¹ ĩs chamuta purua jauju au chirum amag am da khĩir: ² Mʉ maa deu peraumʉn ʉkhakhitum hebreo pien ja maach dui phidkhajusim seis ayõs, maimua siete ayõs mua oberjú iekhonja chukhu bʉʉrjã phagbam bʉchkhʉnja. ³ Ĩchab pai beethaarkhai, agjo maawaija deu ĩchab pai maajú; ĩch ʉʉi waisier khai, magan chi ʉʉija agjo majú aisim iekhor chukhu i dui. ⁴ Chi khʉgau deethaar khai ʉʉi magua chi ʉʉi chai deethaar khai mag chi ʉʉi maigmua chi chaan magan makhʉʉn chi khʉg denau, magan ĩ oberju aisi iekhonja chukhu ĩchab pai. ⁵ Mamʉ ukhakhitamua agcha jausim: "Mua khochag chirum chi khʉg mʉch denju, mai mʉch ʉʉija agjo mai mʉch chaanja agjo; magtha mʉ agjo maban", magtha chi khʉgau aubeegau Ẽwandamau. ⁶ Mai chi khʉgau aubeejim perti ai magbamʉn ag igauwa puerti ai, mai chi khʉgau pa khẽumiamau i khach wʉipʉijim theg. Magtha waujejim mai mua ich magtha mag nʉrrajejim. ⁷ Chi aaiyau permʉn ich kha phadkhankhĩir, magan pod iekhon chukhu oberjukhaba sim, enkhoor ajemjo. ⁸ Chi perausimua khochkhaba simʉn ich ithee magan mapiju ayasim dewan khʉʉnag perawam khĩir. Magan irua pod perjukhabasim mag woun warphan khʉʉnag. Chacha irua perjukhabasim, mag seukha wainʉrrajukhabasim. ⁹ Chi khʉgau ausim mʉg ʉʉi ich iewa ithe, maig waisiegau ich kha joo. ¹⁰ Ma mʉ aumʉn ʉʉi ich ithee, magan pod irua khoojem banaa deeju khabasim, jũajemja pod isegjukhabasim. ¹¹ Mamʉ irua mag debanʉm mʉg thãrjʉp jaaunum neminaag, magan ich maju aisim iekhonja chukhu phagja phagba phatkhon jom. ¹² Mamʉ mas denʉm enkhoinau magsim meebademun, chadcha mag woun thõopʉijúayaasim. ¹³ Magan mʉg wounau ag nawe khĩirjʉgba siejim thõophʉiyag, mamʉ degop iekhõr baaujim mag khai murua jʉrjʉ deephʉiyag ich deephʉinʉm ar. ¹⁴ Mamʉ mʉg wounau ich deu khĩrjʉg sierjõ pʉrauna ich dakhasim woun thoopʉimun ich deu khĩirjʉg sierjõ, magan pʉrajuaisim, ich mag maach Aai nemchaan thõojem arja mawiaja Ẽwandamau dau aukhauba, ich mag i meegau. ¹⁵ Mʉg eem khʉʉnau masdeemun ich aai gaija magbamun ich amit gaija maar chadcha thõophʉijú ayaasim. ¹⁶ Mʉg eem khʉʉnau pʉraumʉn woun mai perpʉimun, mai pʉraumun ich ithee, chi pʉrauthar thõophʉijú aisim. ¹⁷ Mʉg eem khʉʉnau ãkhãrãg iekhanʉm ich aayag magbamʉn ich amitag maar chadcha thõophʉijú ayaasim. ¹⁸ A mʉkhʉʉn wounaan jãaunum jũapau magbanʉm mokdau au magbanʉm mokhetau, magsim woun meebaamʉn mamʉ gai maachgau phuth ee kherumun; ¹⁹ mamʉ monauwia ich deu eu dʉrdʉrsimun padam dʉi, mag woun ich gai mas deethar arr; maawia maig mag wounau phagju ayaasim put ee sierr mag phagju ayaasim. Mamʉ mʉg woun iekhõn chukhusim õor thõog. ²⁰ Mʉg eem khʉʉnau ʉʉkhakhitʉm mas deemun papormie padenau magsim ʉkhakhitʉm meemun mag mas deetharrau igai, magan mag enkhõoi chadcha jũabʉrsu jʉayaasim. ²¹ Mamʉ mag ʉkhakhitʉm meebasimun khãi numi, chi i gai deetar jũabʉrjʉkhabasim, mamʉ ichta okhoojim ʉkhakhitʉm meetar awai. ²² Enkhõon jãunumua mai masdenʉm ʉʉi joonkhithum gai mag chai burbadenʉm, mamʉ bʉ̃rja athag masdeewawiaja amachta chi iekhon pomaam oojim, magan amach deuta phagaagau chi jaaiyau jausimjõ, amau phagagau paparamkhʉnau jau bãrmju.

