¹ Aroe andra alohany Paska ndraiky fankalazagna fihinanagna mofo tsisy sira. Nitady fomba hanaboragna Jesosy mangingigny irô lohan'ny mpisorona ndraiky mpanoradalàna avy iô irô hamono Izy. ² Hoy irô: "Aleo tsy amin'ny andra fety, mba tsy hampitabataba olo." ³ agny Betania tao an-tragnon'I Simona boka Jesosy, nipetraka teo an-databatra Izy, kay nisy viavy araiky nagnatogny Izy nitondra tavoara alabastara misy mainaka lafo vidy, izay narda tsisy fangaro. ⁴ Novakiany iô tavoara, nararany tagnabony loahany. Nefa nahanelok'olo sasany iô, nifampikoragna irô hoe: "Ino dikany raha ataony iô, fandanindaniagna amin'ny tsisy dikany? ⁵ Iô mainaka magnitry afaka halafony mihoatry ny denaria telonjato, avy iô afaka homeny masikiny." Nagnasiaka i viavy iô tamin'ndray irô avy tiô ⁶ Hoy I Jesosy: "Ambila izy. Fa nagnino ianarô magnano raha mampalahelo izy? ⁷ Raha tsara kony, nataony tamiko ai! Irô masikina eo amin'narô iô fo mandrakariva, anarô afaka hagnano asa soa ho an'ndrô na amin'ny fotogna karakory na fotogna karakory, fa I Zaho ndraiky tsy hipetreka ankilanarô mandrakariva. ⁸ Nagnano izay azony natao izy: nagnosotra aigniko ho amin'ny fandevenagna izy. ⁹ Ambarako amin'narô ny taigna marigny, na aìa na aìa hagnambaranarô Filazantsara magneran-tany, kay ho volagniny zegny raha nataony ity magnagy ity, mba ho fahatsarovagna izy. ¹⁰ Avy iô i Jodasy Iskariota araiky tamin'ndrô folo lahy, nandeha tagny amin'ndrô lohan'ny mpisorona aby tagny, mba ahafahany zegny agnamia Izy amin'ndrô. ¹¹ Koa fa naregnigny zegny irô lohan'ny mpisorona aby agny, ravoravo irô sady nampagnataigny agnamia vola izy. irô avy tiô,nitady fomba azahoandrô Izy. ¹² Tamin'ny andra voalohan'ny finanagna mofo tsisy sira, koa fanagnano sorona odrikodrika ny Paska irô, hoy irô mpiamatranany taminy: "aìa toeregna tianao andiananay hikarakaragna sakafo, hinananao sakafon'ny Paska?" ¹³ Nagniraka olo aroa tamin'ny mpianatranany Izy, nignambara tamin'ndrô hoe: "Mandehana agny an-tanana agny, fa misy lelah mintondra siny feno rano ifanodry amin'naro. Magnaraha izy. ¹⁴ Zay tragno idirany, magnaraha izy ary volagna izay tompony tragno ao hoe: 'Nivolagna irô mpianatra hoe: "Aìa ny efitragno fandraisam-bahiny ahafagna miara-mihina ny Paska amin'narô mpianatro?"" ¹⁵ izy agnambara anarô tragno mavety, ambonin'netazy misy entagna zay ao efa paré tsara. Ao narô magnano fagnomanagna sakafotsika tsika jiaby." ¹⁶ Nifamigny tàgnana irô mpianatra, avy iô irô loso nanday. Koa fa nanday zegny irô, hitandrô tandalagna jiaby, raha nivolagn'Izy tamin'ndrô, koa fa tonga tagny zegny irô, nikarakara sakafon'ny Paska araka zay nampagniragna irô. ¹⁷ Koa fa navy zegny ariva, navy niaraka tamin'ndrô roa ambin'ny folo lahy Izy. ¹⁸ Koa fa nipetraka tiô tambony tabatra tiô irô, ndraiky irô nihinagna, nivolagna i Jesosy avy tiô: "Ambarako amin'narô ny taignany marigny, misy araiky amin'naro mihinagna miarakamiko eto, misy hamadika Zaho." ¹⁹ Nalahelo mafy irô jiaby, ndraiky irô nivolagna taminany karaty: "Tsy mety ho zaho izegny é!" ²⁰ Nabarany Jesosy tamin'ndro avy tiô: " Araiky amin'narô roa ambin'ny folo iô kony izegny é! araiky, miarakamagnajobo mofo amiko agnaty bakoly iô izegny." ²¹ Fa zanak'olo handaiday amin'ny lalagna zay efa voavolagnany Soratra masigny makasik'Izy. Fa loza kosa hoan' any ngia lelah mitady hamadika ny zanak'olo. Taigna tsara taminany tsy teraka." ²² Irô mbola tampinanagna fo, nagala mofo i Jesosy ka nankasitrak'Izy, baka iô Izy nizarazara mofo