¹ Dikany zegny, ralahy tiako mahamanigny za,haravoagnanaka ndraiky satro-boninahitra naka, amin`ny zegny mioraingna tsara amin`ny Tompo,arô namako tiako. ² Miangavy i Eodia za, ndraiky miangavy i Syntyke, mitambara saigny ao amin`ny Tompo. <sup>3</sup> Ndraiky, mangàtaka aminao ka za, namako mpiray zioga: Ampia irô magnangy irô. Fôtony irô jiaby niara-niasa taminaka tamifampagnaritagna filazantsara niaraka tamin`ny Klementa ndraiky irô tavela namagna mpiara-miasa aminaka jiaby,salakady fa agny amin`ny boki`ny fiaignana agnaran-drô. ⁴ Miravoravo amin`ny Tompo. Ambarako ndraiky, miravoa. <sup>5</sup> Ambila hitan`olo jiaby fahantsaòram-ponarô. Fa marikitry Tompo. ⁶ Aza magnahy na amin`ino na amin`ino. kanèfa ndraiky, amin`ny raha jiaby baka amin`ny alalan`ny vavaka ndraiky fangatahagna, miaraka amin`ny alalan`ny fankasitrahagna, ambilà fangatagnarô ho hain-dRagnahary. <sup>7</sup> Baka iô fiadagnan-dRagnahary, mandilatra fahaizagna fahalalàgna jiaby, hiaro fô narô ndraiky fisaignanarô jiaby amin`i Kristy Jesosy. ⁸ ay farany, ralahy, na ino na ino marigny, na ino na ino manan-kaja, na ino na ino ara-drarigny, na ino na ino madio, na ino na ino maharavoravo, na ino na ino ambara fa tsara, ndray misy na ino na ino tegnany tsara, ndre misy ka na ino na ino tôkony deraigny, mihairitrereta amin`ny raha regny. <sup>9</sup> Irô raha nianarô ndraiky niraisanarô baka iô nitandrignesanarô aviô hitanarô taminaka, ataova zaka regny, aviô zagnaharin`ny fiadanagna hiaraka aminarô. ^{13 8} ay farany, ralahy, na ino na i marigny, na ino na ino manan-kaja, na ino na ino ara-drarigny, na ino na ino madio, na ino na ino maharavoravo, na ino na ino ambara fa tsara, ndray misy na ino na ino tegnany tsara, ndre misy ka na ino na ino tôkony deraigny, mihairitrereta amin`ny raha regny. <sup>9</sup> Irô raha nianarô ndraiky niraisanarô baka iô nitandrignesanarô aviô hitanarô taminaka, ataova zaka regny, aviô zagnaharin`ny fiadanagna hiaraka aminarô. ¹⁴ Kanefa, anarô nagnano tsara taminaka tamin`ny fahasahiragnana naka. <sup>15</sup> Ndraiky anarô filipiana mahay nanomboan`ny Filazantsara,izy ka niala Makedonia za,kay tsisy l`eglise nanaohagna za izy ka mahakasiky fagnamezagna draiky fandraisagna izy ka tsy anarô zaraiky. <sup>16</sup> Na tamiza tagny Tesalonika aza, nandefa fagnampiagna zegny nilaiko mandilatra indraiky mandeha anarô. <sup>17</sup> Tsy hoe mitady fagnamezagnaza. Fa , mitady vokatra mampanonga voninahitrinarô za. <sup>18</sup> Nangala irô raha jiaby za, ary tegnany magnana maro be. Fa haimpaka ka za. Voaraiko tamin`i Epafrodito irô zaka jiaby aby baka aminarô. Iregny hangitry mangitry fôfony, zegny rakitry azo ikeko ndraiky ankasitrahan-dRagnahary. ¹⁹ Bakakô Zagnahary hameno raha jiaby ilainarô araka ny haregnan`ny voninahitra ao amin`i Kristy Jesosy. ²⁰ Hainganie ho agny amin-dRagnahary babatsika ny voninahitra mandrakizay doria. amen. ²¹ Magnanaova veloma agny mpino jiaby ao amin`i Kristy Jesosy. Io ralahy zegny miarka aminaka kay magnano veeloma anarô za. <sup>22</sup> Irô mpino jiaby zegny eto aminao veloma anarô, indrindra irô baka amin`ny havan`i kaisara. <sup>23</sup> Hainganie fahasoavan`ny Tompo Jesosy Kristy ho amin`ny fagnahinarô. [fanamariagna: Misy irô fandikagna sasany magnampy hoe: "amen."]