¹ ! rahalahy, koa misy olo azon'ny ota, anarô zegny ara-pagnahy tôkony hagnapody izy draiky amin'ny famoram-pagnahy. Mandinia tegnanao, mba tsy halaim-pagnahy anao. ² Mifampitonga mavaisatra, draiky amin'ny zegny tanteraha lalàgnan'i Kristy. ³ Koa misy olo mihevitry taignanaza ho raha kanefa tsisy dikany, mamitaka tegnany izy. ⁴ Tokony handiniky asany aby tsaraikiaraiky, mba amin'ny taignany fo antony hireharehany fa tsy amin'olo afa. ⁵ Fa samy hitondra entagnany aby olo tsaraikaraiky ⁶ Olo zaigny nampianarigny volagna tsy maintsy mizara raha amin'ny zaigny mampianatra. ⁷ Aza mety ho fitagna. Tsy azo sangisangigna ndRagnahary, fa zaigny atsabo nolo, jinjaigna koa. Laigny mitsabo voany amin'ny toetriny feno fahotagna, kay avy amin'ny zegny hijinjaigna faharobatagna. ⁸ Izaigny mitsabo voany amin'ny fô, amin'ny fô hijinjagna fiainagna mandrakizay. ⁹ Angatagna atsika mba tsy kajo amin'ny fagnanaovagna tsara, fa hijinja vokatra atsika amin'ny fotoagna mety, izy ka tsy magneky resy atsika. ¹⁰ Kai dikany zegny, satria managna fahafahagna atsika, kai alo magnano tsara amin'ny olo jiaby, surtout amin'ny fianakaviagnan'ny finoagna. ^{13 11} hava avintaisan'ny saoratra zaigny nisorstan'ny tagnako ny narô. ¹² Irô zaigny ty boakaho tsara amin'ny nofotro miaizaka manery anarô mba ho vosiragna. Magnano zegny irô mba hialagna amin'ny fagnijaihagna baka amin'ny hazofijalian'i Kristy. ¹³ Na irô zaigny tsy voa vositry tsy mitandrigny lalàgna, nefa tian-drô hovosirigny amin'ny nofonarô ¹⁴ Nefa tsy hiraiharaiha na imbiagna na imbiagna afa-tsy amin'ny hazofijalian'i Jesosy Kristy Tompotsika anie zaho, izaigny nanomboagna izao tontolo izao taminay, abako zaho koa tio amin'ny zio tontonlo zio. ¹⁵ Fa famosiragna na tsy famosiragna samy tsisy dikany, fa fiainagna vaovao misy dikany. ¹⁶ Ho amin'arô jiaby zaigny miaigny araka zegny fombo zegny, kay amin-drô fiadanagna draiky famindram-pô, na amin'ny Israelin-dRagnahary. ¹⁷ Manoboko zio angatagna mba tsy hisy hagnadala zaho, fa mitondra irô marik'i Jesosy amin'ny vatagnako zaho. ¹⁸ Ho amin'ny fagnahy narô fahasoavan'i Jesosy Kristy Tompontsika, ry ralahy.Amen