¹ Pä̧i̧cu̧nä̧ huopi; cäcuädi'oca'a. Cui̧huȩnȩ rä̧mi̧pö̧nä̧ huopi Trompeta 'cua̧rö̧nä̧. Ji'ähui chumöhuäyotö tta̧mi̧surumä ja̧'hua̧ta̧'a̧nö̧ Jacob i̧tti̧ suronä jȩttö̧mä̧. ² Ji̧nä̧ mo̧ro̧ji̧nö̧'a̧cuä̧ usujä̧ ja̧'hua̧ta̧nö̧ cha̧mö̧cuädö cu̧huo̧jua̧ usittö, ttö̧ja̧ adihuomenä jȩpä̧tö̧ 'cua̧rö̧nä̧ ja̧'hua̧ta̧'a̧nö̧ Dios hueinö huȩnȩ jaropi'ocotö jinö'a̧nö̧. Adihuomenä ro̧ȩcuä̧tö̧ jäcuepätucuäcusä; juätö Dios ötöhuächatö pä'ö pä̧huä̧rö̧jö̧nä̧ a̧mö̧cuädätö. ³ ¿Tta̧'a̧nö̧ pä'ö ttu̧cuä̧ ta̧do̧chi̧nä̧tö̧? pä'ätö jahuätömä, ¿ja̧'hua̧nö̧ ja̧'a̧nä̧ ucumä topöcö̧jä̧? ¿Tta̧'a̧nö̧ pä'ö micuähuocötö 'cua̧rö̧nä̧ jȩta̧'a̧ttö̧, ucumä to̧'cuo̧co̧u̧ ta'anä? Topittö, cu̧cuȩtu̧cu̧ cua̧do̧chä̧tu̧cu̧ mo̧ro̧mä̧ ucuturu pä̧huä̧rö̧jö̧tä̧ jȩpä̧tö̧jä̧ ja̧'hua̧nö̧ jȩpö̧ cu̧mö̧huäyotö o'catoi'önä̧rö̧ huehuepö suronä jȩpä̧tö̧jä̧. ⁴ Topittö, ucutumä cu̧cuȩ a̧do̧chä̧tö̧jä̧ curohuähuätucua pä'ö usutä, ja̧'hua̧ta̧'a̧nö̧ cu̧mö̧ca̧ca̧tu̧cu̧ su̧rä̧jä̧mö̧nä̧ 'ta'tacuätucua pä'ötä; ucutumä cu̧cuȩtu̧cu̧mä̧ a̧do̧cho̧co̧tö̧ päjätöjä cui̧huȩnȩtu̧cu̧ mo̧ro̧jä̧nä̧ kö̧ ä̧ju̧cua̧tö̧ pä'ömä. ⁵ ¿Pi̧yȩ ja̧'a̧ isopäi'önä̧ ttu̧cuä̧ a̧do̧chä̧cuä̧huä̧ Ttörö pä̧huä̧rö̧jö̧mä̧: ya'ute mo̧ro̧ ya̧tȩ a̧mö̧nä̧ pa̧ja̧tö̧ ucuo teäcuähuoca'a, märana suhuacuächa'a jä̧'i̧nö̧'a̧nö̧, U ja̧rȩyu̧ päi'öttömä̧ ja̧'hua̧nö̧ jȩpö̧ idicuä'pi 'ca̧tä̧u̧ a̧ya̧ri̧ i̧sa̧ppȩ huä̧mȩ ö̧'ä̧mä̧dö̧ttö̧mä̧? ¿Ja̧u̧ jä̧cua̧'a̧ isopäi'önä̧ ttu̧cuȩ a̧do̧chä̧cuä̧huä̧ pättömä, ya'ute mo̧ro̧ TÖ̧Ä̧NÄ̧HUA̧ ȩsȩhuä̧cuȩmä̧? ⁶ ¿Pi̧yȩmä̧ jo̧ca̧'a̧ ttu̧cuä̧ a̧do̧chä̧cuä̧huä̧ Ttö pojopö chu̧ju̧ni̧nö̧mä̧: surojö todehuächinö jȩä̧cha̧ pä'ö, nö'cähuome ejächi'a pä'ö, suronä jȩpö̧ huȩttä̧rä̧'i̧jä̧u̧rö̧ rä'opö tticua ja̧'hua̧ta̧nö̧ o'cajuiyönä 'chu̧huä̧rö̧nä̧ nö̧'cähuä 'toruhuipa pä'ömä? ⁷ ¿Ttucua ppä̧i̧ri̧jä̧u̧cu̧ iyäcuäu ttucua pä'ömä̧cö̧ ja̧'hua̧ta̧nö̧ usuräsotörö tti'cächa pä'ömä̧cö̧ juhua'atäcu ttojusode'i̧nä̧ jui'ätörö? Ya̧tȩrö̧ ö̧'ca̧tä̧huä̧ta̧ jui̧'a̧rö̧'i̧nä̧ to'cuätucuomenämä, cu̧'ca̧tä̧tu̧cua̧rö̧ pä'ö ja̧'a̧; ja̧'hua̧ta̧'a̧nö̧ cua̧mö̧nä̧ cuahuaruhuätucuttömä cudahuächätucua pä'ömä̧ jo̧ca̧'a̧. ⁸ Ja̧'hua̧nö̧ jo̧mȩnä̧ cui̧tȩya̧u̧tu̧cu̧mä̧ ka̧hua̧ rä'opö kä̧dä̧pa̧'a̧ jä̧'i̧nö̧'a̧nö̧ kä̧dȩpä̧cua̧'a̧ ja̧'hua̧ta̧nö̧ pä'äjita'anö