¹ Ry Galatiana Adala! Azovy namosavy anaro ? Kanefa tio tamin'ny mason-dro tio i Jesosy nifantsiagna tamin'ny azo fijaliagna ? ² Ity raha tiako ambaranaro : Nangala fagnahy tamin'ny asan'ny lalàgna ma anaro sa araka finoagna naro ? ³ Adala marigny ma anaro ? Nanomboko tamin'ny fagnahy anaro, ka niany hiafara amin'ny nofo ? ⁴ Anaro ma niaritry raha maro tamin'ny raha tsisy dikany_fa tegna zava-poagna eky zegny? ⁵ Nagnamia fagnahy anaro draiky asa mahagaga aminaro ma baka amin'ny asan'ny lalàgna sa mbaka tamin'ny fitandrignesanaro finoagna ? ⁶ Mitovy i Abrahama "nino an-dRagnahary ary ni compte gna ho fahamarignany zegny," ⁷ mitovy amin'ny zegny, ataova hay, iro agnatiny finoagna dia zanakan'i Abrahama. ⁸ Soratra masigny, nahita mialoha zagnahary hagnamarigny iro jentilisa amin'ny finoagna, nitory filazantsaramialoha amin'i Abrahama, nivolagna hoe : " ⁹ Mbaka aminao no hitahiagna jiaby." olo agnatiny finoagna dia voatahy miaraka amin'i Abrahama, izay olon'ny finoagna. ¹⁰ Iro izay miasa miankigny amin'ny lalagna dia io ambanin'ny ozogno; fa voasoratra hoe: "Voahozogno jiaby tsy magnaraka, izay olo tsy magneky raha voasoratra amin'ny bokin'ny lalagna draiky magnano zegny." ¹¹ Manomboko zio tsy misy olo hamarigniny io hagnatrehany Zagnahary avy baka amin'ny lalagna, fotony ny marigny velogno amin'ny finoagna. ¹² Fa ny lalàgna tsy haraka ny finoagna, fa, "olo izay magnano asan'ny lalàgna, dia tsy maintsy velogno amin-dro". ¹³ Kristy nagnavotro atsika tamin'ny hozogno lalàgna, tamin'ny navian'ny hozogno tamintsika_fa voasoratra hoe : "Voahozogno jiaby miantogno amin'ny kakazo" _ ¹⁴ mba ho avy amin'ny Jentilisa ny fitahian'i Abrahama ao amin'ny Kristy Jesosy, mba hoan'ny finoagna no ahazoantsika ilay fagnampagnatenagna ny fagnahy. ¹⁵ Ho rahalahy, ambila za hivolagna kara fataon'olo. ao amin'ny fifagnaragna ataon'olo, tsy afaka magnafoagna na magnampy izay ao, koa fa tafapetraky ny lalagna zegny. ¹⁶ Ary iro fampagnatenagna nambara tamin'ny Abrahama draiky tamin-drô taranakany. Zegny tsy magnambara hoe : "ho an'ny taranaka" olo maro, taranaka olo araiky fo, "ho an'ny taranakanao" i Kristy. ¹⁷ Ity tiako ambara: "Lalàgna navy fa efadrato taogno sy telopolo taty afara, tsy hahafoagna fagnekegna nampetrakan-dRagnahary taloha. ¹⁸ Fa koa mbaka amin'ny lalagna ny lova, ka tsy ho avy amin'ny fampagnatenanagna fekiny zegny. Fa zagnahary nagnamia zegny Abrahama mbaka tamin'ny fampagnatenagna. ¹⁹ Ino, zegny tanjogno lalàgna ? Nasiagna zegny nohon'ny fandikan-dalàna, mandra-paviany taranak'i Abrahama tio nanaovagna fampagnatenagna. Lalàgna natoan'ny mpanalana araiky manankery mbaka amin'ny anjely. ²⁰ Fa mpanalalana midika fa olo miohatran'araiky, kanefa zagnahary araiky.La ²¹ Lalàgna ma manohitry iro fampagnatenagnan' i dRagnahary ? Sagnatsia zegny! Fa raha misy lalàgna namiany izay afaka magnamia fiainagna, ka baka tamin'ny lalàgna marigny fahamarignana. ²² Fa soratra masigny nagnagadra raha jiaby ambanin'ny fahotagna. Nagnano zegny zagnahary mba agnamezagna iro mpino ny fampagnatenagna hagnavotagna atsika baka amin'ny finoagna i Jesosy Kristy. ²³ Talohany naviny finoagna, atsika nampetraka ho bado ambanin'ny lalàgna, nigadraigna mandra-pahaviany finoagna. ²⁴ Baka amin'ny lalàgna, nanjary mpiambigny atsika nandra-piboan'i Kristy, mba ho voamarigny baka amin'ny finoagna atsika. ²⁵ Fa zio navy zegny finoagna zegny, ka tsy io ambanin'ny mpiambina eky atsika. ²⁶ Fa anaro jiaby zanakan-dRagnahary ao amin'ny finoagna i Kristy jesosy. ²⁷ Fa maro aminaro natao batisa tao amin'i Kristy, no nahazo an'i Kristy. ²⁸ Ary tsy misy eky na Jiosy na Grika, na andevo na olo afaka, na lahy na vavy, fa araiky fo anaro ao amin'i Kristy. ²⁹ Koa an'i Kristy anaro, ka taranaka Zagnahary, sady mpandova araka fampagnatenagna anaro.