¹ Ẽwandamua iekhajim Moiseeg mai jaujim: "Phobor Israel pienag maimua aanag jauba: ² " Abamua kaija ich iek deemun deeg Ẽwandamag, mug khapanag oonaita waujuarrau. ³ Chi jeujudam emkooi 20 ãyom mai 60 ãyom waisimag aju 50 pagkondau pagkondauden, oonuu awia chi santuario den. ⁴ Mai ʉʉi agjom edad waisimag, chi jeujudam aju 30 pagkondau pagkondauden. ⁵ Cinco ãyos mai veite ãyos i edad waisimag, irig jeuju mag emkooyag veite pagkonadau pagkondauden, mai chi ʉʉi khaarag, diez pagkondau pagkondauden. ⁶ Ed ãb ausitheem khʉ̃ʉnag mai cinco ãyos ausitheem khʉʉnag, chi jeudam mag emkooyag aju cinco pagkondau pagkondauden, mai chi ʉʉi khaarag, thãrjũb pagkondau pagjuarra pagkondauden. ⁷ sesenta ãyom khʉʉnag mai ag ũnchakaija ausitheemag, emkhooyag, paanau pagjuarrau quince pagkondau pagkondauden, mai ʉʉyau diez pagkondau pagju pagkondauden. ⁸ Mag sim ee õr abamuakaija ich i deemug magua pagba irua phagaag paar, magan mag õr maagau pad ar, mai chi padau i khõsi aju mag õrãu kapan pagkondau deeg paawai. ⁹ Õr abamuakaija nemchain thõomun Ẽwandam ithee, mai Ẽwandamua aumun, magan mag nemchaai i athee aukerju. ¹⁰ Chi õr uncha ajuukabasim o chi nemchaai kambiaguithee, ajaphan akhãrãgan jũr o akhãrãgan ajapham jũr. ichdeu khaija kambiamun nemchaai dewam jũr, magan agdauju, Jã mai chi nemchaai agjũr kambietar, makhʉʉn santota thʉbajuarrau. ¹¹ Magsim ee, chi õrãu ich iek deetar khai deeg ithee Ẽwandamag akhãrãam, Ẽwandamag aupimaun gau, magan chi õrãu aubeegau chi nemchaai pad ar, ¹² chi padau oogau chi jeujudam chi nemchaai chi merkau ar. Parooban aukerju chi nemchaai jeujuden, mag thubaagau. ¹³ Chi padau kaija deu awan khõsisiman, magan agun cinco porciento jeutarden aukherju deu autar den. ¹⁴ Nau õr abamuuakhaija jʉrtheer aumun ich di Ẽwandamag deeg ju awia, magan chi phadau aukherju ichgarim ajapha magbamun akhãrãg khaija. Paroob chi phadau jeubam, magta thʉbaju. ¹⁵ mai chi khʉgau khaija ich di thertar deeu aumun, ichdeu agũn bãunpeiju jua ãb chi jeutaar ʉ̃r ichdi deu aunum jũr, mai iden aju. ¹⁶ Õr abamuakhaija aukhermun nemin ich jẽb chaar eem, magan chi jeuju iden aju dʉʉchata sieju chi nemjĩir jĩrãaguithee, 370 lts. chi nemjĩir dau cebada aukherju 50 phagkonda chi dauden. ¹⁷ Ichdeu khaija agnawe ich jẽb jurtherkhermun chi ayõ jubileo ee, chi jeujuaipei thubaju. ¹⁸ Mag sim eeta ichdeu ich jẽb jubileo dichtarkhurta aukhermun, magan chi phadau oonuu anawia chi jeuju chi jẽb den chi ẽsãpdau ayõ den aukherju da ãb ayõ jubileo beenum ar, mai chi jeuju dan eerraa puita thʉbaju. ¹⁹ Naun chi õrãukaija ich ithee jẽb autaar deu awamkhõsisimʉn, magan ichdeu agʉ̃r deegau sinko por ciento chi jeutaar ʉ̃r, mai iden aju. ²⁰ Ichdeukhaija chi jẽb aubamun, magbamun dewam õorag khaija permun, ya mai ich jẽb pod auubam. ²¹ Chi sim ai, chi jẽb ai, deu chi ayõ dewam barchewai, chi jẽb santota siegau, ar chi jẽb ataarkhʉ̃ʉn thʉ̃m deegau Ẽwandamag. Chi pad denau. ²² Õr bamuakaija bigau autar ich jẽb ichdeu perautar, mag sim ee chi jẽb chi kod naandenja khabajim, ²³ magan chi padau oogau chi jeujdam iden chi ayõ chi iiu beenum ar, mai chi wonau pagju chi jeunum dan mag ed nemin deenum aju Ẽwandam ithee. ²⁴ Ãyo de wam beenun ai, chi jẽb deegau chi õr perautaarrag, chi jẽb khʉgag. ²⁵ Chi pad naanauta chi pagkhon dau oojuarrau chi santuario den. 20 jom thʉnʉm den oonaawia 57 gramos. ²⁶ Ni abamuajã bigau chi nemchaai nacham aunkhʉʉn nemchaan ee, ya chinemchaai nacham Ẽwandam itheeu; buei magbamun obeja khaija, Ẽwandam denau. ²⁷ Chi nemchaai mundo eemkhaija amun, magan chi khʉgau perauju aaisim deeu ich jeutarju, agʉ̃r jua ãb deeju aaisim chi jeutar ʉ̃r. mai chi nemchaai deu aubamun, magan perpeyaagau chi jeutaar oowia. ²⁸ Ar õr Ẽwamdam dʉi sim, thʉ̃mwe ich nemin ausim, õr khaija o nemchaai khaija, mai jẽb khaija pʉch khod naanden, perju aaisim o deu auju aisim. Thʉmwe i itheem jã santo Ẽwandam ithee. ²⁹ Deu ich nemin autar pagbamun mag õorãu Ẽwandam itheem atar ma opuyaa guithee. Mag won thõopʉyaagau. ³⁰ Thʉmwe deenum mug jẽb gaai, ar nemjĩrtaar jẽb gayim mag bamun nemjõ pabʉ gayam, ma Ẽwandam denau. Ma santou Ẽwandam ithee. ³¹ chi õorãu khaija deu aumun ichdeu deetar, ichdeu agʉn deegau jua ãb jeutar ʉ̃r. ³² Jua numi khaija khapanag thʉnum ai rebaño khaija, paroobam khaija dichmun pastor pa eegar, jua numi aukheraagau Ẽwandam ithee. ³³ Chi pastoorrau ookhaag khabam chi ajapham mai akharaam khaija, mai ichdeu dewam deeg khabam agjʉ̃r. Ichdeu khaija thum dewam deemun, magan agdauju, ja mai ichdeu deetaar da ãb jũr, ma santota thubaju. Ma ya aubaarram. ³⁴ Mu khʉʉn iekta deejim Ẽwandamua jẽb Sinai ar Moiseeg Israel pien ithee.