¹ Ja̧'hua̧nö̧ ja̧'a̧ ttö topinösä̧ chiärenä, pi̧yȩ, ¡cuyäru juähuäba coa'a! ² Ángel päinäcu̧sä̧: " ¿Däje to̧'cuä̧rä̧ ucumä?" Ttö ädätinösä̧". Ttö topusä cuyäru juähuäba coa'a, veintidos ttö̧yö̧'ca̧ri̧ jo̧mȩ ötoöcumä pa'anö jö̧nä̧ cuarenta y cuatro metro jome jö̧nä̧, ja̧'hua̧ta̧nö̧ diez codos jo̧mȩ jö̧nä̧ öcähuecumä pa'anö jö̧nä̧ cinco metro jö̧nä̧. ³ Ja̧u̧nu̧ o'ca'a ja̧u̧ pä̧i̧nä̧cu̧sä̧: " Ju̧cuä̧nȩtä̧ ka̧'a̧ pi̧jä̧ttö̧ o'cajuiyönä su̧rä̧ja päö jepu ku̧nä̧cua̧'a̧, pa̧nä̧'i̧nä̧ ya̧nä̧'i̧nä̧ jo̧mȩnä̧ huȩyu̧cua̧'a̧ , ya̧tȩ'i̧nä̧ ki̧'i̧po̧cö̧ nä̧u̧cuä̧rö̧mä̧ yapare a̧ jȩcha̧cua̧ pä'ätö'inä o'catoinä ro̧ȩcuo̧ttö̧ täcuotö huȩyu̧cuä̧ba̧ pä̧cuä̧do̧jä̧nä̧ päöanö, jȩtti̧nö̧ttö̧ topu. ⁴ "Ttötä räepu chicuäcuotö, pi̧yȩtä̧ pä'ö TÖ̧Ä̧NÄ̧HUA̧ ju̧ru̧hua̧mä̧, ja̧'hua̧nö̧ ja̧'a̧ttö̧ nä̧u̧cuä̧rö̧ ojusodenätä̧ doächäcua'a ja̧'hua̧ta̧nö̧ TTÖ chiminä a̧mo̧nä̧ yapare jȩo̧ca̧'a̧ra̧'a̧ pä̧'ö̧ ojusodenä'inä doächäcua'a. Pi̧yȩ suraja pä'ö ku̧nä̧cuä̧mä̧ isodenämä kä̧cua̧'a̧ o'cajuiyönä ttäditinö dau odä'inä ja̧'hua̧ta̧nö̧ i̧nä̧ obi beichamejobu cä'ädö". ⁵ Ja̧u̧nu̧ o'ca'a Angel ttucu ocuyocu päinäcu̧sä̧: ¡"Ju'tojucu boyucu topi däje ka̧'a̧ tocu'ä! ⁶ Ttömä pä'inösä̧:" ¿Däje jä̧ttö̧ ja̧'hua̧nö̧ jö̧mä̧?" Ja̧u̧ adätinö: "Ja̧'hua̧nö̧ tocu'umä efa ȩjäcä dejäcä ja̧'a̧(treinta y siete litros). Pi̧jä̧ o'cajuiyönä suronä jȩtti̧nö̧ pa̧ja̧cuä̧ ȩjäcä." ⁷ Ja̧'hua̧nö̧ ja̧'a̧ cu'upättö muecuäbi Dios huȩ'ä̧hua̧ isoppa hua̧ efa ȩjäcä dejäcä ba'epinö ja̧'hua̧nö̧ bahuepomenä ¡Isaju pi̧nä̧ju̧ ja'huäcä efa ȩjäcä dejäcä jacuä! ⁸ Dios huȩ'ä̧hua̧ Angel pä'inö:" ¡Pi̧yȩ ja̧'a̧ suronä jȩcu̧'ä̧tu̧cu̧mä̧! Ja̧'hua̧nö̧ pä'ö pä'äjita'anä dejäcära̧'a̧cu̧ icuinö, ja̧'hua̧ta̧'a̧nö̧ ja̧u̧mä̧ cu'upättö adicuäbi mu̧'ȩpi̧nö̧ icuinö. ⁹ Ju'tojucu boyucu topinösä ja̧'hua̧nö̧ tochomenä nä̧tö̧ tu̧ju̧ to̧pä̧rö̧ ka̧cui̧nä̧tö̧ chö̧ja̧'a̧cu̧, kä̧rö̧'coppämä ja'huätö ttujuäbättötä döina'a, ttujuabiyämä ppiyuhua buo jä̧'i̧nö̧'a̧nö̧ ja̧'a̧ttö̧. Ja'huätö nä̧tö̧ ja̧'a̧ dejäcä cättepäcuotömä pi̧jä̧ttö̧ mo̧ro̧jä̧ra̧'a̧cu̧. ¹⁰ Ja̧'hua̧nö̧ ji̧yä̧cua̧, ttömä pä'inösä Dios huȩ'a̧hua̧ isoppa hua̧ ttucu ucuocurumä: "¿Tocu ttȩpa̧'a̧jä̧ttö̧ jahuäcä dejäcämä?" ¹¹ Ja̧u̧ päinäcu̧sä̧: "Jua'amä Dios ö̧jode ttadita pä'ö Sinar rȩjȩra̧'a̧, dejäcä ka̧ pä'ö, ja̧'hua̧nö̧ ja̧'a̧ttö̧, Dios ö̧jode jo̧mȩ päi'omenä, Ja'huäca dejäcä juȩnȩ ku̧nä̧huä̧cua̧'a̧, jo̧mȩnö̧ bo'copö rötähuome."