3 ¹ Sukum ɗuhay! Anja haŋ dum kúm tubiya kə tram mudubuna goɗhiy ŋgra məzliy ta. Vur kə sənaká le, sariya miya ná, asa funa sariya ŋgə məzliy mekeleŋhiy tubiya tə huma. ² Tubiya miya ira gam muŋgraŋ tə jiviɗ wal wal. Mbru məgi muŋgraŋ ta ahur miŋgiɓi naŋ ná, i mbru tikeʼle, məkutuʼa vú naŋ tubiya tatay. ³ Ira caka táŋ lejeŋ ŋgra pilishay avə mi, ɓa anja ɗuvaka miya hərəŋ, ɓa i ram taŋ i liŋ miya məwuɗám le bám. ⁴ Wulkaka ɓí ŋgə papalamhiy ma; koo da taŋ madaɗaŋhiy mbriké, yo himiɗ gəgəɗáŋ ara huka taŋ ko ná, məɓulá papalamhay ara kukuraka taŋ tə gaŋday miciɗek, ara ram taŋ, há i liŋ táŋ məwuɗám bám. ⁵ Irne ko naŋ kəna ya. Naŋ miciɗek,amá ara kuw ŋge ɓí mi məsi madaɗaŋhay. Puraka so, avu tis kine a wura ɓuh madaɗaŋ kərnet. ⁶ Irne ŋgə mbru tətraŋ ko ná, naŋ kaɓa avu. Naŋ i liŋ ŋge kus ŋge goɗ lambahiy ahur vú ŋgə mbru tubiya. Ara gaŋ dili ŋgra vú miya tubiya. Ara njuvuɗa zuma siifa ŋgə mbru kuɗup; vur náŋ ko ná, geblem ŋgə avu a njuvuɗa le. ⁷ vur hən bám, bru ara kutuʼa sukuy ŋgə goɗ ŋgə ɓuháy, ŋgə ɗiyuwhay, goɗ ŋgə məram tə kociyhay atə kilifhiy tubiya. ⁸ Amá irne ná, mbru məkutuʼa tatiy anita. Naŋ mézleŋta haɗiy, a kutiʼi vú ta; naŋ mənəhaŋ mbef tə muwáŋ məkəɗ vú vagay. ⁹ Ira gakaŋ sise ŋgra Buy miya atə Cine miya tə naŋ, yo məzliy Bimulvúŋ məndəra taŋ, məbám vú atə naŋ ma ná, ira nəsaka taŋ tə naŋ ma. ¹⁰ Balám pal nana, ara boodi mi ŋgə ga sise atə ŋgə nəsa vú. Sukúm ɗuhay, a bivú anja a tri ká hana ta. ¹¹ yam ndum atə yam tuwak a boko vri viɗiviɗi pal ta. ¹² sukum ɗuhay, uruf a yi jaytun ko? Data ko ná, inabohi a yi uruf ko? Naŋ kəna ya, viɗiviɗi məɓulo yam ndum atə tuwak ná, anita. ¹³ Mbru məsi siŋjulíŋ, tə alesl awuzla kúm ná, i wa ka? Anja bugaŋ ahur cəfi naŋ mézleŋ, tə gí slra ahur həna ay atə sinjuliŋ. ¹⁴ Amá da kúm tə suluŋ tásl tásl atə tərá vú ahur mevel kúm ná, anja kə zlupam tə hərəŋ kumhiy ta, kənja ŋgəzlaká ɓí ŋgə jiire tə slər ta. ¹⁵ sukuy ŋgə sinjuliŋ nana a só paɗ vra muŋ ta, a só vravə wulək ŋgə mbru, vravə kuluhay. ¹⁶ Vur i liŋ məsi a məlumaka suluŋ atə tri araŋ ná, a lumaka wusha ay atə slra lamba mekeleŋhiy tubiya araŋ ma. ¹⁷ amá sinjuliŋ məsó vra muŋ ná, tumbuŋ tumbuŋ naŋ ná, naŋ babaraŋ caray. Ara soodi zuy, juma ay, ɗuva hərəŋ, naŋ mənəhaŋ tə pura ircece, ara gi slra mézleŋhay, a wini məzliy ta, naŋ tə kociy tuʼuf ta ma. ¹⁸ Hulfa ŋgə jiire ná, i məjuma ŋgra məzliy məra zləgakaŋ ahur cəfi zuy zuy.