¹ Dikany zegny tsisy fanameloagna eky zio ty hoan-drô zegny ao amin`i Kristy Jesosy. <sup>2</sup> Fa fitsipikin`ny fanahin`ny fiainagna ao amin`ny Kristy Jesosy nagnafaka za tamin`ny lalàgnan`ny fahotagna ndraiky fafatesagna. ³ Fa zegny tsy afaka nataon`ny lalàgna nohon`ny fahalemegnan`izegny tamin`ny nôfotro, nandefa Zanany lahy Izy tamin`ny tarehy nôfotro feno fahotagna mba ho hay ho an`ny ota, ndraiky nagnameloko ota tagnatin`ny nôfotro izy. <sup>4</sup> Atao zegny mba ho tanteraka amitsika raha takin`ny lalàgna, atsika zegny mandeha tsy araka ny nôfotro, fa araka ny fagnahy. ⁵ Irô zegny miaigny araka ny nôfotro, fa irô zegny velogno araka ny fagnahy mifantoko amin`ny raha ny fagnahy. <sup>6</sup> Fôtony fisaignana miôrigny amin`ny nôfotro fafatesagna, fa fisaignana miôrigny amin`ny fagnahy ndraiky fiadagnana avio fiaignana. <sup>7</sup> Ny fiaignana miôrigny amin`ny nôfotro miteraka rafy ankilan-dRagnahary, fa tsy mifagnaraka amin`ny lalàgnan-dRagnahary zegny, salakady tsy hainy fekny magnano zegny. <sup>8</sup> Kay irô zegny mbala agnatiny nôfotro tsy ho afaka ho ankasitrahan-dRagnahary. <sup>9</sup> Kanefa, anarô tsy agnatiny nôfotro fa agnatiny fagnahy, ka marigny fa miaigny aminarô fagnahin-dRagnahary. Fa izy koa misy olo tsy managna fagnahin`i Kristy, tsy ninazy izy zegny. ¹⁰ fa izy ka ao agnatinarô i Kristy, maty nohon`ny fahotagna ny vatany, fa fagnahy velogno baka amin`ny fahamarignana. ¹¹ Izy ka fagnahiny zegny nagnatsangana Jesosy tamin`ny maty velogno aminarô, Izy nagnatsangana i Kristy tamin`ny maty baka hagnamia tegnany fiaignana koa andeha amin`ny tegnanarô mety maty amin`ny alalan`ny Fagnahy, zegny velogmno ao aminarô. <sup>12</sup> Dikany zegny, ralahy, mpitraosa atsika fa tsy ao amin`ny nôfotro mba hiaignana araka ny nôfotro. ¹³ Fa ka miaigny araky ny nôfotro anarô, ho faty, fa izy ndraky koa amin`ny fagnahy amonoanarô asan`ny taignanarô, ho velogno anarô. ¹⁴ Fa kara irô raha voatsariky ny fagnahin-dRagnahary, irô zegny zanakan-dRagnahary. ¹⁵ Fa tsy nangala fagnahin`ny andevo arô kay havozo. fa ndraiky, nangala fagnahy fananganan-janaka arô, zegny dràdràdràgna hoe: "Aba, Baba ô!" <sup>16</sup> fagnahy marigny vavolombelogno amin`ny fagnahitsika fa zanakan-dRagnahary atsika. ¹⁷ kay izy koa zanaka atsika, mandova baka zegny, mpandova ndRagnahary. Avio lova araiky ao amin`i Kristy atsika, raha tegnany miaraka aminany marigny atsika amiam-boninahitry miaraka Aminany koa. <sup>18</sup> aoko fa irô fijaliagna magnerantany ty tsy tôkony ampitovigny amin`ny voninahitra zegny aboaka amitsika. ¹⁹ Fa raha jiaby nahary magnantegna maré miambigny ny fagnaboagna zanakan-dRagnahary amin-drô. ²⁰ Raha jiaby eto ambon`ny tany natao tsisy dikany, tsy baka amin`ny sitrapônany manaokagna, fa baka amin`izy nagnano zegny. Izegny baka amin`ny toky namiany koa ²¹ fa raha jiaby eto ambon`ny tany ho vótsaoragna amin`ny fagnandevozan`ny hozogno, bakô hitaondra agny amin`ny fahafagna amin`ny voninahitry zanakan-dRagnahary. <sup>22</sup> Haintsika fa raha jiaby eto ambony tagny miaraka malahelo bakakô miaraka miasa agnatiny horohoro zisaka izio ty aza. <sup>23</sup> Tsy zegny fo, na vatagnatsika aza, managna vokatra voalohany fagnahy, na tegnatsika ka aza mihaimbe agnatitsika ao, izegny fagnavotagna atsika. Fa tamin`izegny fatokisagna zegny namonjegna atsika. ²⁴ Fa zegny atokisantsika efa hiboaka na mbala tsy hita, azovy ka hiambigny hampatokiagna zaka efa hitany? ²⁵ Fa izy ka matoky amin`ny raha mbala tsy hitatsika atsika, miambigny zegny ampaharaitagna atsika. <sup>26</sup> Kara zegny koa ataon`ny fagnahy magnampy ao amin`ny fahalemegnatsika. Fa atsika tsy mahay vavaka tôkony ataotsika, fa fagnahy tegnany mibabako ho antsika amin`ny alahelo tsy hay volagniny. ²⁷ zegny mandiniky ny fô, mahay diniky fagnahy, fôtony Izy mibabako ho atsika mpino araka ny sitrapôn-dRagnahary. ²⁸ haintsika miara-miasa hagnatsara zegny raha tian-dRagnahary, voakaiky araka ny fikasany koa, [Fanamariagna: Tôkony "miaraka ampiasaigny ho amin`ny tsara raha jiaby," dikany volagna taloha magnano hoe: "raha jiaby miaraka miasa ho amin`ny tsara."] Ho an-drô voakaiky ho amin`ny fandaharany. <sup>29</sup> Fôtony irô fa hainy taloha, nitindreny mba hitovy bika amin`ny zanany, mba ho talagnolo agnivon-drô ralahy maro izy. ³⁰ Irô nitindregny taloha, nikahigny ndraiky. Irô zegny nikahigny, namarigniny ndraiky koa. Irô zegny namarigny, namiany voninahitra koa. ³¹ Ino basy raha tôkony volagnitsika mahakasiky irô raha rô? Izy ka manaogna atsika ndRagnahary, azovy mahasaky atsika? ³² Izy tsy niaro zanany tôkana fa namiany atsika jiaby,kay nagnino tsy hagnamezany atsika bôjo miaraka amin`ny zaka jiaby zegny koa? <sup>33</sup> Azôvy irô hagnampanga hicontre irô olo nifidin-dRagnahary? Zagnahary araiky magnamarigny zegny. <sup>34</sup> Azôvy araiky hagnasazy? Kristy araiky maty ho antsika,kay mandilatra zegny, natsangana koa Izy, manapaka miaraka amin-dRagnahary amin`ny toèram-boninahitry Izy, ndraiky Izy mibaboko ho atsika. ³⁵ ôvy hagnasaraka atsika amin`ny fitiavan`i Kristy? Fahoriagna sa fijaliagna, sa fanenjehagna, sa mosary, sa fitanjahagna, sa loza, sa raha marangitry? ³⁶ Araka ny voasaoratra hoe: "Baka aminao maty lalandava zahay. Nalaigna kara ôndrikôndriky zahay." ³⁷ Ao agnatiny rah jiaby zegny zahay mandilatra noho ny mpandresy zahay amin`ny alalan`Izy araiky tia zahay. ³⁸ Fa resy lahatra za fa na fafatesagna, na fiaignana, na irô anjely, na irô fanjakagna, na irô raha jiaby ziô ty, na irô zaka ho avy, na irô angôvo, ³⁹ na ny agnabo, na aligny, na zavaboary hafa, tsy mahasaraka atsika amin`ny fitiavan-dRagnahary, izegny ao amin`ny Kristy Jesosy Tompontsika.