¹ Mag edar, phobor thumwe icharaucha miejierram. ² Thumwe phobor Israel phienau ãkharãg jaujim Moises mai Aaron agjo. Thumankhʉʉnau jaujim phobor ãigin khʉʉnau: "¡ Maarau khoochag naajim oog chi meer Egipto durram khʉʉn, magbamʉn mugai pabu chukhu mai mos apha thʉnʉn ai! ³ ¿Khante ma Ẽwandamau maar aubeejim mʉg jẽb gaai maar thuthuiyau thomkhĩir? Maar ʉʉi mai maar chaain daii daaphʉ ajú. ¿Jab baikhĩir deu mai maar Egiptou ma khajim?" ⁴ Aũnkhʉʉnag jaujim: "Ideusubat am amach deu khochag pier amach por, jʉraum khĩir, mai ideu am mapibat Egiptoog." ⁵ Mag barwai Moises Aaron eg bagkhoo phoobaadejim biidʉthʉnajim Israel phobor. ⁶ Josue iewa Num dem maig Kaleb iewa Jefone dem, mʉkhʉʉnta depʉithaarr khʉʉnau jẽb oon mam khĩĩr, amach khãjũa jẽuerb phʉjierram. ⁷ Iekhajierram phobor thumwe Israel pienau. Mʉg iekhajim: "Mag jẽb arr oi maawai chi jẽb wajaphatha siejim. ⁸ Maach Aai maach dʉi oneesiewai magam irua maach warrjú mʉg jẽb gai mua maig maachig jeb deejú. Mag jẽb leche maig khũap deesim ar." ⁹ Oo ʉkhamiet maa Aai iek, oo ʉgkhamiet mʉg phobor, jẽb gayam khʉʉn. Maarau ʉʉpʉijú aam phithurja chukhu opod khoonʉm joo. Am thʉanʉm jʉrphʉiju. Ẽwandam maar dʉi siewai. Oo ʉgkhamiet." ¹⁰ Mamʉ thumwe phobor aig nʉm khʉʉnau mag dakhãunʉm mokdawau thõophʉiyag. Magai wʉʉjem atham joo ajim maach Ayau oojim maach jeujem aaig biirdʉ ajem aig Israel pien phobor aig. ¹¹ Maach Ayau jaujim Moiseeg: ¿ Dʉrrʉtha mʉg phoborau mʉg khochkhaba naajú khai? ¿Dʉrrʉtha mʉ iek ʉkhaba naju khai, jag murua nemirag oopichirum much juapatheg am ee? ¹² Mua deepʉiju nemiraag akhãrag, paar khechpʉyan khĩir, pʉ khod naan athe nempom adeejú mai juapatheg wainajú". ¹³ Moiseu jaujim Ẽwandamag: "Pʉa jagta waumʉn, Egipsio pĩenau ũrjũ arrau, pua am perdʉ athawai am mag phobor juaphatheg sierrajú. ¹⁴ Amach deu jaujuarrau mʉg jẽb gai khapan thʉnʉm khʉnag. Amach deu ũrjierram pʉ Ẽwandamau, mʉ khʉʉn wounaan dʉita sim, mach deu khĩirchata oonaawai. Pʉ edja bau pʉ phobor aita sim. Pʉ am na tha maju igaucha edja bau sim ai aspham phierr mag agjo igaucha uuthʉnum aig edar." ¹⁵ Is pʉata pʉ phobor ai nʉm khʉntha khechpʉimʉn thumwe mʉ khʉʉn wounaan, mag barrwai thumaan khʉʉnau ũrjuarrau bĩadeeju maig iekhajuarrau maig jaujuarrau: ¹⁶ "Ẽwandamau pod warbajim pobor ich jẽb irua dejú atharr arr, chadchata thoopʉijim pabu chukhum ee." ¹⁷ Is, pʉrig mʉ jaukhim, waisisi juapa pomam puch deu jautharjo: ¹⁸ "Ẽwandam khĩir machag chukhu chitum ma dau au khau khochag chitum. Dau au khauba pʉi maig akhãrag wautar. Ichiita pod kulp chukhu sim, aju khaba sim aubeewai juajʉan purua ichita i jua jʉpʉiyagau i chain, chi nieto naan, chi jooi iewa. ¹⁹ Jeu chirum mʉch dau aukhaum khĩir, mʉg akhãrag wainʉm mʉg phobor ai, puch deu maach dau au khau khochag chiraa jeewai, ich magta purua maar dau au khau chitaa jeewai mʉg phobor ai ich mag wai durum Egipto aig ich mag. ²⁰ Ẽwandamau jaujim: "Mua dau au khau chirum paach deu jeunum aawai, ²¹ chadcha mʉ Ẽwandam aawai mʉg jẽb gai mʉ juaphathegtasim, ²² thumam khʉʉn waunanau ootharr mʉ juaphatheg oopiithar chi seyal much juapathegcha Egipto durr maig phabu chukha gee, mag simja amach deu mʉ jʉrnaajim jũa