¹ Ukalata uwakwamba nkhalemba, wateyofilo, wakanena vyonsi vyo uyesu akamba ukuwomba nukusambizga. ² Mupaka isiku lyo akasendekaga nge apochera amalango kufuma ku mzimu uzeru, awasambili wo akawasenda. ³ Nge anyozeka, akawara ayilayizga weka nivisimichizgo inyinji ivyakuwakopa. pa manda fote akawalorechera nukulanda ivya ufumu uwwa chiuta. ⁴ po nomba pakuwungana nawo, akawalamulira ukuti watakafume mu yelusalemu ukwene ukuti walindilire ipangano ilya baba pavyo akanena. ⁵ Uyohane nadi akababatizga naminzi, lori amanda agakuchepa mukwinza kubabatizgika nu muzimu imuzeru. ⁶ wakati wawungana poka po wakamuuzga wakati, we mufumu fwandi yonyengo wande uwwezezgeko uwu fumu ku isilayero,,? ⁷ Akalanda kuwawo, chite kwimwe ukumanya inyengo pamo imphindi, yapanzire weka na maka gakwe. ⁸ Mukwinza ukupochela amaka po umuzimu uwuzeru winza wafika pimwe, mukwinza ukuwa mwe wakaboni mu yelusalemu, namonsi mu yudeya na musamaliya, nakuwumaliro uwwansi. ⁹ Nga alanda wunuwo uyesu, po wakennyaga akukwera akuwala kumwanya, akazgikika kuminso gawo na mawingo. ¹⁰ Wachili wakwenerezga ku mwanya mwa ma buchibuchi wakenya awanthu wawiri, wimiliye papipi na wawo wazwaye ivizeru. ¹¹ Mwe wanthu wamu awamugalireya chonicho mwimiliye apa mukwennya ku mwannya,,? uyesu wo mukumwennya uyu akukwera ku mwanya akwinza ukwinzaso mo mukumwennyezga akukwera kumwanya. ¹² po wakagaluchila kuyerusalemu ukufuma kwi gamba ilya OLIVE lyo lili papipi nu yelusalemu, ukawa uwulendo uwwa pa sabata. ¹³ Nge wafika wakawa muchipinda icha pamwanya mo wakikalanga. upetulo, uyohane,yakobe, andileya, filipu, tomsi, batumeyo, mateyo, yakobe mwana uwa Alufeyo, simoni nu yuda, umwana uwa yakobe. ¹⁴ Wonsi wakayitwara ni nifundo yoka pakuyiputa na wanthanda, umaliya unyina wa yesu na wakulu wakwe. ¹⁵ Mumanda gala upetulo akimilira pa wakamu wakwe , 120 amazina po akalanda, ¹⁶ Mwe wakamu wane, chikawa chakwenerera ukuti amazgu gafiskiche, ukuti umuzimu umuzeru usurandikwe mumulomo uwa deveti ukuwafyana nu yuda wakalongozga wo wakamulema uyesu. ¹⁷ Uyuda akawa wa wamo wo wakapochera kamo pa mbombo yira,, ¹⁸ Nomba uyuda uyu akakala umugunda ni ndalama zgo akapochera nge amupeleka uyesu ku walwani. po akati apanga ichi amanya ukuti ananga, akayisumba pansi nukufichila itwe nukupuntha akati, namala gakafuma kunzi. ¹⁹ Wonsi wo wakikalaga mu yerusalemu wakamanya ichi, po muchilandilo chawo wakawita umugunda AKELIDAMA chochikung'anamula ukuti,, umugunda uwa dawa. ²⁰ Ngati mo vilembechiye mu masalimo leka umugunda uwu wuwe wakufumiskikako pataweso yumo uwakwikalako. paweso yumo asende uwudindo wwakwe. ²¹ chikwenerela, po nomba woka awanthu wo tukawanga nawo afumilepo panyengo yo uyesu akawa poka nuswe. ²² Ukwamba pa ubatizo uwa yohane ukwinza ukufika pa nyengo yo akafumilako kwiswe po swe wakaboni nukuzguka ukwa yesu khirisitu. ²³ Wakawika awanthu wawiri, panthanzi uyosefe akitwaga balasabasi, wakitwagaso yusito, nu matiyasi. ²⁴ wakayiputa nakuti, WE chiuta mukutumanya swensi imyoyo yitu, landa kwiswe pa wanthu wawiri awa wo mwasewa. ²⁵ Asende amalo pantchito iyi iyakutumichira chifukwa uyuda akayileka nukuwara ku vyakwe. ²⁶ Wakapanga amayere pa wanthu wawiri awa po gakagwira pa matiyasi, uyu wo wakasanza pa wasambiri wala.