¹ Avaizo mikasiky reo fotoagna ndraiky reo vanim-potoagna, ry rahalahy, tsy mila na ino na ino voasaoratra hoareo areo. ² Fao areo haigninareo mahay tsara fao ny andron'ny Tompo dia ho avy mitôvy ny mpangalatra amin'ny aligny. ³ Koafa mivolagna zareo, "Miadagna sy milamigny," dia fahapotaihagna tsy hampoizigny no hoavy amin-jareo. Hitôvy ny fahararian'ny vaiavy bikibo koafa mitairaka zany. Tsy hoafaka hilaifa laste zareo. ⁴ Fa areo, ry rahalahy, dia tsy agnatiny haizigny kay hahatakatra areo tsy hampoizigny ny mpangalatra ny andro. ⁵ Fa areo jiaby dia zanaky ny mazava ndraiky zanaky ny andro. Tsy zanaky ny haligny atsika na ny mahizigny. ⁶ Amin-jany, alôhy atsika tsy hoandry mitôvy ny fatan'ny ambiny. Fao naifa aoka atsika hiambigny ndraiky hahonon-taigna. ⁷ Fa reo zay mandry dia magnano zany amin'ny aligny, ary reo zay mamo dia magnano zany fogna koa amin'ny haligny. ⁸ Fa raha mbôla an'ny andro atsika, dia tsy matsy mahonon-taigna atsika ary misikigny finoagna ndraiky fitiavagna ho fiarovan-tratra, ary ny antony ny famonjiagna amin'ny hoavy ho fiarovandaohan-tsika. ⁹ Fao Zagnahary tsy nagniraka atsika ho amin'ny fahatezairagna, fa hahazoagna ny famonjiagna amin'ny alalan'i Jesôsy Kristy Tompontsika. ¹⁰ Izy lehy maty ho antsika, na mifoha atsika na mandry, dia afaka miara-miaigny aminy. ¹¹ Kay noho zany mifampionógna ary mifampaheraiza areo, hotry ny afa nitsabonare. ¹² Mangataka aminareo zahay, ry rahalahy, mbô hagnikaihanareo zay mikely aigny aminareo sy mitondra areo amin'ny Tompo ary zay magnanatra areo. ¹³ Mangataka areo fogna koa zahay mbô hagnaja zareo am-pitiavagna noho ny asan-jareo. Mihavàgna amin'ny haigninareo. ¹⁴ Magnanatra areo zahay, ry rahalahy: mampitandraima ny fikorontanagna, hampaherezo reo kivy, ampià reo malemy, maharaita amin'ny jiaby. ¹⁵ Indro tsisy ôlogno mamaly ratsy ny ratsy na amin-jôvy na amin-jôvy. Fao naifa, mitsakaraha zay tsara ho an'ny tsiaraikiaraiky sy hoan'ny jiaby. ¹⁶ Miravoa lalandava. ¹⁷ Aza mijanogno mivavaka. ¹⁸ Mankasitraha amin'ny raha jiaby. Fao zany no sitrapon-Jagnahary ao amin'i Jesôsy Kristy aminareo. ¹⁹ Aza mamono ny Fagnahy. ²⁰ Aza magnano tsinotsinona reo faminaniagna. ²¹ Andramo ny raha jiaby. Mifikira amin'zay tsara. ²² Alao reo fisehoagnan'ny ratsy jiaby. ²³ Zagnahary ny fiadanagna anie hampamasigny anao tantairaka. Aoka ny fagnahinareo jiaby, ny aigny, aveo ny vatagna dia hakajigny tsy hanantsigny ho amin'ny fahatongavan'ny Jesôsy Kristy Tompontsika. ²⁴ Mahatoky lehy magnantso anao, lehy ariaky zay hagnano zany fogna koa. ²⁵ Ry rahalahy, mivavaha fogna koa hoanay. ²⁶ Arabaio amin'ny fagnoraohagna masigny ny rahalahy jiaby. ²⁷ Mangataka aminareo amin'ny Tompo zaho mbô ho vakigny amin'ny rahalahy jiaby tô taratasy tô. ²⁸ Ho aminareo anie ny fahasoagna ny Jesôsy Kristy.