¹ Ẽwandamua thʉ̃r aujim Moises mai irig iekhajim chi di pordʉajem di armua, mʉg jaujim: ² "Israel phoborag iekhaba mai jauba:´Nau paan eem õrãukhaija aubeemun nemin Ẽwandamag deeg, aupidʉ deeguithee paach nemchaain eem, paach pak eemkhaija magbamag pak baaun nʉm eemkhaija. ³ Si pua nemin deeg pam mag deegpam opdau ee phaatar khai, ichdeu deeju aisim chi emkhooi akhãrãg chukhum. Ichdeu deeju aaisim chi di poorduajem oberjem ai, ma Ẽwandamua awamkhiin. ⁴ ichdeu i por gaai pʉraagau chi nemeg phaatar gaai, mai Ẽwandamua auju ich sim ai ich pekau jʉ̃r. ⁵ Mag tarkhʉr ichdeu thõogau pak emkhooi Ẽwandam dauna. Aron iewaan, chi pad naanau, chi bag oopiigau maimua jĩepheegau chi baaudi ʉ̃r ar oberjem aiguiisim di poorduajem di ai. ⁶ Magtarkhʉr ichdeu eumeegau chi khaar phaatarden maimua dayii thʉabkha peyaagau. ⁷ Magtarkhʉr Aron iewaan chi pad egdau ʉr juarrau chi di ai maimua aguee ogdau barjuarrau ʉʉ amkhiin. ⁸ Aron iewaan, chi padnaan, chi piesa anun aukherjuarrau, chi por maimua chi khau, ãbata phekheraagau chi õgdau ʉ̃r ar chi di sim ar. ⁹ Mai chi mor eem ierramkhʉʉn maimua chi bʉ dou sʉ̃gpʉyaagau. Magtarkhʉr chi padnaanau thʉm phaakha peyaagau ar chi ogdau ʉ̃r thʉnum khʉʉn phaanaai deenumju. Jã mu ithee thʉ̃phata thʉbaju; jã murig deegta waujierram ogdau eem. ¹⁰ Pua murig phaanaai deesim pʉch pak bãutar eemkhai, ãb oveja denkhai magbamun cabra eemkhai, ichdeu deeju aaisim chi emkhooi mormachak chukʉm. ¹¹ Ichdeu thõoju aaisim dõkẽugarbi chi di sim gar Ẽwandam dauna. Aron chaanau, chi padnaan, jĩepheegau chi bag di khʉpier. ¹² Magtarkhʉr ichdeu thʉrpheegau dayii, chi por dam dʉi maimua chi khaudam, maimua chi padnaanau aukherjuarrau agdaujʉʉ chi nasap ʉ̃r ʉʉthʉnum ai, chi di sim ar, ¹³ mai chi mor ee thʉnaarkhʉʉn maimua chi bʉ do damua sʉ̃r peyaagau. Magtarkhʉr chi phadau thʉmwe deeju, maimua phaakhapeiju õgdau ee. Phaanaita deeju, mai mu thʉ̃phata ʉ̃ʉgau Ẽwandam ithee; phaanaaita oopiju irig ẽgdau ee. ¹⁴ Phua deegpam Ẽwandamag jãg phaanaai deegpam ichpanden, magan aubeegau pua deegpam magbamun torkasdam magbamun palomdam chaairaam. ¹⁵ Chi phadau aubeegau chi di ar, odi phurʉu aubeeg, maimua phaapeyaag chi di ar. Magtarkhʉr chi bag jĩepheegau chi di bigau. ¹⁶ Ichdeu mobeegau chi obʉch aguee thʉnum dui, maimua barpeyaagau dokier garbi di sim gar, ¹⁷ chi khʉʉr aukherjugar. Ichdeu thʉyiukhaagau chi ich, mai irua phekheraag khabam nunumdu. Magtarkhʉr chi phadau phaapeyaagau chi di ar, chi õgdau ʉʉsim ar. Mu phaanaaita deeju, maimua thʉ̃abta thʉbaju Ẽwandam ithee; phaanaaita oopiju irig ẽgdau ee.