¹ Ji̧yȩnö̧ mo̧ro̧ pä̧cu̧huä̧cua̧jä̧: ''Ucuru adihua'a pä̧dä̧cua̧sä̧ chu̧ru̧hua̧. Ttörö cu̧ra̧huä̧ri̧nö̧ cui̧'ä̧i̧ ji̧nö̧mä̧ täcö pä̧jä̧mä̧chä̧jä̧cu̧jä̧, ja̧'hua̧nö̧ ja̧'a̧ttö̧ huȩnȩ juiyönä kä̧cuä̧huä̧tä̧ cui̧yä̧cu̧sä̧. ² Topi, Diostä ja̧'a̧ ttörö ppä̧'ä̧dä̧rö̧mä̧; ye'ecu'i̧nä̧ yedecuoca'a ja̧u̧ru̧tä̧ cha̧'cua̧ chu̧huä̧nä̧rä̧cua̧sä̧, ja̧u̧mä̧ ttö chu̧ru̧hua̧, chujuru'i̧nä̧ iyömä ja̧u̧tä̧, ja̧u̧tä̧ ja̧'a̧ ttö ra̧dä̧cu̧'i̧nä̧. Ja̧u̧tä̧ ja̧'a̧ ttö chö̧ji̧pö̧nä̧ ppädäcuähuä i̧sa̧mä̧.'' ³ Aje i̧sä̧rä̧ töepomettö esunu cuȩmä̧cuo̧tö̧jä̧ ki̧'i̧cuä̧mä̧. ⁴ Ji̧yȩnö̧ mo̧ro̧ pättäcuotö: Ja̧u̧ i̧mi̧nä̧ huopö adihua'a pä'ätucui chu̧ru̧hua̧rö̧; o'cajuiyönä uhuäbe'inömä ötahuiyä jö̧ o̧du̧nä̧ ka̧cuä̧tö̧rö̧ ji'ähuätucui, ja̧u̧tä̧ ja̧'a̧ korotöttö'i̧nä̧ abonänö ju̧ru̧hua̧mä̧ pä'ö. ⁵ Ja̧u̧ chu̧ru̧hua̧rö̧ ra̧'ä̧tu̧cui̧, o'ca juiyönä uhuäbe'inö a̧mo̧cuädö, ja̧u̧ru̧tä̧ esehuätucui o'ca toi'önä ruhuäquiyä pa̧ja̧cu̧nä̧ ka̧cuä̧tö̧ ttu̧huo̧ju̧nä̧. ⁶ Pä̧i̧cu̧nä̧ rä̧mi̧pö̧nä̧ huopö esehuätucui, ucutu Sion ttö̧ja̧, Israel ttö̧ja̧ ttö̧ä̧nä̧hua̧ surojö jui̧'a̧mä̧ ucutu cu̧'quȩtȩtu̧cu̧nä̧ kö̧ chutä uruhuo ö̧rö̧ä̧cu̧tä̧.