¹ Jehova wakambula aMozesi, kuti, ² "Na umwi wanu wabisya akutasyomeka kuli Jehova akubisya munyika zyendelana azimwi zichitwa akusyomeka, na kusigwa mukubambwa kwakwe, azimwi ezyo zyakabbidwe, na kuti kupenzegwa ababunyina, ³ naa wajanika kuti basimayake nyina wasowa akubeja anchicho, nikuba kukonkezya zyakubeja kuli zezi zintu muntu unoli wabisya, ⁴ aboobo kuti wabisya alimwi wajanwa kali amulandu, uyelede azibozye zyoonse nzyakabbide akutola achanguzu, azezyo nzyakapedwe, azezyo zyakaswekede nzyakajana. ⁵ Kukuyungingizya akuli zimwi zintu nyakonka zyakubeja, uyelede kuzibozya mubuzwide kuyungizya chisela chimwi chamusanu wabulemu bwacho akubbadala kuli ulaacho mubuzuba obbombwajanwa kalamulandu. ⁶ Alimwi ulelede kweta chipaizyo chazibi kuli Jehova, amwana wambelele utakwe kapenda kuzwa mubutanga buli abulemu bwendelana achecho chindi, mbuli chipo chazibi kumupaizi. ⁷ Mupaizi uyochipeda kuli Jehova, aboobo uyolekelelwa kuzibi zyoonse nzyakachitide." ⁸ Mpawo Jehova wakambula a Mozesi, kuti, ⁹ "Wambila Aloni abana bakwe balombe, kuti, ''Echi ngumulawo wachipaizyo chakutenta: Chipaizyo chakutenta chelede kubikwa mubbila lyamulilo busiku boonse mane doo kuseni, aulawo mulilo wachipaililo unokkede kuyaka. ¹⁰ Mupayizi ulazwata zisamo zyakwe, ulazwata chibbudula kunsi azisamo. Kanobweza itwee linochala mumulilo niwanotenta chipayizyo chakutenta, ulelede kubikka itwe kumbali. ¹¹ Uyelede akkulule chikobela chakwe akuzwata chimbi chikobela kuti atole itwe anze alubuwa luyayidwe. ¹² Mulilo kuchipayilio unokkede kuyaka. Tuyelede kuzima pe, alimwi mupayizi unotenta nkuni kuseni abuzuba abuzuba. Ulelede kubamba chipayizyo chakutenta chelede, alimwi ulelede kutenta alinchicho amafuta azipayizyo zyalumuno. ¹³ Mulilo uyelede kuti kukkede kuyaka lyoonse achipayililo. Tuyelede kuzima pe. ¹⁴ Oyu ngumulawu wazilyo zyachipo. Bana balombe ba Aloni balazitola kunembo lya Jehova kunembo achipayililo. ¹⁵ Lino mupayizi agwisye inkankamanza yabusu bunante bwafulawa bwachipayizyo chabusu achamafuta atununkilizyo tuli achipayizyo chazilyo, azitente atala achipayililo kuti tugwisye myunde inunka kabotu kuti twiminine chipayililo. ¹⁶ Aloni abana bakwe balombe belede kulya zyoonse zili buti zichala kuchipayizyo. Zyelede kuligwa kakutakwe bumena mubusena busalala. Belede kulinda anze alubuwa amatente akubunganina. ¹⁷ Tazyelede kujikwa abumena pe. Ndobapa mbuli chipanzi chachipayizyo changu chilundidwe amulilo. Chilindilide kusalala, mbuli chipayizyo chazibi achipayizyo chamilandu. ¹⁸ Woonse mwalumi akati kanzubo zya Aloni ulelede kuzilya, mbuli mbukwambwa lyoonse kumazyalani ako, zyabwezwa kuzwa kuchipayililo chamulilo zyakachitilwa Jehova. Kufumbwa uchijata anga waba musalali."' ¹⁹ Lino Jehova wakambula lubo aMozesi, kuti, ²⁰ "Echi chipayizyo cha Aloni abana bakwe balombe nchibayotula kuli Jehova mubuza umwi mwana nananikwa: chipanzi chakkumi chachisuwo chabusu bunante mbuli mbukuchitwa kale chipayizyo chabusu, chisela chabo kuseni a chisela chimwi goko. ²¹ Chiyochitwa amafuta mumpani yakujikila. Na chabizwa, mucheete mukati, kachikwamwidwe mukape chipayizyo chabusu kuti chikagwisyw mweema ununka kabotu kuli Jehova. ²² Mwana amupayizi mupati oyo uyanda kuba mupayizi mupati akati kabana ulelede kuchipayizya. Mbuli mbukwambidwe lyoonse, zyoonse zyelede kutentelwa Jehova. ²³ Zyoonse zipayizyo zyakutenta zyabusu zyabapayizi ziyomanina kupya. Tzyelede kuligwa pe.'' ²⁴ Jehova wakambula lubo a Mozesi, kuti, ²⁵ ''Wambila Aloni abana bakwe balombe kuti , 'Oyu ngumulawo wachipayizyo chazibi: Chipayizyo chazibi chelede kujeelwa awo abusena chipayizyo chakutenta mpuchijeeledwe kunembo lya Jehova. Chilasalalisya bwindilide. ²⁶ Mupayizi uchipeda kuchibi ulelede kuchilya. Cheledwe kulidwa mubusena busalala mulubuwa lwatente lyakubunganina. ²⁷ Kufumbwa chilibuti chiguma nyama chilasalazigwa, na bulowa bwaguma chikobela, uyelede kuchisanzya, kubbazu nkuchasansilidwe, mubusena busalala. ²⁸ Pesi kalongo muchalikujikilwa kelede kupwayigwa. Na chajikwa muchilongo chamukkuba, chelede kupalwa akusanzigwa amanzi anjoloma. ²⁹ Kufumbwa mwalumi akati kabapayizi ulelede kuchilya nkambo chilasalalisya. ³⁰ Pesi chipayizyo chazibi chilabulowa bweetwa akati katente lyakubunganina kuti balekelelwe mubusena busalala tachelede kuligwa pe. chelede kutentwa.