¹ Sabab, aku kakan hanyu karasa betapa weate perjuangan sa haot aku ulah ga hanyu, di pahengau here sa naan ta Laodikia, di ga kaluhan ulun sa mete pahindra panalu rai pahengauku. ² Tujuan ayelah supaya atei here ta hibur dipersatukan huang kasih sahingga here naan sagala kekayaan sa berasal neke jaminan mat pengertian di pengetahuan neke rahasia Allah, aye hio Kristus laerai. ³ Huang aye, naan sagala harta neke hikmat di pengetahuan. ⁴ Aku ngawara hal ina supaya bakoi naan ulun sa akan ngakal hanyu pahengau perdebatan sa karengeie suluk akal. ⁵ Sabab, meskipun tenga jasmaniku bakoi naan sasamehnu tapi aku sasamehnu huang Roh, di aku basukacita ngini kedisiplinannu sa maeh di keteguhan imannu huang Kristus. Taruslah Mangikuti Kristus Yesus ⁶ Jari ulah hanyu haot manarima Yesus Kristus sabagai Tuhan, welumlah tarus huang aye. ⁷ Bawakat di melelah tengannu huang Aye, kuatkan imannu sabagaimana telah naajarkan ga hanyu, di melimpahlah pahengau ucapan syukur. ⁸ Bahati-hatilah supaya ada naan saisa pun sa manjarat hanyu pahengau filsafat sa lawang di manyasatkan, sa barasal hengke tradisi marasia-marasia di asas-asas Roh dunia, di bakoi prinsip-prinsip Kristus. ⁹ Sabab, huang aye marene kaluhan kepenuhan ilahi sa welum huang bentuk jasmani. ¹⁰ Hanyu haot jari penuh huang aye, sa ayelah ulu entu kaluhan pemerintah di panguasa. ¹¹ Huang aye, hanyu jua nasunat, bakoi pahengau sunat sa naulah oleh tengan marasia tapi pahengau sunat sa naulah Kristus, aye hio pahengau memotong tenga daging sa bardosa. ¹² Huang baptisan, hanyu na ugang sasameh pahengau Kristus, di jua nabangkitkan sasameh-sameh pahengau aye nangkah imannu huang kuasa Allah sa mambangkitkan aye neke antara ulun matei. ¹³ Walaupun wayah hanyu matei huang palanggaran-palanggarannu di huang kadagingannu sa bakoi basunat, Allah ngulah welum sasameh-sameh pahengau aye sa haot mangampuni kaluhan pelanggaran takam. ¹⁴ Aye haot mambatalkan surat utang di aturan-aturan tuntutannya sa mahalangi hubungan pahengau Allah di takam aye haot ngalape pahengau memakukane ta entu kayu salib. ¹⁵ Aye melucuti para pamarintah di panguasa lalu manjari here tontonan sa nampamangan ulah karena kemenangan-E ta entu kayu salib. Ada Umba Aturan-Aturan Sa Naulah Marasia ¹⁶ Ulah hio, ada ngabiarkan saisa pun menghakimi hanyu pahengau masalah panguta di ngo'ot atau andrau raya keagamaan, perayaan wulan wao atau andrau sabat. ¹⁷ Kaluhan hio ayelah bayangan tentang hal-hal sa akan hawi tapi wujud sa bujure ayelah Kristus. ¹⁸ Ada ngabiarkan ulun sa sanang pahengau kerendahan atei sa palsu penyembahan ga malaikat-malaikat mahakimi hanyu, here ayelah ulun-ulun sa suka pahengau penglihatan hal-hal detail sahingga ngulah pikiran here sa sombong ulah gagasan-gagasan duniawi. ¹⁹ Ulun sademikian bakoi batategei teguh ta ulu-ulu ayelah sa manopang kaluhan tenga, di kaluhan tenga natampaisa oleh sandi-sandi di otot-otot kaluhan e bertumbuh pahengau pertumbuhan sa barasal neke Allah. ²⁰ Jaka sasameh Kristus hanyu haot matei tahadap asas-asas dunia, wahinon saolah-olah hanyu masih jari milik dunia, tunduk pada aturan-aturan sasameh. ²¹ Ada nategei, ada naingkam, ada nategei. ²² Aturan ina kakan binasa udi naikuti, ulah hio naulah berdasar aturan parintah ajaran marasia. ²³ Aturan-aturan sameh hio memang saakan katena bijaksana pahengau menonjolkan ibadah sa berpusatkan ga tenga laerai di karendahan atei sa palsu di penyiksaan tenga. Amun kaluhan hio koi naan nilaie salain mat memuaskan kedagingan.