¹ Nu rejá ke turbe kolasó kreé endi Rioso, tambié kreé endími. ² Andi posá ri tutú mi ai chocha ri posá si nu jueba asina, I chitialo, pokke I tan prepará un lugá pa enú. ³ Si I a bae a prepará un lugá pa enú I tan regresá arekogé I memo pa ke aonde I ta ení tambié ta. ⁴ Enú sabé kamino aonde I tando. ⁵ Tomas chétíá a Jesus: ''Suto, nu sabe po onde bo tando; ¿kumo suto polé sabe kamino?'' ⁶ Jesús chítía: I a sendá kamino, bera vela, i mbíla; narié miní Pa ndé tutá sinú po meria ri mi. ⁷ Sí enú kunuse mindo tambíé enú kunuse tatá mi reje Aora enú kunuse lo i guatialo. ⁸ Felipe chitía a Jesus: ''Ño matrá tata i sendá sufisien pa enú.'' ⁹ Jesús chitía a ele: ''I tá ku enú po chocha ri tiembo ¿i bo nu sabé ri mi, Felipe? Kua kié ke guatia mí a guatía Tata mí. ¿Kumo bo pole chitía: 'Motreno oi Tata'? ¹⁰ ¿Nú kreé bo ke I ta endi Tatá I Tata endi mi? Lo ke i ta kumbesa ku bo nu kumbesa po merio ri mi I ta kumbesa po ke Tatá ta posá andi mí. ¹¹ Kreé ke I sendá en di Tatá I Tat;a sendá endí mi, si nú kreé po ma memo obra. ¹² Ri bera bera I ta chitía, lo ke kreé endi mi, ta ase lo memo ke I ta usé i elé tan ase ma memo obra po cochá Ibae pa andi Tatá. ¹³ Kuakie kusa ke piri endí nombe Mi I ta aselo, pa Tatá sendá nglorífikao endi moná. ¹⁴ Si enú piri kuakie kusa endí nombe mi I tán aselo. ¹⁵ Si enú amá mi guala ma rekao. ¹⁶ I tan rogá a Tatá I ele undúrá uto konsolaró. ¹⁷ Espiritu ri bera a kie mundo nú pole resibí pugké nú guatialo ní kunuselo. Poro enú kunuse le, pué Ele ta ku enú, i tan endi enú. ¹⁸ I rejo enú; solo nu I tan mini a enú. ¹⁹ Endi un chito ri tiembo i mundo nú guatía mi ma, pokke I ta mbibo enú tambíé ta ku mbila. ²⁰ Endi ria en'tan kunuse ke I ta endi Tatá I ke enú tá endi mi I ata endi enú. ²¹ Aké lo ke ten ma rekao mi I ase guala e sendá lo ke se ama mi i lo ke se ama mi sendá amao po Tatá mi I tan amalo I tan manifeta a ele. ²² Judas (ke nú senda Iscaríote) chitía a Jesús: ''Ño, ¿pokke enú tan manifeta suto, poro nú a mundo?'' ²³ Jesús a reponde i a chitía a ele: ''Si agguno ama mi, a se nguala palabra mi, i Tatá mi tan amalo, i suto mini andí ele i suto tan ase posa endí ele. ²⁴ Ake ke nú ama mi, nú nguala palabra mi; i ma palabra ke nú kucha nú mini ri mi, si nú rí Tatá ke a manda mi. ²⁵ I a chitía e kusa a enú, miendla i a pemanese ku enú. ²⁶ Asina ke, konsolado, Espiritu Sando, a kíe Tatá tan mande endí nombe Mi, Elé tan insiña to ma kusa i tan rekodá to lo ke I a chitía. ²⁷ I ta reja pá ri mi; I ndalo kumo mundo ndalo nú. Nú reja ke kolsó ri enú túbá, i nú ten miero. ²⁸ Enú kuchá ke I a chitía I tando, poro I tan gube u enú. Si enú ama mi ten jarocheria poke I tando pandi Tatá pué Tatá sendá ma nyande ke I. ²⁹ Aora I a chitialo ante rí ke a pasa pa kuandí pasa, enú krea. ³⁰ Nú chitía mu ku enú, poke prinsipe ri e mundo tan mini ya. Elé ten kutu andí Mi nú, ³¹ pa mundo kunuse ke I ama a Tatá, i I a sé lo ke Tatá a se manda mi, lebandeno, i mono rie paruje.