⁹ Ja̧'hua̧nö̧ ja̧'a̧ ya̧tȩ Dios päö huȩnȩ ji'äu ju̧huȩnȩtä̧ ki̧nö̧, Ja̧u̧ i̧mi̧mä̧ Obed pä'ö micuinö̧. Ja̧u̧ su̧ro̧da̧u̧ Samaríara̧'a̧ttö̧ tticha'a tehua pä'ö rä'o'inö. Ja̧u̧mä̧ jahuätörö pä'inö: Tocu pä'ö ttö̧tä̧mö̧ mi̧nä̧ TTÖ̧Ä̧NÄ̧HUA̧MÄ̧ Judá ttö̧ja̧rö̧mä̧ a̧mi̧suro toa'attö̧, Ja̧u̧mä̧ jahuätö ttu̧mö̧nä̧tä̧ iyipä̧jä̧u̧. Ja'huanö iyipäjäumä suronä jȩpö̧ cuä'ö icuinä̧tö̧jä̧ mo̧ro̧jä̧ra̧'a̧ jubö rä̧mi̧pö̧nä̧. ¹⁰ Ja̧'hua̧nö̧ jȩpi̧no̧'cotömä Judá ttö̧ja̧ttö̧ u̧mä̧tu̧cu̧'i̧nä̧ nä̧tu̧cu̧'i̧nä̧ cu̧ja̧cui̧'ä̧tu̧cua̧ pä'ö jȩpä̧tö̧jä̧ ja̧'hua̧ta̧nö̧ ttö̧ja̧rö̧mä̧ cu̧mö̧huäyotö jö̧nä̧tä̧. Ja̧'hua̧nö̧ ja̧'a̧nä̧ ¿ucumä jo̧ca̧'a̧ suronä jȩ'cui̧nö̧tä̧ huȩnȩcuä̧chä̧cu̧mä̧ TÖ̧Ä̧NÄ̧HUA̧CU̧ surojönä cu̧ju̧nä̧. ¹¹ Ja̧'hua̧nö̧ ja̧'a̧ jitämä, Ttörö ä̧ju̧cuä̧tu̧cui̧: Cärenä pȩjä̧tö̧rö̧ ttichina'acu hue'ätucui, jitö cuahuaruhuätucu ja̧'a̧nä̧ cuȩmi̧ pi̧nä̧tu̧cuä̧ö̧rö̧mä̧, isopäi'önä̧tä̧ TÖ̧Ä̧NÄ̧HUA̧MÄ̧ ucuturu amisurö topö. ¹² Ja̧'hua̧nö̧ ja̧'a̧ jitötä Efraín ttö̧ja̧ ttu̧ru̧hua̧ Azarías, Johanán i̧tti̧'i̧nä̧, Mesilemot i̧tti̧ Berequías'i̧nä̧, Salum i̧tti̧ Ezequías'inä juhua'atäcu Hadlai i̧tti̧ Amasa, to'ija̧'a̧cu̧ a̧mö̧cuädinä̧tö̧ jitö curä rohuäu i̧huä̧jä̧'cotö ppa̧'ä̧chä̧tu̧cu̧mä̧. ¹³ Jahuätömä juätörö pä'inä̧tö̧: "Ucutumä carenä pȩjä̧tö̧rö̧mä̧ pȩnȩmä̧ cui'cächätucua pä'ömä juiya'a, isopäi'önä ucutu ujuturu i'cächö cuiyätucumä TÖ̧Ä̧NÄ̧HUA̧RÖ̧MÄ̧ surojötä jä̧cua̧'a̧, ujutu suronä jȩtö̧ yabonä̧nö̧ jö̧nä̧ päi'äcua'a, juhua'amä ujutu ttucuotoca'a jȩtä̧ji̧mä̧ ucuotäcuähuocö ja̧'a̧ ja̧'hua̧ta̧nö̧ pä̧i̧tä̧tä̧ kä̧cua̧'a̧.