¹ Moises waaidujim Moad jẽb khʉthãab gai chi duurkhʉ Nebo anʉm aar, chi Pisga ʉʉgthãa den gai, chi mag Jerico khĩir simag. Maigmua ẽwandamua iriig ophijim chi jẽb Galaad den Dan waarphãgjo awie, ² maig thʉʉm Neftali den, maig chi jẽb Efrain den maig manase den, maigmua chi jẽb thʉʉm Juda den, chi dokhierr edau dʉugjem gar, ³ maig chi Neguev, maigmua chi jẽb khʉthãag Jerico den, chi phobor Palma den, chi Zoar waarphãgjo awie. ⁴ Ewandamua irig jaujim: ''Mʉg jẽbta deeju ajim Abrahanag , Isaag, maig Jacob, jaujim: Mʉrʉa deeju pʉ ewagan khʉn khodnaanag. Murau purig oopijim pʉch daubaucha, pog pʉ agarr mabaam''. ⁵ Maig Moises ẽwandam jũa choojem, mejiim mag jẽb Moab gaai, ich ewandamua jautarr jo awie. ⁶ Ewandamua beed pʉjim Moad jẽb khʉthãag gai Bet peor khĩirrphe, majã khauba nug jaampaita chi jẽbdi beedtarr sim mʉg eed. ⁷ Moises siejim sientobeinte ayos mag mebei; idau agatha thõba siejim, maig iijuaphaja agatha oobasiejim. ⁸ Chi Israel phobor miejim Moises athẽe Moad jẽb khʉthãag gai khaiju treinta, maigmua chi machaag Moises gaimu oojim. ⁹ Josue Nun iewa ẽwandam khĩirjug ausiejim, Moiseu i ʉʉm jũa ausitharr gaimʉa. Chi Israel phoborau i ʉʉrjim maigmua waujim ẽwandamua moiseeg jautharr jo awie. ¹⁰ Pog Moises joom propheta naan chukhʉʉn ajim mag eed Israel naan ee, ich ẽwandamua ãaba khĩir oojertharr. ¹¹ Pog ijoom propheta naan chukhʉʉn ajim mʉg oophiejer atharr maigmua wajaphan waujerr atharr Egipto jẽb gai, Faraon gai, maigmua thʉmaan khʉʉn ich jũa chogjer khʉʉn gai, maigmua ich jẽb thʉmaan gai. ¹² Pog ijoom propheta naan chukhʉʉn ajim ich pomam joo maigmua ʉʉkhʉʉn waurtarr Moiseu Israel daunag.