tamin'ndrô. ²³ Namaizan'irô sady nivolagna hoe: "Raiso, ity no vatako." Ka nangala kapoaka Izy, avy iô nankasitrak'Izy, avy iô natolotro ndrô izany azy irô, baka iô nigiaka tamin'izegny irô. ²⁴ Nabaran' Izy tamin'ndrô hoe: "Ity ny ràn'ny fanekem-pihavanako, rà izay alatsako ho anarô. ²⁵ Ambarako amin'narô ny marigny, tsy higiaka ity vokatra avy amin'iô voalobaka ity heky Zaho mandra-pahatongan'andra izay higiako izany ndraiky agny amin'ny Fanjakan'Ndragnahary." ²⁶ Koa baka nihira fideragna zegny irô, nandaiha tagny amin'ny bongo ny iva. ²⁷ Hoiz'i Jesosy tamin'ndrô: "Hiala-Zaho aby anarô jiaby, fa voasòratra hoe: 'Zaho hamango ny mpiambign'odrikodrika baka irô hiparitaka odrikodrika jiaby.' ^{29 28} Zaho ka fa mipody velogny agny, hialoha lalagna anarô hoagny amin'ny Galili" ²⁹ Hoiz'i Petera taminany: "Na hialanao Anao aby olo jiaby fa zaho ndraiky, tsy hiala anao é!" ³⁰ Hoiz'i Jesosy: "Ambarako aminao ny marigny, amin'ity aligny ity, mbola tsy magnaina indroe akoho, anao efa mandà Zaho in-telo." ³¹ Fa hoiz'i Petera nivolagna hoe: "Zaho tsy andà Anao, ziska zaho maty e." Kay samby nampagnataigna Izy avy irô jiaby. ³² Navy tao amin'ny toeragna atao hoe Getsemane irô, nivolagna i Jesosy tamin'ndrô hoe: "Mipitraha eto anarô, fa Zaho ivavaka." ³³ Nitondra i Petera ndraiky i Jakoba, avy iô i Jaona niaraka taminany avy iô irô nalahelo sady kivikivy tanteraka. ³⁴ Kay nivolagna amin'ndray izy tamin'ndrô hoe: "Dirandoza loatra fagnahiko, kara fa ho faty. Mipetraha eto ka mivavaha." ³⁵ Niatakataka hely Jesosy, mba hiakohofany ndraiky hivavahany. vavaka nataon'ny, mangatata zegny Izy mba toa ka azo atao, hiala amin'iô lera iô. ³⁶ Hoizy avy tiô: "Aba, Ray o, raha jiaby iô hainao atao, mangataka zaho mba adosonao amiko ity kapoaka ity é. Naifa ndraiky aoka tsy ny sitrapoko fo hatao, fa Ninao." ³⁷ Vita ny vavakanany, nipody Izy avy tiô, kay nahita irô nandry. ka nivolagn'Izy avy tiô taminy Petera hoe: "Simona, matoro ma anao? Tsy navita niambigny na lera araiky ma anarô? ³⁸ Miambena ka mivavaha anarô mba tsy hidirany amin'ny fakam-pagnahy. Fagnahy mazoto fa nofo ndraiky malemy." ³⁹ Niataka, ka nipody ndraiky Izy nivavaka, napodiny ndraiky koa vavaka efa nataony tiô. ⁴⁰ Nipody tamin'ndrô tiô koa Izy, bala nahita irô nandry tiô, hay be fa mbola mamon'ny toromaso irô ka tsy haindrô raha hikorahign'ndrô taminany. ⁴¹ Nagnatogno fagnitelo Izy nivolagna irô hoe: "mbala matoro ndraiky magalakadro fo ianarô? Ampy eky izegny! Efa lera, zahava! Zanak'olo natakalo amaizagna eo antagnan'ny mpanota. ⁴² Mitsangàna; alo andaiha atsika. zahava fa efa hoavy ao lay hamadika Zaho." ⁴³ volagnanany mbala tsy tapitry, i Jodasy navy baka tagny, araiky tamin'ndrô roa ambin'ny folo lahy, niaraka tamin'ny vahoaka maro aby iô izy, ndraiky nitondra meso-be ndraiky nagailagailan'ndrô miaraka tamin'ny lohan'ny mpisorona, mpanoradalàgna, ndraiky irô loholona. ⁴⁴ Ary ilay mpamadika Izy nagnamia signaly azy irô, nivolagna karaty: "Izay irôfako, Izy ilay Izy. Sambora Izy baka iô ndraiky ambaisa tsara." ⁴⁵ Ka fa navy tagny Jodasy, diraikity nagnatogno Jesosy izy ndraiky nivola hoe: "Raby," baka iô nirofiny tamin'ndray Izy. ⁴⁶ Avy iô nosamborindrô i Jesosy. ⁴⁷ Fa araiky tamin'ndrô avy tiô, nitsagana, naboakany mesonany, avy iô draikity nivangoany fira-meso araiky tamin'ndrô mpisoronabe ka tapaka sofigny. ⁴⁸ Hoiz'i Jesosy tamin'ndrô: "Andaiha hanambotro Zaho anarô, nefa kara olo hanabotra dahalo, miaraka amin'ny meso-be ndraiky langilangy