adiu pätti'önä jȩö̧mä̧ jurunä räo'äcua'a ja̧'hua̧ta̧nö̧ TÖ̧Ä̧NÄ̧HUA̧ usärömä cuo'ca'anä 'chä̧nö̧ tta̧huä̧rä̧cuȩ ja̧'a̧. ⁹ Ja̧'hua̧nö̧ jä̧u̧ huottomenä, TÖ̧Ä̧NÄ̧HUA̧MÄ̧ ädäta'anö ja̧'a̧; ppädatö pä'ö huottäcumä, Ja̧u̧mä̧ päö'anö̧ ja̧'a̧: "Pȩnȩtä̧ kö̧sä̧." a̧mä̧cö̧ ucututtö ȩmö̧ icuttömä, ttudo'che ja̧u̧tä̧ ja̧'a̧ pä'ö huȩnȩta'chemä ja̧'hua̧ta̧'a̧nö̧ surojö ucuocuäcuähuämä, ¹⁰ cua̧mö̧nä̧ pa̧ja̧tö̧ ucututä ppäittu'ätörö cuiyätucuttömä̧ ja̧'hua̧ta̧nö̧ tta̧'cua̧ tta̧'ȩcuä̧tö̧rö̧ recuä rö̧jö̧ ȩmö̧ cuiyätucuttömä; cui̧tȩya̧huä̧tu̧cu̧mä̧ yo̧u̧ra̧'a̧cu̧ tejädäcua'a, ja̧'hua̧nö̧ jo̧mȩnä̧ yo̧ö̧mä̧ kä̧hua̧ jueö kö̧rö̧ jä̧'i̧nö̧'a̧nö̧ jä̧cua̧'a̧. ¹¹ Ja̧'hua̧nö̧ jo̧mȩnä̧ TÖ̧Ä̧NÄ̧HUA̧MÄ̧ cädi'oca'atä o̧i̧pö̧cua̧ ja̧'hua̧ta̧nö̧ ajiya jo̧a̧jä̧ttö̧'i̧nä̧ ttaunä a̧jä̧cua̧, ja̧'hua̧nö̧ jo̧mȩnä̧ ttihue'quiyömä 'quiyächächäcua'a. Ucutumä ä̧'u̧ ka̧cu̧ ade ttiyepade jä̧'i̧nö̧'a̧nö̧ cuäcuotöjä̧ ja̧'hua̧ta̧nö̧ ajiya rȩjȩttö̧ räopoya jä̧'i̧nö̧'a̧nö̧, yorö'iso joipocoya jä̧'i̧nö̧'a̧nö̧. ¹² Ucututtö yotucunä̧mä̧ täbocutä ma̧ä̧chi̧no̧mȩ pä'äjita'anö cuaditäcuotöjä; jitä ka̧cuä̧tö̧rö̧ a̧mö̧cuädö ucutumä cuäräbe'äcuotöjä; ucutumä ottäcuä̧u̧jä̧ jäyänä ttoecuäbä äräbe'äcuähuä ttöja̧ jö̧nä̧:, ttö̧ja̧cua̧ pä'ö mä̧ni̧yä̧'i̧nä̧ jareächi'önä adicuä ttö̧ja̧ jö̧nä̧tä̧." ¹³ Pätö'anö̧ ja̧'a̧ 'cuä'ächi'ö pä̧mä̧dä̧cuä̧huä̧ mo̧ro̧mä̧ ko̧rpjpra̧'a̧mä̧ cui̧'chä̧tu̧cua̧ pä'ömä jo̧ca̧'a̧, ja̧'hua̧ta̧nö̧ korojuei'i̧nä̧ cuiyätucua pä'ömä̧ jo̧ca̧'a̧ chu̧mo̧ro̧ surojö juiyö mo̧ro̧mä̧. Pätö'anö ja̧'a̧ 'cuä'ächi'ö pä̧mä̧dä̧cuä̧huä̧ mo̧ro̧mä̧ eseäcuähuä mo̧ro̧ ja̧'a̧ ja̧'hua̧nö̧ jo̧mȩnä̧ TÖ̧Ä̧NÄ̧HUA̧ a̧mö̧cuädinö̧mä̧ surojö juiyö ja̧'a̧ttö̧ ucuotäcuähuä. Pätö'anö ja̧'a̧ tucuotätucua pä'ö ja̧'a̧ 'cuä'ächi'ö pä̧mä̧dä̧cuä̧huä̧ mo̧ro̧mä̧ korojuei ta̧mö̧nä̧ tiäre'i̧nä̧ tiyoca'atä, ja̧'hua̧ta̧nö̧ ttusa pä'ömä jo̧ca̧'a̧ jitötä tteseutämä̧ ja̧'hua̧ta̧'a̧nö̧ tta̧mö̧nä̧ tti̧huȩn ttucuocuoca'ara̧'a̧mä̧. ¹⁴ Ja̧'hua̧nö̧ jo̧mȩnä̧ TÖ̧Ä̧NÄ̧HUA̧TTÖ̧ eseäcuähuä ttö̧'o̧cui̧'ä̧cuo̧tö̧; ja̧'ha̧nö̧ ttö̧'o̧cui̧'o̧mȩnä̧ ja̧huä̧jä̧ rȩjȩttö̧mä̧ huä̧mȩnä̧ cuettächönä jȩchä̧cuo̧tö̧; Ttömä chucuäjetäcuotö ttä'o Jacob iya päinöttö̧tä̧, ja̧'hua̧nö̧ ja̧'a̧ TÖ̧Ä̧NÄ̧HUA̧TÄ̧ ja̧'a̧ ja̧u̧ ucuocuä'ijömä."