro chitiá: I sendá nu.'' ⁵⁹ Repue ri lingó ora uto ombre chitiá: Ri belá é ombre a ta jundo ku Éle, poke ele sendá galileo.'' ⁶⁰ Poro Pedro chitiá: ombe I sendá é ke bo ta chitiá nú.'' Ri nbé ngayo kandá, ⁶¹ Ño a mira a Pedro. Í Pedro a kolá ri palabrari Ño, kuandi Éle chitiá: ''Ante ke ngayo kandá bo ta negá mi trilingo be.'' ⁶² Pedro a salí i a yola ku amargura. ⁶³ Antose ma ombres ke ta kuilá a Jesús a burla i a ndá bindaso. ⁶⁴ Ané a benda ojo ri Éle, i a pirí pa Éle profetisa ¿Kiene ta ndá bindaso?'' ⁶⁵ Ané a chitiá nchochá ri kúsa kondla Jesús, basflemando. ⁶⁶ Kuandi a yega ma maana, ma karrusiano ri suruma, ma saserdotes i eskriba. Ané a yeba Éle pa é konsilio, ⁶⁷ i a chitiá: ''Si bó sendá é Kristo, chitia ku súto.'' Poro Éle chitiá: ''Si I chitiá, enú ta kree nú, ⁶⁸ i si prundá, enú ta responde nú. ⁶⁹ Poro ri aki pa lande, Moná ri Ombre atan sendá a mano rerecha ri kútu ri Rioso.'' ⁷⁰ To ané chitiá: ¿Bo sendá moná ri Rioso? Jesus kontesta: ⁷¹ Enú ta chitiá ke I sendá.'' Ané chitiá: ''¿Pokke súto ta nesesita ntestigo? Pue súto ta kuchá ri bo.''