numi awia mag ũrajim mʉ iek. ²³ Mag mʉ, jaujim ooju jẽb dejú atharr nawem. Abamkhʉʉnauja amach deu khochkhaba khaba ajim oothar, ²⁵ mʉ chai Kalebta khĩethu waisim i akharr ich mʉ khochagsim chadcha, murua warjú jẽb wajaphanta ootharr arr. Ich chaanta mag Jẽb ee naajú. ²⁴ (Is Amalesita pien Kananeo pien nʉm khʉthagee.) Naan beejù mos pha chukhusim ee, khʉdau masim phũas thʉ̃rsiejim Junkos." ²⁶ Maach Aiyau iekhajim Moises Aaron ag. Maig mʉg jaujim: ²⁷ "¿Jagtha mʉ phaarau mʉ iekha chiraagau a mʉg phobor ãkhãrag thʉnʉm aig mʉ eugar jaunʉm aig? Is mʉ ũrchirʉm Israel phobor aig mʉ egar jaunum." ²⁸ Jauba: "Mʉ chadcharau" Ẽwandamau is deu jausim, mʉ ũrchirum aawai iekhanʉm, mai mʉ wawaagpaar pãar dʉi: ²⁹ Pãar moor thõogpham mai bʉrragpam mos pha chukhu thʉnʉm ee, pãar thumwe aagʉʉi aagʉʉi ajeejierram mʉ eugar, pãar khaba senso gai pãsiejim anʉm, agcha pãsiejim chi wounaan thʉnarkhʉʉn beinte ayõ aig mʉa naag. ³⁰ Pãar pod dʉgbam mag jẽb arr mua deejú aathar arr agjo di eujú aatharr aig, Kaleb, iewa jefone mai Josue, iewa Nun, makhʉʉnta mag jẽb ee dugagau. ³¹ Ma mʉ pʉch chaan daiin khʉʉnau, jautharrkhʉʉn daaphʉ nʉisiijim, mua warrju jẽb ee. ¡Amach deu khapajú chi jẽb pãarau khochkhabatharr! ³² Ma mʉ pãarau paach moor meeju, burrjú mos pha chukhagee. ³³ Am chaan pastor khanʉimsi juarrau mos pha chukhu sim ai kuarenta ayõs. Am ichag daaphun wenʉrrajú amach aai gai mua meebaa dem arr mag mos pha chukhum sim aig. ³⁴ Jagwai pãarau oon wenʉrrawai chi jẽb, kuarenta dias, agjo pãar kuarenta ayõtha naagau pach ãkharag iekhatharr gai mua, ayõ ãbtha siegau ãsphampierr, khapʉtha siegau puch dʉi meukha sim.

³⁵ Mʉ, chadcha Ẽwandamta iekhachirum. Chadcha, mʉrua, wawaagpaan chamʉg phobor dʉi maig ãkhãrag thʉnʉm khʉʉn muchig ãkhãrag iekhan khĩir. Chadcha mʉa thʉap puyagpãar isim chadcha mʉig paita meegau." ³⁶ Ma mʉ, mʉ khʉʉn wounaan deephʉithar khʉʉn jẽb oon, thumwe mejierram mormachphawia, Ẽwandam dau na. ³⁷ Mʉ khʉʉnta magthar khʉʉn wounaanta beetharr khʉʉnau maig jaucheejim chi jẽb ãkhãrag. Mʉ khʉʉnata iekhajim phoborag ãkhãrag iekhamkhĩir Moises eugar. ³⁸ Mʉ khʉʉn wounaanta chi jẽb oon maajim, Josue paita, Num iewa maig Kaleb, Jefone iewa meeba nʉisijierram. ³⁹ Ma mʉ Moiseu jaupʉiwʉi Israel pien phoborag maig thumwe i charaucha miejierram. ⁴⁰ Magtha edaupherre phidʉjierram ʉgthag majierram durrsigai mai jaujierram: Mãar mʉinʉm thumwe, mai maajú maach majú arr ma Ẽwandamau deejú atharr ar, maach deu ãkhãrag wauthaarrawei." ⁴¹ Ma mʉ Moiseu iekhajim: "¿Khanatheetha pãarau jauthar ʉkhabajima Ẽwandamau jauthar? pãar jagchaan wajap mabaju. ⁴² Oo mamiet, Ẽwandam pãar dʉi khabasim magai pod pãar perdʉ aubam pãar ãkhãrag wawaag pam jua ee mua.

⁴³ Amalesit pien mag Kananeo pien agai naajim, maig pãar meeju arrau jierr nemau pãar maach Ai iek ʉkhabatharr gai mua. Ich pãar dʉi khabasim." ⁴⁴ Amach deu jeunʉisi jierram maag durrsi gai; ma mʉ Moiseu maig chi arka pakto dem maach Ẽwandam den deebaajim am naam khĩir. Magtharr khʉʉr jerag beejim Amalecita pien, agjo Kananeo pien, makhʉʉnta durrsigai narrkhʉʉn. ⁴⁵ Makhʉʉnta jãujim Israel pien dʉi maig amach deuta thum khech pʉijierram khʉdau ee Horma arr.