¹ Ja̧u̧nu̧ o'ca'a TÖ̧Ä̧NÄ̧HUA̧MÄ̧ i̧jȩpi̧nä̧cu̧sä̧ Josuérö, sacerdote hua̧rö̧ TÖ̧Ä̧NÄ̧HUA̧ ucuocu jiähuäcuähuä i̧sa̧ ä'ca jo̧mȩ ö̧ja̧'a̧ ja̧'hua̧ta̧nö̧ ähuettämä ki̧nö̧ u̧mu̧ u̧huo̧jua̧'a̧nä̧ ja̧u̧ru̧ suronä jȩi̧nö̧ jiähua pä'ötä. ² TÖ̧Ä̧NÄ̧HUA̧ ucuocu jiähuäcuähuä i̧sa̧ pä'inö ähuettärö: "TÖ̧Ä̧NÄ̧HUA̧TÄ̧ ro̧ȩpä̧cua̧jä̧ ucurumä ähuettä; TÖ̧Ä̧NÄ̧HUA̧ Jerusalén repeö ȩmi̧nö̧tä̧ ro̧ȩpä̧cua̧jä̧ ucumä! ¿pidemä ocurä isasa i̧sa̧ppȩttö̧ rä̧ȩcua̧ 'cua̧rö̧nä̧ i̧di̧cua̧? " ³ Josué ö̧'ca̧tä̧hui̧yu̧ idicu 'ca̧tä̧u̧ ki̧nö̧ Dios pä'ö jiäcuähuä i̧sa̧ ä'ca jo̧mȩmä̧ ⁴ Ángel ucuocu pä'inö ja̧u̧ ä'ca jo̧mȩ ka̧cuä̧tö̧rö̧: "Ö̧'ca̧ta̧cuä̧ti̧yu̧ idicu pärotö icuätucuirö ja̧u̧mä̧". Ja̧u̧nu̧ o'ca'a ja̧u̧mä̧ pä'inö Josuérö: "¡Ä̧ju̧cui̧! TÖTÄ surojö cu̧ju̧nä̧rö̧ siepu chicuinä̧cu̧jä̧ ja̧'hua̧nö̧ ja̧'a̧ttö̧ TÖTÄ chö̧'ca̧ta̧cua̧jä̧ cu̧'ca̧tä̧hui̧yu̧ adihuä juäittö!" ⁵ Ja̧u̧ päinö: "¡Cu'nä'inä adiunä tȩa̧ta̧ttö̧ ttu̧cuä̧nä'anä ja̧'a̧tä̧ topäcuäcui!" Ja̧'hua̧nö̧ ja̧'a̧ttö̧ Josué unä cuä̧ni̧nä̧ttö̧ adiunä tȩä̧ta̧ttö̧ juäö ja̧'hua̧ta̧nö̧ jȩpu̧ ttö̧'ca̧ti̧nä̧cu̧ adihuä juäittö dios päö jiäcuähuä i̧sa̧ ö̧jo̧mȩttö̧. ⁶ Ja̧u̧nu̧ o'ca'a TÖ̧Ä̧NÄ̧HUA̧ juȩ'ä̧hua̧ ángel pä̧i̧cu̧nä̧nö̧ hue'inö Josuerö pa̧'a̧nö̧ pä'ö: ⁷ "O'catoi'önä TÖ̧Ä̧NÄ̧HUA̧ ju̧ru̧hua̧mä̧ pa̧'a̧nö̧ pä'ö: "TTÖ chu̧mä̧nä̧nä̧tä̧ cui̧'chö̧ttö̧mä̧ ja̧'hua̧ta̧'a̧nö̧ huedinö ji̧nö̧nä̧tä̧ cu̧ju̧ttö̧mä̧, ja̧hua̧nö̧ jö̧ttö̧mä̧ huȩcuä̧cua̧jä̧ chojusode'inä ja̧'hua̧ta̧'a̧nö̧ chojusode u̧mi̧'i̧nä̧ tta̧cuä̧rä̧cua̧jä̧, ja̧'hua̧nö̧ ja̧'a̧ttö̧ ttotä ja̧'a̧tä̧ to̧chä̧cua̧jä̧ do'ächö rä'opö'inä cu̧ja̧'a̧nä̧ ttöco ko̧cuä̧tö̧ ttö̧jo̧cu̧ta̧'a̧nö̧. ⁸ ¡Ä̧ju̧cui̧, Sacerdote huotö ttu̧ru̧hua̧ Josué, ucu ja̧'hua̧ta̧'a̧nö̧ korotö sacerdote huotö ucucu ko̧cuä̧tö̧! Pitö ja̧'a̧ i̧jȩcuä̧ pai'önä ttö̧jä̧cuo̧tö̧mä̧, TTÖTÄ cä̧dȩpä̧cua̧sä̧ chu̧mu̧huä̧ya̧rö̧ jareönä Uhuäpächönä. ⁹ Jitämä topätucui TTÖTÄ rötäjisä inähuä Josué ä'cajome. Juähuä inähuämä ji̧mu̧tȩ ta'arenö jomenä i'ecuächähuä ja̧'hua̧ta̧'nö̧ ttötä 'co̧'ö̧ chi̧huȩyu̧tä̧cua̧sä̧; Ja̧'hua̧nö̧tä̧ pä'ö o'catoi'önä TÖ̧Ä̧NÄ̧HUA̧ ju̧ru̧hua̧mä̧, Ja̧'hua̧nö̧ jȩpö̧ TTÖTÄ si'epö chicuäcuasä pi̧jä̧ o'cajuiyönä suronä jȩtti̧nö̧mä̧ ya'ute mo̧ro̧tä̧. ¹⁰ Juo̧u̧nö̧ moró̧; TÖ̧Ä̧NÄHUA̧ o'cajuiyönä ju̧ru̧hua̧ ji'äu ku̧ni̧nö̧, yá̧cu̧nä̧ ttö̧já̧ u̧mä̧tö̧ ttä̧tȩpä̧cuo̧tö̧ ttippeyänä ka̧cuä̧tö̧rö̧ ttu̧cuȩ uva dea̧'a̧tä̧ ja̧'hua̧ta̧'a̧nö̧ ttu̧cuȩ higuera dea̧'a̧ ttiö̧'a̧ pä'ö.