¹ Ary Jesosy namaly, danizàka fagnohara taminy indraiky ka nagnano hoe: " ² Gne fanjakan'gne lanitry da mitovy amè mpanjaka, izay nagnano fagnashà fampakaram-bady ho an'gne zananilahy." ³ Ary izy nagniraky gne mpanompony hangaiky gn'efa nasainy mba hamojy amèfampakaram-bady fa tsy nety ho avy indreo. ⁴ Da nagniraky mpanompo hafa koa izy ka nagnano hoe: " Zakay amin'gne efa voahasha hoe:' mandehana, fa efa voavôtry gne nahandroko. Efa voavono gne ombiko sy gne zanak'omby nafahiko, ka efa vonogny agnaby gne zava-drehetra. Mevia ao amè lanonam-pampakaram-bady."' ⁵ Saingy tsy niraharaha indreo ary lasa nandeha, gne raiky namojy gne toeram-piompiny, gne hafa tamè raharaham-barony. ⁶ Gne sasany da nisambotry gne mpanompon'gne mpanjaka, nangala baraka andreo, ary namono andreo. ⁷ Vignitry gne mpanjaka ka nagniraky ireo miaramilany, ary namono gne mpamono olo indreo, ary nandoro gne tanàny. ⁸ Avy teo da nizàka tamin'ireo mpanompony izy hoe: ' Efa vonogny gne fampakaram-bady, fa gne olo nashay gne tsy mendriky. ⁹ Noho izà mandehana egny amè sampanan-dalambe ary manasà olo maro araka gne fahitanareo gne ao amè lanonam-mpampakaram-bady.' ¹⁰ Nandeha nijotso tany amè lalan-dehibe ireo mpanompo ary nagnambara gne olo rehetra izay hitandreo, na gne tsara na gne ratsy. Noho izà da feno vahiny ilay efi-tragno zakabe nisy gne fampakaram-bady. ¹¹ Fa rehefa niditry gne mpanjaka mba hagnety gne vahiny, da nahita lehilahy tsy nitafy akanjo finday amè fampakaram-bady izy. ¹² Nizàka taminazy gne mpanjaka hoe: ' Ry sakaiza, Akongaia gne nidiranao tatoa tsy miaraky amè fitafy finday amè fampakaram-bady?' Fa tsy nahazàka ilay lehilahy. ¹³ Avy teo nizàka tamindreo mpanompony gne mpanjaka hoe: " Fehezo gne tagna sy gne tombok'ity lehilahy ity, ary atsipazo any amè mizy any ivelany izy, any gne misy fitomania sy fikotroha-nify.' ¹⁴ Fa olo maro gne nangia, nefa vitsy gne ho voafidy. ¹⁵ Avy teo da nandeha gne Fariseo ary nagnomany gne fomba mety hamandria an'i Jesosy amè raha nozakainy. ¹⁶ Avy teo da nirahandreo hegnagny Aminy ireo mpianatrindreo, nindray tamin'ireo Herodiana. Nizàka tamin'i Jesosy indreo hoe: " Ry mpampianatry, fantatrinay fa marina anao, ary mpampianatry gne lalan'Andriamanitry amè marina. Tsy miraharaha gne hevitry gne hafa anao, ary tsy miangatry. ¹⁷ Noho izà ambaray aminay, ino gne hevitrao? Ara-dalàgna me gne fandohavan-ketra any amin'i Kaisara sa tsia?" ¹⁸ Nefa fantatr'i Jesosy gne faharatsiandreo ka nizàka hoe: " Naoa gne mitsapa Anah anareo, ry mpihatsaravelatsihy? ¹⁹ Ashehoy Anah gne farantsa fandoa amè hetra." Avy teo ninday denaria teo aminy indreo. ²⁰ Hoy Jesosy tamindreo hoe: " An'ia ity sary sy agnara itiky? ²¹ Nizàka taminy indreo hoe: " An'i Kaisara." Avy eo Jesosy nizàka andreo hoe: " Omeo an'i Kaisara gne an'i Kaisara, ary