¹ Mukhʉnta i iewan thʉrau israel beetarkhʉn Egipto mʉa Jakob dʉi amach ãab dʉ phamilia dui: ² Ruben, Simeón, Levi, Juda, ³ Isacar, Zabulon, Benjamin, ⁴ Dan, Neftali, Gad mai Aser. ⁵ Thumwe Jakob dui matar khʉn total sesenta persona Jose Egipto siejim. ⁶ Mag Jose, thʉnwe ich namkhʉn mai thʉnwe jakhʉn nacham khʉn thõjieram. ⁷ Israelitas pien majieram chi dau jirjim, nempom iujieram en numero maig beejieram juapa theg an magwiui chi meger ipirpuijeram amach diu. ⁸ Mog rey chi iʉ phidkhajim en Egipto, da ab damua khaubasiejim José. ⁹ Irua Jaujim ich phõborag, "erpaba, Israelitas pienaan nempom werjom man khayau thegnʉm. ¹⁰ Piduthʉ, amdʉi khĩrjʉg wajaphata aagau, dewam khĩirjʉg jur awagau jakhʉrau nempom bau awag athe, man aaig bardʉg khá chemʉn, jakhʉn khaibam khun dʉi ãba keraimajʉ, khukhajuarau maan dʉi maig marau mag jẽb aupuajuarau" ¹¹ Magan amachta chi pomam kerajieram theg phidkham Khĩir Israelitas phõbor waujieram Pharaón athe: Pitón mai Ramses. ¹² Mag nʉm ee warag egipcio pienau theg aunum ee Israelitas warag baumajieram. Magsim ee Egipcios pien japhier najim israelitas pien owia. ¹³ Egipcios pienau israelitas pien phidkha pijieram. ¹⁴ Amach diu waupʉijieram amach achag phidag theg deejim (morteros maig ladrillos) mai khirpieram phidag dejieram igaucha thunwe phidkhajieram theg. ¹⁵ Mag rey Egiptomau iekhajim hebrea pien chanaupiejem Khʉn; am emkhʉn a apthʉrsiejim era Sifra, mai daab thʉrsiejim Puá. ¹⁶ Jagua Jaujim: "Parau amdʉi jubwei ʉʉi ebrea pien aai chaai awagpamai obat, emkhoi chaai amʉn thõpuyagau; ʉʉi khãr amun othomieth vivi pibat". ¹⁷ Mag chaain aupiejem khʉn japhier najim a Ẽwandam mag rey Egipto jautar ju awia ukhabajim: mag aukherjieram emkhoon chaain thõbajim. ¹⁸ Rey Egiptomau jaujim Chaain aujem khunag mag jim anaag: ¿ khan Jagwia mug waujiera mʉg Chaain baraam khʉn emkhõon thõbaji?" ¹⁹ Chaai aupiejem khʉnau ukhãjieram Pharaonag: "hebrea pien ʉʉi Egipcias pĩen ʉʉijʉ khãbasim jakhʉn ʉʉin awispau sithem chaai aujem bejʉ nawe aujeram jakhʉn ʉʉi". ²⁰ Ẽwandamua waidunajim mʉ khʉn chaai aujem khʉn jag phõbor nempom kerajim maig juapatheg kerajim. ²¹ Khan jagwia chaai aupiejem khun japhierjieram Ẽwandam, irua dejim chaain ĩrig dejieram. ²² Pharaonau jaujim thumam phõborag "Jakhun chaan thabu namkhun doee barkhagau ʉʉin khan peita monakha wenura piegau".