¹ Uku kwamba ukwa mazgu aga yesu chirisyu, umwana uwa chiuta. ² ngati mo vilembechiye nu yesaya umu profeti, '' yennya nkhutuma inthumi yane pa minso gako, umunthu uwakuwara ukuyannya inzira yako. ³ ichongo icha munthu uwakukolomoka munkholongo, yannya inzira iya fumu, goloska inzira zgakwe, ⁴ Uyohane akinza, akawabatizgaga awanthu munkholongo nukupalazga uwubatizo uwakulapa nukugowocheleka ku mbiwi, ⁵ insi yonsi iya yudeya na wanthu wonsi awamu yerusalem wakafuma kunzi kwa wuyo. wakababatizgika na wuyo mwijenje ilya yolodani, nukulapa izgakwananga zgawo. ⁶ Uyohane akazwalaga ameya agabunda akazwalagaso ulamba uwachipapa mulukowa, po akalyanga na wamakantha nu wuchi uwwamunkholongo. ⁷ po akapalazgaga ukut, yo akwinza pantanzi zgane mukulu ukuluska ine, wo nthakwenelera nukusindama pansi ukusatula indyato zgakwe. nawababatizga na minzi, ⁸ uwene akwinza ukuwababatizga nu muzimu umuzeru. ⁹ Vikachitika mumasiku gara ukuti uyesu akafuma mu nazarete mugalireya po akababatizgaika nu yohane mwijenje ilya yorodani. ¹⁰ nge uyesu afuma mu minzi akennya kumwanya kukiguka, po umuzimu ukisichira pa uyo ngat nkhunda. ¹¹ Inzwi likafuma mu mwanya , we mwana wane uwakutemweka. nkhokundwa sana niwe. ¹² Po umuzimu ukamusunchigza uyesu ku mayiyo. akawa ku mayiyo amasiku fote nukjyezgeka nu satana. ¹³ akawa ni nyama izgamunkholongo po awangero wakamusunjilira. ¹⁴ Uyohane nge wamwigalira mu gadi, uyesu akinza mugalireya ukuparazga amazgu aga chiuta. ¹⁵ akalanda inyengo yakwana po uwufumu uwwa chiuta wwasenjerela nghanamuchi mumoyoyo ginyu ni kuvwana nivangeli. ¹⁶ Nge akujenda uluwazu ulwa nyanja ya galireya, akenya usimoni nu andileya umukulu uwa simoni wakasumbilaga ineti mu nyanja, chifukwa wakawa wanthua awakulema inswi. ¹⁷ uyesu akanena ku wawo zaji ndandatine, inti imbapanje imwe ukuti mulowaje awanthu. ¹⁸ po mwaluwilro luwilo wakaleka ivilepa vyawo nu kumulandata uyesu. ¹⁹ Nge uyesu ajenda kalimphi akenya uyacobeumwana wa zebediya nu yohane umukulu wache wakawa mu mwwato wakagambikaga ivilepa. ²⁰ Uyesu akawitizga po wakamuleka uyise wawo mu mwwato poka na wambombo wo wakalembeka ukuti wamulandate. ²¹ Nomba po wakinza ku kapenamu, po pasabata uyesu akinza mu tempile nukuwasanbizga, ²² wakazizwa ni chisambizgo chakwe, chifukwa akasambizgaga nichikanga sana ukuchila awalembi ²³ Mmukawa umo wo akawa nu uzimu umuwiwi akalira sana akati, ²⁴ tungawomba choni nuwe yesu waku nazareti ? ka winza ukuti ukutunangannya uswe? nkhukumanya iwe we muzela uwachiuta. ²⁵ uyesu akawulamula nukuti, puma fumamo mu munthu uyu. po ²⁶ umuzimu umuwiwi ukamugwiska pansi, nukufumamo mwa wuyo nukukolomoka ninkhoro ikulu sana. ²⁷ Awanthu wonsi wakazizwa po wakawuzgana kuti choni ichi,?ichipya nicha mazaza, ikulamulira mumizimu imbiwi yope yikumuvwira. ²⁸ po uwulumbiri wakwe ukajenda ukaya konsi ku galireya. ²⁹ po wakati afuma mu tempile wakinza munyumba ya simoni nu andireya, poka nu yakobe nu yohane. ³⁰ nomba unyina vyala uwa simoni akagonaga uwakuwina ni nzegema, po wakamuwuzga uyesu izgamwanthanda. ³¹ po akinza akamulema panyowe po akamunyamusya po uwuwine wukamulekazga po akamba kumuwombela. ³² Ichamawwira chira nge izuwa lyinjira wa nimizimu imbiwi ³³ akakaya konsi kakawungana pa muryango. ³⁴ akachizga awinji wo wakawina ni ndwara izgakupambanapambana nukufumya mizimu mbiwi inyinji ukwene atakitichizga ukuti imizimu ilandeko chifukwa yikamumanya. ³⁵ Akanyamuka inzantchi sana nge kachili kawusiku akanyamuka nukujenda ³⁶ ku simoni nawo akawa nawo wakamulondolaga. ³⁷ wakamwaga po wakati kwa wuwo wonsi wakukulondola. ³⁸ Akalanda zaji tufumepo apa yujende mutwaya to tuzunjiliye amalo aga umwakuti imbare imphalazgeso kope chochifukwa nkhafumila ukwinza uku. ³⁹ akajenda monse mu galileya nukuphalazga muma tempire nukufumia amazimu mawiwi. ⁴⁰ Uwamambombo akinza kwa wuyo . akamulawaga akafugamila kwa yesu nukunena nanthi munganza munganzelufya, ⁴¹ pakumufwila uwwila uyesu akagoloska inyowe nukumukwafya, akanena kwa wuyo ,nkwanza. zelupa, ⁴² mwaluwiroluwiro sana amambombo gakamara, po akazelupa. ⁴³ uyesu akmusoka sana nukumufumya mo. ⁴⁴ akanena kwa wuyo uwe nu unenesyo utakalande nakumo kweni jenda uwale uyilongozge kwa mulisya po uwale utwale ukuzelupa kwako vyo umoses akalajizga ukuti viwe chisimichizgo ku wawawo. ⁴⁵ Ukwene akafuma nukwamba kupharazga sana nukunena amazgo ago po uyesu akaleka ukwinjilaso mukaya pa uzeru kweni akikalaga kunzi mumalo agamutwaya, lori pope awnthu wakinzaga konsikonsi