¹ Uno we uputukilo wasango lipema lya Yesu Kilishitu, mwe mwana wa Zambi. ² Ngwechize chinasonewa kuli Ayisaya kapolofeto, '' tala yami ngunatumu kanganda kami kulutwe lya meso je, yoze yiye makalulika jila yiye makalulika jila ye kulutwe lye. ³ Liji lya yoze unakolojoka mupuya, ngwo lulikenu mujila ya mwene!'' ⁴ Yowano wejile, wapapachishile mupuya nyikwambujola upapachiso wa ukonekeno wa shili. ⁵ Chifuchi cheswe cha yundeya nyi eswe akwa Yelusalema atuhukile kuli yiye. Eswe apapachishile mukalwiji wa Yodawu, ayo te kanashikisa milonga yo. ⁶ Yowanu wazalile mazalo awona wa kamelu nyi muya wa lambu kujingilika mu zalilo yenyi, nyi kulya chenyi Makumbi nyi Wuchi wamumusenge. ⁷ Aye wambujolele ngwenyi, ''wumuwika kumeza kunyima yayami yoze wahyana yami; lusapo wakuhako jenyi chatambile kumika nyi kumujitula. ⁸ Chamwenemwene yami hinanupapachisa mumeya alyoze yiye makanupapachisa Shipilitu Musandu.'' ⁹ Chasolokele ha matangwa waze Yesu wejile kukatuka ku Nazale, limbo lya mu Galileya, yamu papachisa mu Yodawu. ¹⁰ Hazehene hakutuhuka mumeya, yamona malilu akwazuluka nyi Spilitu Musandu ngwe katele kanakahulumuka hali yiye. ¹¹ Liji lyejile mumalilu ngwo, ''yena uli mwanami. Nakuzanga chikolo, muliyena ngunawahilila.'' ¹² Mba hazehene Shipilitu Musandu yamushinjikila mu puya. ¹³ Yiye wapwile mupuya matangwa makumi awana. amwesekele kuli Satana. Wapwile hamuwika nyi ngongo; nyi angelo amukalakalile. ¹⁴ Muze te Yowano hamukasa muzuwo lya ufunge, Yesu wejile mu Galileya nyi kwambulula sango lipema lya wanangana wa Zambi. ¹⁵ Ngwenyi, ''mwaka wunamanunuka, wanangana wa Zambi hiwakundama. Likonekenenu nufulyele sango lipema.'' ¹⁶ Muze apwile nyi kwenda kusesa lya chitende cha Galileya, yamona Semone nyi mwanakwo Andelewu kanatela lyoji mu chitende, mumumayo apwile akwakuta yishi. ¹⁷ Yesu wambile kuli ayo, ''tweyenu, ngukawulenu mba mungunupwisa akwakutela atu.'' ¹⁸ Hazehene yahichika moji jo, yamukawula. ¹⁹ Yesu hakusenya hakehe kulutwe, yamona Tiyangu mwana Zebedewu nyi mwanakwo Yowano mu ulungu nyikukasa moji jo. ²⁰ Hazehene yatambika nyi ayo yahichika tato Zebedewu mu ulungu hamuwika nyi ngamba, yamukawula. ²¹ Mba anjilile mu Kapenamu, ha tangwa lya sambata, Yesu wanjilile mu sunangonga nyi kulongesa. ²² Ayo alishimwokene ha longeso lyenyi, mumu kalongesele ngwe umwe uli nyichiyulo hi ngwe alongeshi ali nyichiyulo. ²³ Mba hazehene musunangonga yo mwapwile umwe lunga mukwa mahamba. Wakololokele, ²⁴ ngwenyi, ''Yetu nyi yena tekuchi Yesu kanazale? Uneza nyikutwenyeka nyi? Ngunakunyingika. Yena mwana Zambi musandu!'' ²⁵ Yesu yatenukina hamba ngwenyi, ''hola kulu! Utuhuke muli yiye. ²⁶ Hamba wamulimbwile hashi nyikutuhuka muli yiye nyikulila nyiliji lyakukololoka. ²⁷ Atu eswe yalikomokena, yalihula umwe nyimukwo ngwo, '' chino chika? Longeso lino lyaha lya chiyulo! Mumu mahanjika kuli mahamba kana mwononokena. ²⁸ Lufuma wenyi wayile chifuchi cheswe cha Galileya. ²⁹ Muze te hatuhuka mu sunangonga, yanjila muzuwo lya semone nyi Andelewu, hamuwika nyi Tiyangu nyi Yowano. ³⁰ Acho nayeweno wa Semone kanapombo nyi kachiki, hazehene yamwambulwila yikola yenyi. ³¹ Yesu wejile, wamukwachile ha kwoko lyenyi, nyikumuhindwisa; nyikachiki yamukatuka, mba waputukile kwazachila. ³² Chize chingoloshi hakunjila chatangwa, yaneha kuli yiye mweji eswe nyi waze apwile nyi mahamba. ³³ Limbo lyeswe yakungulukila kuchikolo. ³⁴ Yiye wawukile miyeji anji nyi misongo yeka nyi yeka, yatuhwisa mahamba anji, mba kakatayijishile mahamba kuhanjika mumu kamunyingikine. ³⁵ Hachimenemene shimbu kuchili milima; yahinduka, yaya kuma kumwe kufwashi yawukawenyi walembele. ³⁶ Semone nyiwaze apwile hamwe nenyi yamukawula. ³⁷ Yamuwana nyikwamba kuli yiye ngwo, '''atu eswe kanakufupu.'' ³⁸ Yiye yamba kuli ayo, tuyenu kweka kuyihunda kweka yakulisulangana, hanga tukambujoleko nawa; mumu hachino chechuma hingunejila. ³⁹ Yiye yanjila mu chihunda cheswe lya Ngalileya, nyi kwambujola sango lipema mu masunangonga nyi kutuhwisa mahamba. ⁴⁰ Mukwa mbumba wejile kuli yiye. Walyumbele hashi ngwenyi, '' nyi unawahilila, muhasa kungu pemesa. ⁴¹ Yesu yamuvwila keke, yolola kwoko lyenyi yamusa minwe ngwenyi, ''ngunawahilila.'' pwako mupema! ⁴² Hazehene mbumba yamukatukile, nyiyiye yapwa mupema. ⁴³ Yesu yamukanyamisa chikolo mba yamwecha. ⁴⁴ Ngwenyi, ''kanda ukamba nyichimwe kuli nyimweumwe. Alyoze yako ukalisolole kuli sasendote ukalambule ha ku kupemesa cha chize mose hanambe, chikapwe shindakenyo kulli ayo. ⁴⁵ Alyoze hatuhuka, yaputuka kuchambulula chinji che chuma, chocho yesu kahashile kujila mulimbo nyikuheta kumeso ja atu nawa,alyoze wapwile haze mupuya, atu apwile nyi kwizaza kuli yiye aku malumbu kweswe.