koa ? ⁴⁹ Zaho isan'andra iô fo ndraikidraiky Zaho mandaiha agny an-tempoly agy, tsy samborinanarô. Fa andra inianity ndraiky natao, baika ho tanteraka Soratra Masigny." ⁵⁰ Tsy niala Izy aby ⁵¹ Nisy manafolahy araiky nagnaraka Izy, Nagnano akanjo hariry madinika, Itandro olo aby izy nagnarak'n' i Jesosy, kay nisamborindrô. ka fa voasambotra zegny izy nidady fika hilefa izy, ⁵² ka tafilaifa sady nibonginy izy tsy amy lamba. ⁵³ Nentin-ndrô tagny amin'ny mpisoronabe Jesosy avy itô. Niaraka nivory tiô, ny mpisorona jiaby ndraiky loholona, avy iô irô mpanora-dalàna. ⁵⁴ I Petera ndraiky, izy nagnaraka lavidafitra Azy baka afara, juska tagny amin'ny tokontanin'ny mpisoronabe. Nipetraka tiô tankilany ndrô mpiambigny izy , izy avy iô namindro tiô tankilany môtro tiô izy. ⁵⁵ Fa irô lohan'ny mpisorona ndraiky irô Synedriona Jiosy, hitady vavolombelolgna handetika Azy, baika hafandro hamono I Jesosy. Nefa ndraiky irô zegny tsy nahita olo. Fa naro ndraiky irô olo sasany nampavandy Izy, ⁵⁶ Nefa ndraiky na ny mpanognan'ndrô zegny tsy nahitagna porofo marigny feky. ⁵⁷ Avy iô, nisy olo sasany nitsangana niampanga vandy taminany; hoy irô hoe: ⁵⁸ "Regninay Izy nivolagna karaty: 'Ho ravako agny ity tempoly natao tagnana ity, avy iô Zaho hanagana araiky tsy natao tagnana, kay agnatiny telo andra Zaho magnano izegny."' ⁵⁹ Fa bala tsy nety fo koa ny fiampangana nataondrô. ⁶⁰ Nitsagana mpisoronabe nagnatogo irô, avy iô Izy nagnontagny I Jesosy: "Tsy managna am-bara Ianao amin'ny raha aby zegny? Ino ma hiampangan'ndrô olo aby iô Anao zegny?" ⁶¹ Nangigny fo Izy sady tsy namaly. Bala nipody nagnotany Izy ndraiky koa mpisoronabe: "Anao ma zegny Kristy Zanak'Ilay voatahy izegny?" ⁶² Nivalian' I Jesosy: "Izaho zegny; avy iô Zaho hoitanarô Zanak'olo jiaby, hipetreka iô an-tagnana ankavanan'ny herin-dRagnahary baka iô Zaho hoitanarô ary amin'ny Rondrô." ⁶³ Avy iô, mpisoronabe nagnatriaka lambany sady nivolagna hoe: "Bola hitady vavolombelogno hafa koa atsika? ⁶⁴ Efa regninarô hasah nany zegny. kay ino zegny fanapahan-kevitra narô aminany? Irô jiaby avy tiô, samby nanameloka Izy, mendrika ny hovonegna. ⁶⁵ Ery sasany ndraiky tiô, nanomoboka nandrôra Izy sady nandrakotra soranazy ndraiky namopoko Izy avy iô nabaran-ndrô Azy: "Maminania!" Irô manam-boninahitra ndraiky, nagala Izy tiô, nitondra Izy. ⁶⁶ Fa I Petera ndraiky, bala tiô taminy banja tiô, nagnato izy mpanompo vavin'ny mpisoronabe. ⁶⁷ Itandrô i Petera namidrô tankilany môtro, nitsangana tiô izy. nikodidigny ndrô mariny izy. Hoiz'irô taminany: "Anao koa namany Jesosy boka Nazareta." ⁶⁸ Fa izy nifamatra izegny, nagnano hoe: "Tsy haiko Izy, baka iô zaho tsy mahay raha volagninao zegny feky." Baka iô izy loso niala teo amin'ny banja.[Fanamarihina: irô fandikana sasany manampy: "Nagnaina akôho," fa irô fandikana taloha taigna tsara kay izegny tsy misy io teny io.] ⁶⁹ Fa tsaiky magnagy nahita izy, nanomboka nagnambara tamin'ndrô magnodidigny tiô: "iô lelah iô dia agnisany namany miarak'ndrô!" ⁷⁰ Bala nifamatra fo ndraiky izy. betibetiky tiô, nisy olo nitsangana nivolagna tamin'I Petera: "Anao zalah taigna agnisany araiky fanamandrô iô, satria anao Galiliana." ⁷¹ Nanomboka nagnozogno tegnanany ndraiky nifanta izy: "Taigna tsy haiko lelah volagny narô zegny." ⁷² Niaraka tamin'ny zegny, nagnaina fagnidroeny akôh. Avy tiô izy tontotry ka tsaroany volagn'I Jesosy: "Akôh bola tsy magneno ampagnidroeny, agnano tsy ahay Zaho intelo anao." Nalahelo mafy izy sady nitomoagny.