²³ Chadcha pʉ mugai akhãragta wautar akhĩir, mʉa pʉ agjota akhajim, ²⁴ pʉa mʉ dau artharkhĩir agjo pʉ dau arpʉikhajim, mʉ khier khõreuthar akhĩir agjo mua pʉ khier khõreupʉi khajim, mʉ juau khõreuthar akhĩir agjo mua pʉ jua khõreupʉi khajim, bʉʉta khõreuthar akhĩir agjo bʉʉta khõreu pʉikhajim, ²⁵ agjo phatharrakhĩir agjo phaapʉikhajim, mugai jiriuthar amkhĩir agjo jiriukhajim, mai phus wautharr akhĩir agjo mʉ phus wauphʉkhajim. ²⁶ Mukhʉʉn emkhõoin jãunumua dau suphuimun ʉkhakhitʉm enkhõoi awiaja ʉʉi awiaja dau armun, magan mapijuayaasim ʉkhakhitʉm mamkhĩir iekhõrja chukhu maju ayaasim chi phagan aawai ich dau. ²⁷ Khierta jẽunpʉimun ʉkhakhitʉm enkhõoi awiaja ʉʉi awiaja, mapijuayaasim ʉkhakhitʉm mamkhĩir iekhõrja chukhu maju ayaasim chi phagan aawai ich khierrau. ²⁸ Chamʉg bueyau khachiu enkhõoi mai ʉʉikhaya thõophʉimʉn, chadcha mokau thõopuijũ aaisim chi buey, pod chi mod pod khojukhabasim; mamʉ chi khʉg buey dem iekhon chukhusim bʉʉrja. ²⁹ Mamʉ chi buey siejim oorag audʉag khachiu nawe mamʉ chi khʉgau jaunumja ʉrbasiejim maawei phaarja phaarbasiejim chi buey, magtha thõopʉijim enkhõoi mai agjo ʉʉija, magan chi buey mokau thõopʉinaan chi khʉʉgja agjo thõopʉinaan. ³⁰ Chi khʉʉgau jeusiejim phaagag chi thõotharkhʉʉr ich thõopimaugau, ich deu phagagau chi jeubarm. ³¹ Chi bueyau khachiu audʉmʉn mug woun i chaainag, magan chi khʉgau mug buey den wawagau ar ẽsap gai phasimjõ. ³² Chi bueyau khachiu audʉmʉn ʉkhasimʉg enkhõoyag awiajã ʉʉi awiajã, chi khʉgau mug buey deneu phagphʉagagau 30 siklon phatkhonau, mai chi bueyau mokau thõophʉyaagau. ³³ Mamʉ mʉg wounau jẽb di wʉisim, magbanʉm mʉg wounau ier wuipʉiwia thapbamʉn, mag ee buey, asno bʉʉrbaademun, ³⁴ chi wʉitarraau chi jẽb di magua phaagagau thootharawei phatkhonau chi khʉgag i neminam thõthar aawai makhʉʉn neminag thõothar ma idenau. ³⁵ Mʉg buey mʉg woun den mormachpa khaya dewan khʉʉn õor den ma meekhaya, magan amach deu perpʉiju aisi chi buey ĩusim mai jadachtha chi jeusimjo, mai amach agjo jadach chi thõorja agjo. ³⁶ Mamʉ khaphʉsiertha chi bueyau aʉdʉsimta khachiu nawe, chi khugau bʉrja pharphʉibasiejim, magan irua phagagau buey, chi thõor mai ĩʉsimua, ya mag chi thõog ich denau.