^{1 2} 1Nagsao manen ni Yahweh kada Moises ken Aaron. Kinunana, 2"Masapul nga agkampo ti tunggal kaputotan ti Israel iti aglawlaw ti pasetna kairamanan ti bandera ti kapuonanna. Masapul nga ipatakder dagiti tattao dagiti toldada iti nadumaduma a disso nga lawlawenna ti tolda ti gimong. ^{3 4} 3Masapul nga agkampo iti bunggoy ti armadada ti Juda iti pasetda iti disso a pagsingsingisingan ti init ti tolda ti gimong. Masapul nga idauloan ni Naason nga anak a lalaki ni Aminadab ti armada ti Juda. 4Addaan ti armada ti Juda iti 74, 600 a lallaki ^{5 6} 5Masapul nga agkampo dagiti tribu ti Issacar a sumaruno iti Juda. Masapul nga idauloan ni Netanel nga anak a lalaki ni Suar ti armada ti Issacar. 6Addaan ti armada ti Netanel iti 54, 400 a lallaki. ^{7 8} 7Masapul nga agkampo dagiti tribu ti Zabulon a sumaruno iti Issacar. Masapul nga idauloan ni Eliab nga anak a lalaki ni Helon ti armada ti Zabulon. 8Addaan ti armada ti Zabulon iti 57, 400 a lallaki. ⁹ 9Ti bilang dagiti amin nga armada a nagkampo a kadua ti Juda ket 186, 400 a lallaki. Masapul nga isuda ti umuna a rumuar iti kampo. ^{10 11} 10Iti abagatan a paset ket iti kampo ti Ruben. Masapul nga idauloan ni Elizur nga anak a lalaki ni Sedeur ti armada ti Ruben. 11Addaan ti armada ti Ruben iti 46, 500 a lallaki. ^{12 13} 12Masapul nga agkampo dagiti tribu ti Simeon a sumaruno iti Ruben. Masapul nga idauloan ni Selumiel nga anak a lalaki ni Zurisadai ti armada ti Simeon. 13Addaan ti armada ti Simeon iti 59, 300 a lallaki. ^{14 15} 14Ti tribu ti Gad ti sumaruno. Masapul nga idauloan ni Eliasaf nga anak a lalaki ni Deuel ti armada ti Gad. 15Addaan ti armada ti Gad iti 45, 650 a lallaki. ¹⁶ 16Ti bilang dagiti amin nga armada a nagkampo a kadua ti Ruben ket 151, 450 a lallaki. Masapul nga isuda ti maikadua a rumuar iti kampo. ¹⁷ 17Ti tolda ti gimong ket masapul nga mairuar manipud ti kampo ket dagiti kaputotan ti Levi ket masapul nga adda idiay tengnga. Agmartsanto dagiti Israelita iti isu met laeng nga urnos a panangserrek da ti kampo. Ti tunggal maysa ket adda iti bukodna a disso babaen ti bukodna a bandera. ^{18 19} 18Masapul nga agkampo ti tribu ti Efraim iti laud a pasetna. Masapul nga idauloan ni Elisama nga anak a lalaki ni Amiud ti armada ti Efraim. 19Addaan ti armada ti Efraim iti 40, 500 a lallaki. ^{20 21} 20Masapul nga agkampo ti tribu ti Manases a sumaruno iti Efraim. Masapul nga idauloan ni Gamaliel nga anak a lalaki ni Pedasur ti armada ti Manases. 21Addaan ti armada ti Manases iti 32, 200 a lallaki. ^{22 23} 22Ti tribu ti Benjamin ti sumaruno. Masapul nga idauloan ni Abidan nga anak a lalaki ni Gideoni ti armada ti Benjamin. 23Addaan ti armada ti Manases iti 35, 400 a lallaki. ²⁴ 24Ti bilang amin dagiti armada a nagkampo a kadua ti Efraim ket 108, 100 a lallaki. Masapul nga isuda ti maikatlo a rumuar iti kampo. ^{25 26} 25Masapul nga agkampo iti tribu ti Dan iti amianan. Masapul nga idauloan ni Ahiezer nga anak a lalaki ni Amisadai dagiti kaputotan ni Dan. 26Addaan ti armada ti Dan iti 62, 700 a lallaki. ^{27 28} 27Masapul nga agkampo dagiti tattao ti tribu ti Aser a surunuen na ti Dan. Masapul nga idauloan ni Pagiel nga anak a lalaki ni Okran dagiti kaputotan ni Aser. 28Addaan ti armada ti Aser iti 41, 500 a lallaki. ^{29 30} 29Ti tribu ti Neftali ti sumaruno. Masapul nga idauloan ni Ahira nga anak a lalaki ni Enan dagiti kaputotan ni Neftali. 30Addaan ti armada ti Neftali iti 53, 400 a lallaki. ³¹ 31Ti bilang dagiti amin nga adda idiay kampo kairamanan ti Dan ket 157, 600 a lallaki. Rumuarda nga maudi manipud idiay kampo nga awit-awitda ti bukodda a bandera." ^{32 33} 32Dagitoy dagiti kaputotan ti Israel a nabilang segun ti puli dagiti kapuonanda. Amin dagidiay nabilang iti kampo segun ti grupo ti tunggal maysa ket 603, 550. 33Ngem saan nga inbilangda dagiti Levita kadagiti tattao iti Israel. Daytoy ket kas imbilin ni Yahweh kenni Moises. ³⁴ 34Inaramid dagiti Israelita amin a banag nga imbilin ni Yahweh kenni Moises. Nagkampo ti tunggal tribu babaen ti bukodna a bandera ket nagluasda segun ti tribu ken pamilya a nagtaudanda.