¹ Moiséu magjin: "¿pari mʉ iek ukhãbanʉm mʉ iek ʉrbamʉun, pari ĩsim ai mugnʉm: "Ẽwandam agatha ooba ʉm"?" ² Ẽwandamua magjim ĩrig: "¿khan aga pu jʉa eem?" Moiseu magjim: "Padam abpai." ³ Ẽwandamʉa magjim: "Akhʉd aukherba". Moiseu akhʉd aukherjim, mag nemkhõrag pãapijim Moisés petajim iaaigimua. ⁴ Ẽwandamua magjin Moiség: "Jua thur khãwia ikhʉjãgaai puratha". Mag akhʉd aukherwia pur aajim nemkhõr, deumai ich juaja epei padam õrpapijim. ⁵ Amʉ chach amug ukham khĩi chadcha Ẽwandamau nacharam khʉn den, Ẽwandam, Abraham den, Ẽwandam Isaac, imai Ẽwandam Jacob den, mʉ ai oojim. ⁶ Ẽwandamua agjo jaujim: "Is pʉ jua ee dug apʉi pu kapa ee". Mag Moiseu ich jua ee kapa dug puijim mag euduathajim, jua dʉi ijua siejim chadaphã bophõ siejim ethã jʉ awia. ⁷ Ẽwandamua jaujim. "Puchjua kapa ee dug apui deumai. Mag Moiseu dug puijim ich jua kapa ee, imagtarhʉr ich jua jeu awei ich diu ojim wajapha siejim deu mai, is sierjʉ awia kerajim. ⁸ Ewandamua jaujim: "Jakhʉnau pʉ ĩek ukhaba mʉn pʉ iek ʉrbamʉn nacharam opitaar mʉjua patheg chi jakhʉn iekta ukhaga, maita amach ukhagau agkaramden. ⁹ iamach ukthãbamʉn chadcha parig bieg numi opitaar mʉ jua patheg, pu iekjã ʉrba, magan dojoi athur do eem I dʉr jeb jusar eem weapui. pʉ do dogpam bag apho agau Jeb jusarg ee". ¹⁰ Mag Moiseu jaujim Ẽwandamag: "Ẽwandam, mʉ wajap pai orabachitum, nawe awiuja mai pu iekhãtar aai muajã puiewa. mʉ iek khau khaba chirum iekhagathe i meukhĩir thuba thuba chirum". ¹¹ Ẽwandumua jaujim ĩrig: "i khayiuta emkõn iek iekha deeji? khayiuta wauji emkhõon iek meraam, kachkisʉm, dau oonʉm khʉn, daukhĩsum khʉn? ¿Mʉ khãba Mʉ, Ẽwandam?. ¹² Magan isin erpaba i mʉ pu iek dʉi chitaagau i jau chitaju jaga iekham khĩir." ¹³ Pari Moiseu jaujim: "Ẽwandam, mʉrig õor jʉrnawia, dee apʉi pãr oobam khʉn, pʉch dʉi dee apum dee apui." ¹⁴ Mag Ẽwandam meu khajim Moisés dʉi, ich diu jaujim "Jaga si Aaron pʉ naam ich Levitamau? Mua khaphu chirum ich wajaphu iẽkhajem uncha ich urum pudʉi khĩir theu cheg, i pu othumaig, ich onesiegau ithãr bu ee. ¹⁵ Pʉ iekhagan i jawagau irig puch iek eemua mʉ chitaagau pʉ iek ee i iek ee, i mua opiegau ãba jãga wawag. ¹⁶ irua iekthagau õorag pujʉr ichta pu iekau I pʉta ichiu ita mʉju awia, Ẽwandam. ¹⁷ Pʉ waragau puch jua ee mug padam jagua opiagau puch juapatheg sim". ¹⁸ Mag Moisés beejim Jetro, i chajoo i magjim: "Mapibaa much khodnan Egipto num khun ar i maig oog athe am monakhanʉ". Jetrou Moiseg jaujim: "Petaa wajãpha". ¹⁹ Ẽwandamau jaujim Moiseg Madian: "Oo ami; petar a Egipto, thumwe emkhooi phid khanaar khun meejieram. ²⁰ Moises i ʉʉi i iewan i depuijim burrogai ich beejim Egipto jeb ãr i pur aujim padam Ẽwandam den ich jua ee. ²¹ Ẽwandamua jaujim Moiség: "Puch barwei Egipto, oopiba Pharaon naa thʉmwe neminag wauchirum juapatheg pari ithõr theg siegau, i jagua mapibam anum phõbor eemkhʉn. ²² Jauba Pharaonag: "Jata Ẽwandamua jaujim: Israel jamu iewau, much karamcha. ²³ I mua jauju purig: idiu mu chaai, mapiba idiu murig jewan khĩir, pari ukhabatar awei mapibamgau mʉa pãr chaan, khech piegau pãr garim cha. ²⁴ Isin, khʉdau ee, Mag amach uthurjierram edar, Ẽwandam oojim Moisés dʉi thõpuyaga naajim. ²⁵ Mag Séphorau kuchia pur aajim mogdauden i purbich puijim ich iewa, I mai ibu aig aukherjim. Magbawei ichdiu jaujin: "Chadcha pʉ chi nojoyau bugkayamua". ²⁶ Magan Ẽwandam dʉi ãba kerajim, ich dui jaujim: "Pʉ chi nojoyan bagkayamua" mepurbich tar gayamua. ²⁷ Ẽwandamau jaujin Aaronag: "Petaa pachu khʉm ar i par ooju Moises dʉi" Aaron majin oon, oojim dʉrsi Ẽwandam den ar, I khĩir ʉathajim. ²⁸ Moiseu jaujim Aaronag thumwe iek jautar Ẽwandamua depuitar jawamkhĩir i thumwe ich juu patheg oopinʉm Ẽwandamua ich diu jausim wawamkhin.