¹ Ka mitsara, da tsy hotsaray enao. ² Fa amigne fitsara naninareo, gne hitsara anareo, ary amigne fandrefesana aninareo, no andrefesa anareo. ³ Nagnino enao magnety gne pitine moty izay agnatine masonè rahalanao, nefa tsy hitanao gn'andry ao agnatimasomao? ⁴ Akoignaia gnizakanao gne rahalanao hoe: 'apetray iaho angala gn pity moty ao agnaty masonao,' raha mbola ao agnatinè maso ilay andry? ⁵ E mpiatsaravelatsihy! Alay aloha gn'andry ao agnaty masonao, ary avy eo enao hahita tsara rehefa mangala gne pity moty izay eo amigne masonè rahalanao. ⁶ Ka ome gn'aboa izay masy, ary karia eo alohanigne kosoa gne vatosoanareo. Raha tsy izà da mety ho voahitsakè tombokindreo, ary avy eo da hifototry sy hagnely anareo amigne fagnapotehany. ⁷ Mangata, da ome anareo izà. Mitadiava, da hahita enareo. Pepeo, fa hisokatry ho anareo izà. ⁸ Fa izay rehetra mangaka, da mahazo; gne mitadia koa, da mahita; ary ho ane gn'olo mipaipaiky, da hosokafa. ⁹ Sa ia aminareo, raha angatahany gne zanany mofo, da vato gnatolotriny anazy? ¹⁰ Na koa raha nangatahiny vily, da bibilava gne nomeny enazy. ¹¹ Noho izà, raha enareo izay ratsy aza mahay magnome fagnomeza izay tsara hoanè zanakareo, moa tsy zakabe mihotry enizà me gne raha tsara omenigne Rainareo izay agny an-dagnitry ho hoanigne mangataka Aminazy? ¹² Noho izà, na ino na ino raha tianareo ho aninign'olo amigne tegnanareo, da tokony agnano akoizà koa enareo, fa izà gne lalàgna sy ireo mpaminany. ¹³ Midira amigne vavahady pitsa. Fa zakabe gne vavahady ary malalaky gne minday agny aigne fahavereza, ary maro gn'olo mandeha am'izà. ¹⁴ Fa pitsa gne vavahady ary sarotry gne lalalaizay minday mignagny amigne fiaina, ary kidy gne mahita an'izà. ¹⁵ Mitandrema amin'ireo mpaminay sandoky, izay magnato anareo amigne fisikinane lamban'ondry nefa amboady tena mpihaza. ¹⁶ Amign'alalanè voany gne hahafantaranareo andreo. Mihila valoboky egny amigne raha maragnitry me gn'olo, na koa aviavy egny amigne songosongo? ¹⁷ Mitovy am'izà gne hazo tsara rehetra da mamokatry voany tsara, fa gne hazo ratsy da mamokatry hazo ratsy. ¹⁸ Gne hazo tsara da tsy afaky hamokatry voany ratsy, na koa gne hazo ratsy da tsy afaky mamokatry voany tsara. ¹⁹ Gne hazo aby izay tsy mamokatry voany tsara da ho tapa ary atoraky agny agnaty afo. ²⁰ Ka noho izà, ka ho fantatrareo indreo amign'alalany gne voany. ²¹ Tsy gn'olo aby izay mizaka aminah hoe: 'Tompo, Tompo,' da hiditry gne fanjakany gne lagnitry, fa gne magnano gne sitrampony gne Raiko izay agny an-dagnitry evao. ²² Maro gn'olo hizaka aminah amin'izà andro izà hoe: ' Tompo, Tompo, tsy efa naminany tamigne agnaranao me iahay, tsy efa namoky devoly tamign'agnaranao, ary nagnano asa zakabe tamign'agnaranao? ²³ Avy eo Iaho agnambara amindreo ampahibemaso hoe: ' tsy nahafantatry anareo mihitsy Iaho! Melà lavitry Anaha, ry mpagnano ratsy! ²⁴ Noho izà, gne maharè gne zakako ary magneky enizà da ho akoign'olo magnambôtry gne tragnony egny amboniny vatolampy. ²⁵ Milatsaky gne rikandro, avy gne tondran-drano, ary magnadary sy namely ilay tragno gne rivotry, fa tsy tola izà, satria nambory teo ambonine vatolampy. ²⁶ Fa gne maharè ireo zakako ka tsy magneky aniregny da akoign'olo mola izay magnambotry tragno ambony fasiky. ²⁷ Milatsaky gne rikandro, avy gne tondran-drano, ary mifofofofo sy mamely ilay gne tragno gne rivotry, ka da tola izà, ary feno gne faharavany.'' ²⁸ Ary rehefa nagnambara ireo zaka ireo Jesosy, gaga tamigne fampianarany ireo vahoky, ²⁹ satria nampianatra andreo akoign'olo manam-pahefana Izy, fa tsy akoigne mpanora-dalalágnandreo.