¹ Tamin'izà andro izà da nagnato an'i Jesosy gne mpianany ka nizàka hoe: " Ia moa gne zakabe indrindra ao amè fanjakan'gne lanitry?" ² Ary Jesosy nangaiky zaza madiniky raiky agnato anazy, da nametraky anazy teo antegnategnany, ³ ka nagnano hoe: " Zakaiko aminareo marina tokôtry : " Raha tsy miova anareo ka ho tonga mitovy amè zaza madiniky, da tsy hiditry amè fanjakan'gne lanitry mihitsy anareo. ⁴ Noho izà, na ia na ia hanolotegna mitovy amin'ity marao ity, da izy gne ho zakabe indrindra amè fanjakan'gne lanitry. ⁵ Ary na ia na ia handray koboty raiky am'gn'agnarako, da mandray anah. ⁶ Fa na ia na ia gne hanafintohiny na da raiky aza amin'ireny madiniky mino anah ireny, da tsara lavitry ho anazy raha agnatogna vato zakabe fikosoham-bary gne vozony, ka alentiky any amè ranomasy laly izy. ⁷ Loza ho an'izao tontolo izao nohon'gne fotoan'gne fahatafintohinana! Fa tsy maintsy ho avy gne fahatafintohinana, nefa lozan'izay olo mahavy gne fahatafintohinana. ⁸ Ka raha gne tagnanao na gne tombonao manafintohina anao, tapay izy ka ario ho afaky aminao; fa tsara aminao gne hiditry kilemainy na mitongaitry any amè fiaigna mandrakizay nohon'gne mana tagna roy sy tomboky roy, nefa haria any amè afo mahadigny mandrakizay. ⁹ Ary raha gne masonao raiky gne manafintohina anao, alay iala agny izy, ka ario ho afaky aminao; fa tsara ho anao gne hiditry toka-maso amè fiaigna mandrakizay nohon'gne mana maso roy, nefa haria any amè parasolo mirehitra afo mandrakizay. ¹⁰ Mitandrema, fa sao hagnano tsinotsino ndrè da gne raiky amin'ireny madigniky ireny anareo; fa zakaiko aminareo: " Gn'Anjely an-danitry agny mahita fehizay gne tavan'gne Raiko izay agny an-danitry. ¹¹ "Fa avy gne zanak'olo hamonjy gne very." ¹² Akôry gn'evitrareo? Raha misy olo manà ondry zato, ka negnagny amè lalan-diso gne raiky, ka hamela gne sivy amby sivi-folo eny an-tendrombohitry izy, ka hitadia gne raiky nagnaraky gne lalan-diso? ¹³ Ary raha tàhigne Zagnahary hitany izy, da ambarako aminareo marina tokôtry fa mahafaly azy igny nohon'gne sivy amby sivifolo izay tsy nagnaraky gne lalan-diso. ¹⁴ Ary mitovy amizà, da tsy sitraky gne Rainareo izay agny an-danitry, raha ho very na da raiky avao aza amin'ireny madiniky ireny. ¹⁵ Ary raha magnota aminao gne rahalahinao, da magnatogna anazy, ka rehefa mitokagny anareo roa lahy, da ambaray anazy gne fahadisoany. Ka raha mitegno anao izy, da efa azonao gne rahalahinao izay. ¹⁶ Fa raha tsy mitegno anao kosa izy, da indeso miaraky aminao gne olo raiky na roy, mba ho mafy fototry avakoa gne teny rehetra amè zakan'gne vavolombelo roy na telo. ¹⁷ Fa raha tsy mitegno ireo izy, da zakay amè fengona; ary raha tsy mety mitegno gne fengona koa izy, da aoky hataonao mitovy amè jentilisa sy mpamory hetra izy. ¹⁸ Zakaiko aminareo marina tokôtry, fa na ino na ino fehezinareo ety ambon'gne tany da ho fehezy any an-danitry; ary na ino na ino vavaranareo ety ambon'gne tany da hovahà any an-danitry. ¹⁹ Ary zakaiko aminareo koa: ''Raha misy roy aminareo mifanaiky ety ambon'gne tany na amin'ino na amin'ino ka hangataky izà, da ho azony avy amè Raiko izay any an-danitry izà. ²⁰ Fa na aia na aia iangonan'gne roy na telo am'gn'agnarako, da ao ategnategnany iao. ²¹ Da nagnato Petera ka nagnano hoe: "Zagnahariko, impiry moa gne hanotan'gne rahalahiko aminà, ka havelako izy? Mahatratry hatramin'gne fito? ²² Fa hoy Jesosy taminazy: " Tsy ambarako aminao hoe: " Hatramin'gne im-pito, fa hatramin'gne im-pito amby fitopolo. ²³ Ka amin'izà gne fanjakan-lanitry da mitovy amè mpanjaka raiky, izay te-hidiniky amè mpagnompony mahakasiky gne volany. ²⁴ Ary raha vao midiniky izy, da nisy raiky nindesy taminazy, izay nitrosa talenta iray aly. ²⁵ Ary satria tsy nanan-kanefà izy, da nasain'gne tompony hamidy izy sy gne vady aman-janany hatramin'gne fanagnany rehetra handoava gne trosa. ²⁶ Da niankohoky teo anatrehany ilay mpanompo ka nagnano hoe: " Tompoko, omeo andro iao, fa haloako gne anao rehetra. ²⁷ Ary gne tompon'izà mpanompo izà da nangoraky anazy ka namela anazy sady namoy gne trosa taminy. ²⁸ Nefa vao nijotso ity mpanompo ity, da nahita mpanompo namany raiky, izay nitrosa dinaria zato taminy, da nosamboriny izy ka nozakainy mafy hoe: " Aloavy gne trosako aminao." ²⁹ Fa nitanondriky ilay mpanompo namany ka nifona taminy nagnano hoe: " Omeo andro iao, fa haloako gn'anao." ³⁰ Nefa tsy nagneky izy fa lasa nampiditry anazy t'andragnomizy mandrapagnefany gne trosany. ³¹ Ary rehefa hitanareo mpanompo namany izay efa tratry, da nalahelo mafy izy ka nandeha nagnambara tsara tamè tompony izay rehetra nagnamboara an'izà. ³² Da nampangalan'gne tompony ralehilahy ka nozakainy hoe: '' Ry mpanompo ratsy fagnà, efa nafoiko gne trosako rehetra taminao, satria nifona tamiko anao; ³³ moa tsy tokony mba ho namindra fo tamè mpanompo namanao koa anao mitovy amè namindrako fo taminao? ³⁴ Da vignitry gne tompony ka nanolotry anazy ho amè mpampijaly mandra-pagnefany gne trosa rehetra. ³⁵ Ary mitovy amin'izà koa gne hanin'gne Raiko izay any an-danitry aminareo, raha tsy samy mamela gne rahalahinareo amè fonareo agnaby anareo.