¹ Mʉg wounaan jigkha aumʉn chi buey magbamʉn obeja, magbamʉn thoopʉimʉn magbamʉn perpʉimʉn, magan ich deu phagagau jũab jʉ̃rr buey ãb pʉim jʉrr magbabĩaja jãyap obeja ãb pʉim jʉrr. ² Chi nemjigmia dʉg nʉm jaubasim ee chi deg, mamʉ thobawiaja mai phogpheephʉ amʉn, ãbamja iekhor chukhu sim thoothar magan ichiita maagaagau. ³ Mamʉ edau oberjʉnabeta dʉgmʉn thoogaathe. Chi woun mamʉ thoopʉimʉn chi nemjigmia, ichiita deegau ich deu akhãrag wautharr jʉrr. Mamʉ ich deuta deu deegathe chukhu simʉn perawaag magan chi jigkhatharrau jeusim arr phagaagau. ⁴ Chi nemchaiin jigkhaatharr thõobasimun îusimun ich diar waisimʉn chi buey khaya, burro khaya, magbamʉn obejadam khaya, ichiita warag phagagau ich deu jeusim khaya ʉncha. ⁵ Õr ãb aamua waisiejim phak ich jẽb ee magbamʉn uba dooee ich nemchaan aʉpʉasim pharoob maigmua khoopʉisim neminaam dewan khʉʉn den ee, maig chi khʉʉgau deegau agjo khoopʉithar jʉ̃rr. ⁶ Amʉg ʉʉrdʉʉbadewai warag ʉdʉbanʉm jʉsar mam ee, maig chi phier nʉm arr khaya, mai mʉa chi iʉʉ jĩirsim arr khaya phãaphʉimʉn mag jẽb eem, ichiita chi wounau chi egdau phãpʉitarrau agjo jĩirdeegau phãapʉithar jʉ̃rr. ⁷ Woun ãb bamʉa phatkhon deesim magbamʉn neeminag ich khaperag asuamkhĩir, mamʉ chi di aig gim jikhaphʉijim, mamʉ oomʉn chi jigkhaatharr, phagaagau ag khãyãu ʉncha. ⁸ Mamʉ oobamʉn chi nemjĩigmĩe magan chi di khʉʉg maagau paparam khʉʉn arr khaaphaag deeji o deebaji ich khaper arr. ⁹ Iekhon oberam pier nemchaan awiaja, burro abiaja, obeja khãinjã, putja khãijã okhõn phierr dewan khʉʉnau jausim: "Achamʉ mʉ denau", ag dajo da ãb khayau mʉdenau, da ãb khayau magan paparam khʉʉn arrtha makhʉʉn wounaanta mawia paparam khʉʉn dakhintha khayiuta jigkha auji ichiita magan phagagau ag khãyauja uncha ich khaperag. ¹⁰ Mʉg enkhõyau deesim ich khaperag asno, buey, obeja magbanʉm khĩirphierram nemchaan khe waisiem khĩir mai chi nemchaan ich khĩinau thoomun bʉkhoodʉbaadewai khaya magbamʉn jigkha khaija abam khʉʉnauja bʉrja ooba, ¹¹ agdajo maach Aai dau dakhĩir chadchanta jaguagau maach Aayag, abanja magba mʉn amach numwe khʉʉnauja ãrbajierram neminam ich khaper dem. Chi khʉʉgau ʉʉkhaagau magan pod deeju jakhabasim chi akhãrag wautharr jʉrr. ¹² Mamu ãba mua jigkhathar khai ichiita deegau i khʉʉgau. ¹³ Mamʉ mʉg nemchaan thʉʉreeuthʉnʉm, oomʉn dewan õorau jawagau chadcha ootharr. Ich deu phagju khabasim mag thʉrreuthʉnʉm. ¹⁴ Woun ãbamua jeu ausim nemchaan ich khaper den mach nemchaain mormachpa magbamʉn thõbadeemʉn chi khʉg agai khabasiewiaja, ichiita irua deeju thoothar jʉrr. ¹⁵ Mamʉ chi khʉg agaisimʉm, dewan enkhõi pod phagbajim; mamʉ chi nemchaain jeutha waisierr khai, ichiita phagagau ich jeusierrjo. ¹⁶ Mʉg enkhõyauta mʉg ʉʉi khochkhasim enkhõija khauba khitumta nojoija chukusimta , ag dʉi khãinmʉn, ichiita ʉʉi khauwia phagagau ich jeusimjo ag dʉi sisieg awai ich jeusimjo. ¹⁷ Ma mʉ chi Aayau deemaapasim ich kha, chi enkhõyau phagagau dʉrcha phatkhonau ag jeusimjo enkhõi khauba khitum awai chi daupher. ¹⁸ Podsiejukhabasim pod ĩusieju khabasim beenkhʉn ʉʉi. ¹⁹ Mʉg thʉnʉʉm khʉʉn eem khʉʉm nemchaain dʉi khãimʉn ichiita thõophʉiyagau. ²⁰ Mʉg emm khʉʉn thʉʉnʉm khʉʉnau deemʉn dewan ewandamag khabamagtha ichiita chadcha thoopʉyaagau. ²¹ Pod akhãrag wauju khabasim warrpam awiaja ʉncha pod choju khabasim, pʉja Egiptom dʉrram ajim. ²² Pod akhãrag wauju khabasim jakhʉʉn khopa ʉʉi awiaja wouch damja wiaja. ²³ Pʉa akhãrag waumʉn amach deu jeumʉn, mʉrʉg ẼWANDAMAU, ũragau amau jeumʉn. ²⁴ Mʉ khĩr machag ʉncha ademʉn mua paar thõophʉ̃iju jiernemau; mai pãar ʉʉi jai chukhu sisijú mai puch chaan wouch naanta sisijú. ²⁵ Si ma demʉn phatkhon mʉg phobor eem khʉʉn daaphʉkhithem khʉʉnag, ma mʉ ar phatkhon deejem khʉʉn jokhaba ag khãyau ʉrʉcha jeeujem khʉʉnjo khaba. ²⁶ Ma mʉ pʉata jeu aʉmʉn put khãinjem, ichiita deu pʉa deegau khẽujunabe, ²⁷ ichiita mag ãb paita waisim; ich mor gai juajem. ¿Khanta igsim neeminag jũag khãyãgathe? mamʉ irua jeumʉn, mʉrua ʉ̃rchirʉm, ma mʉ mʉʉn wajaphan awei. ²⁸ Pod pʉa akhãrag jauju khabasim, Ẽwandam, agjo pod akhãrag jauju khabasim chi por naan phobor aigim khʉʉn. ²⁹ Pod pʉa waisieju khabasim deeg atharr pʉch neeminag jĩirsim, bino wawaag. Pʉa mʉrig deegau nacha pʉch chaan dem. ³⁰ Agjo pʉa wawagau puch buey dʉi mag obeja dʉi. Pãar khãi khapara naagau paach amit dʉi, mamʉ jũa ãb awia jũa khẽun thãrjʉp na ichiita deegau mʉrʉg. ³¹ Pãarta phoborou naagau Mʉ ithee. Ma mʉ pod khoju khabasim nemek mot ag thʉrreuthʉnʉm nemchain chum pabu eem. Ma mʉ, deeju ayaasim saakhig.