¹ Ary tamè harivan'gne Sabata, raha vao nazava ratsy gne andro voalohany am'gne herignandro, da avy hagnety gne kobory i Maria Magdalena sy i Maria raiky. ² Ary nisy horohorotany mafy; fa nisy anjelin'i Tompo nidiny avy tany an-danitry, nandeha teo ka nagnodidy gne vato, da nidoboky tamboniny. ³ Ary gne fagnitè anazy da mitovy amè tselatry, gn'akanjony fotsy mitovy amè orampanala. ⁴ Ary gne mpiamby nivady fo noho gne fahatahora anazy ka nazary akô maty. ⁵ Gne anjely namaly sady nizàka tamine viavy hoe: " Ka matatry anareo, fa fantako i Jesosy, izay efa naisy tame hazo fijalia gne tadiavinareo. ⁶ Tsy atoa izy, fa efa nitsanga araky gne nozakainy. Avia, da iteo, fa tao gne natorian'i Tompo. ⁷ Ary mandehana malaky, da zakay ame mpianatriny fa efa nitsanga tamè maty izy; ary efa ho aloanareo ho agny Galilia Izy. Agny gne hahitanareo Anazy. Efa nizàka taminareo iao io." ⁸ Da niala nalaky tamè kobory indreo sady natatry gne faly lôtry evakoa, da nihazakazaky hizàka tamè mpianatry. ⁹ Ary io i Jesosy nifakatendriky taminazy ka nizàka hoe: " Akoraby!" Ary indreo nagnato, da nitaha gne tombony da nandohaliky sy nidera Anazy. ¹⁰ Hoy Jesosy taminazy : " Ka matatry, fa mandehana, ka mizàka amin'ireo rahalahiko mba hiala ka hihazo an'i Galilia. Agny gne haitandreo Anah." ¹¹ Ary raha nandeha indreo, igny fa nisy mpiamby sasany nadeha ta-tanà, nizàka tamè lohane mpisorona gne zavatry aby izay vao niboda. ¹² Ary raha nifandagno izy amè loholona, da niara-nandiniky ka nagnome vola be gne miaramila. ¹³ Sady nizàka hoe: " Izakay hoe : ' Gne mpianatriny ho avy ariva ka nangataky anazy, raha tazoa natory iahay. ¹⁴ Ary raha misy mizàka an'izà amè governora, iahay da hampagneky anazy ka hagnano izay tsy hampagnino anareo. ¹⁵ Da nandray gne vola izy sady nagnano araky gne zakà nomeny anazy. ¹⁶ Fa negnagny Galilia ireo mpianatry ireika ambin'ny folo, tany amè tendrombohitry izay efa natoron'i Jesosy andreo. ¹⁷ Rehefa nahita Anazy indreo, da nidera anazy, fa gne sasany kosa nisalasala. ¹⁸ Nagnato andreo Jesosy ka niresaky tamindreo ary nizàka hoe: " Efa nomena Anah gne fahefà rehetra any an-danitry sy gn'ety an-tany. ¹⁹ Ka mandehana ary ataovy tonga mpianatro gne firenen-drehetra. Ataovy batisa indreo am'gn' agnaran'i Ray, Zanaka, ary Fanahy Masina. ²⁰ Ampianaro indreo hifady gne raha agnaby nandidiako anareo mandrakariva mandra-piavisan'gne fahataperan'izap tontolo izao.