an'Andrimanitry gnan'Andriamanitry." ²² Rehefa naharè izà indreo , da gaga. Ary niala teo Aminy indreo ka nandeha. ²³ Tamin'izà andro izà evakoa gne Sadoseo sasany, indreo izay nagnambara fa tsy misy fitsanganagny gn'amè maty, nagnato Anazy. Nagnotany Anazy indreo, ²⁴ nagnano hoe: " Ry mpampianatry, Mosesy nagnambara hoe: 'Raha maty gne olo, tsy managn'anaky, da tokotry hanambady gne vadiny gne rahalahiny ary hanagn'anaky ho an'gne rahalahiny. ²⁵ Nisy mpirahalahy fito. Nanambady gne voalohany ary maty avy teo. Lasa tsy nametraky taranaky, napetrany hoa an'gne rahalahiny gne vadiny. ²⁶ Avy teo da nagnano raha mitovy amin'izà evakoa gne faharoy, avy teo gne fahatelo, mitovy amin'izà hatrany amè rahalahy fahafito. ²⁷ Tafandreo agnaby, da maty ilay vehivavy. ²⁸ Ary amè fitsanganan'gne maty, ho vadin'ia amindreo mpirahalahy fito izy? Fa efa vadiny teo aby indreo fito mirahalahy ireo." ²⁹ Fa namaly Jesosy ary nizàka andreo hoe: " Diso anareo, satria tsy mahafantatry gne Soratra Masina na gne herin'Andriamanitry. ³⁰ Fa amè fitsanganan'gne maty da sady tsy hanambady indreo gne tsy omè ampakary. Fa kosa, mitovy amin'ireo anjely any an-danitry. ³¹ Fa mahakasiky gne fitsanganan'gne maty, mbola tsy novakianareo mè gne nolazain'Andriamanitry taminareo, magnano hoe: ' ³² Iao gne Andriamanitr'i Abrahama, Andriamanitr'Isaka, ary Andriamanitr'i Jakoba'? Andriamanitry da tsy Andriamanitry gne maty, fa an'gne velo." ³³ Rehefa naharè izà indreo vahoaky, da gaga tanteraky tamè fampianarany. ³⁴ Fa rehefa rendreo Fariseo gne nampishinagn'i Jesosy gne Sadoseo, da nindray nivondrony indreo. ³⁵ Gne raiky tamindreo, mpahay lalàgna, nametra-pagnotania taminy, nangala fagnà Anazy hoe: " ³⁶ Ry mpampianatry, ia gne zakabe indrindra amè didy ao amè lalàgna?" ³⁷ Nizàka taminy Jesosy hoe: " Tiavo amè fonareo rehetra, amè fagnànareo rehetra, sainareo rehetra gne Tompo Andriamanitrareo.' ³⁸ Izà gne didy zakabe sy voalohany. ³⁹ Ary gne didy faharoy da mitovy amin'izà evakoa: ' Tiavo gne mpiara-belo aminareo mitovy amè tegnanareo.' ⁴⁰ Amin'ireo didy roy ireo gne iankinan'gne lalàgna retraretra sy ireo mpaminany." ⁴¹ Ary raha mbola nivondrony gne Fariseo, da nametra-panontania andreo Jesosy. Hoy Izy hoe: " ⁴² Ino gne heritreritrareo mahakasiky an'i Kristy? Zanaka lahin'ia Izy?" Nizàka taminy indreo: " zanak'i Davida." ⁴³ Hoy Jesosy tamindreo hoe: " Nahoa ary Davida mijanogny ao amè Fanahy gne mangaiky Anazy hoe Tompo, magnano hoe: ' Gne Tompo nizàka tamè Tompoko hoe: ⁴⁴ " midoboa eo amè tagn'ankavagnako, mandra-pamboarako gne fahavalonao ho fidoboan-tombokao?' ⁴⁵ Raha Davida aza mangaiky an'i Kristy hoe: ' Tompo, ' da naoa gne maha-zanak'i Davida Anazy? ⁴⁶ Tsy nisy nahavaly Anazy tamin'gne teny, ary tsy nisy olo sahy nametra-pagnotania hafa esana nanomboky tamin'izà andro izà.