¹ Ary tame sabata da nandeha tame gnoraky i Jesosy ary gne mpianatriny nangala salohim-bary, da nohosendreo tame tagna ary nohanindreo gne voany. ² Fa gne Fariseo sasany da nizaka hoe: «Nagnino anareo gne magnano raha tsy ara-dalàgna ame gn’andro sabata?» ³ namaly endreo i Jesosy ka nizaka hoe: «ambola tsy novakinareo me gne teny mizaka gne namboarin’i Davida laha mosare izy, izy gne lelah niray taminazy? ⁴ Nandeha tao ame tragnon’Andriamanitry izy, ary nangala gne mofon’ny fanatreha sy nihina gnasasany tam’zà, ary nomeny asasany koa gne lelah nindray taminazy mba hihina, gne mpisorogny gne ekene lalàgna ihina anzà». ⁵ Avy teo Izy da nizaka tamindreo hoe: «gne zanak’Olo gne tompone sabata». ⁶ Ary tame sabata sasany da nandeha tame synagoga Izy ary nampiantry gne vahôky tao. Nisy lelah raiky maty tagna havana tao. ⁷ Nagnety enazy tsara gne mpanoratry lalàgna sy gne Fariseo mba hahita raha hagnasitragna gn’olo ame sabata Izy, mba hahafahandreo mahita tetiky hiapangandreo enazy. ⁸ kanefa fatatriny izà tagnatine lohandreo ary nizaka tam’zà lelah maty tagna zà izy hoe: «mitsangana ary magnatogna ategnategnane olo maro etoa». Da nitsanga izà lelah zà ary da nagnato teo. ⁹ I Jesosy nizaka tamindreo hoe: «magnontany enareo ià, ara-dalàgna ame sabata me gne fagnamboara gne tsara sa gne fagnamboara gne ratsy, gne magnavotry ay sa gne mamono enazy?» ¹⁰ Ary nagnety gne magnodidy enazy aby izy ka nizaka tam’zà lelah zà hoe: «ahinjiro gne tagnanao». Naniny izà ary da tsara gne tagnany. ¹¹ Kanefa da vignitry indreo ary nifandiniky gne raha ho amboarindreo en’i Jesosy. ¹² Tamin’izà andro zà da nandeha hivavaky tame vohotry i Jesosy. Notoizany gne fivavahany tam’Andriamanitry nandritry gn’hariva raiky. ¹³ laha avy gn’andro, nagnaiky gne mpianatriny izy hagnato enazy, ary nifidy roy amby folo lahy tamindreo Izy, izay nantsoy evakoa hoe Apostoly. ¹⁴ Gnagnaran’izà apostoly zà da i Simona ( izy da ambola angia koa hoe Petera) ary gne rahalahany Andrea, Jakoba, Jaona, Filipo, Bartelemeo, ¹⁵ Matio, Tomasy, Jakoba zanak’i Alfeo lelah, Simona izay atao hoe Zelota, ¹⁶ Jodasy zanak’i Jakoba, ary Jodasy Iskariota, izay lasa mpamadika. ¹⁷ Avy teo i Jesosy da nidy tame vohotry niray tamindreo da nitsanga tame tany marigny niaraky tame mpianatriny maro sy tame vahôky maro avy tagny Jodia sy Jerosalema ary gne sisitanin’ny Tyro sy Sidona. ¹⁸ Avy indreo mba hiteno enazy ary mba ho hafaha am’gnaretindreo aby. Salama vata aby gne vahôky izay nosokosehene fagna ratsy. ¹⁹ Gn’olo aby da niezaky gne hikasiky enazy satria da avy taminazy gne hery mitsabo ary da salama tsara aby indreo. ²⁰ Da nagnety gne mpianatriny izy, da nizaka hoe: «sambatry enareo sahira, fa anareo gne fanjakan’Andriamanitry. ²¹ Sambatry enareo mosare amzao fotoa zao, fa ho voky enareo. Sambatry enareo izay mitomagny amzao fotoa zao, fa ho lagnak’gnehy enareo. ²² Sambatry enareo laha alan’olo sady ahilik’olo ary aratsiny, nohon’gname zanak’Olo. ²³ Mifalia amzà andro zà ary mibitahà ankaravoa, satria azo antoky fa hahazo valisoa zakabe agny andagnitry, fa mitovy amzà gne nahazo gne mpaminany tame nitondrane zarambendreo endreo. ²⁴ Fa loza ho anareo izay mana-karia, f’efa azonareo gne mahafapo anareo. ²⁵ Loza ho anareo voky amzao fotoa zao, fa mbola ho mosare enareo afarafara ao. Loza ho anareo izay lagnak’gnehy amzao fotoa zao, fa handàla sy hitomagny anareo afarafara ao. ²⁶ Loza ho anareo, laha mizaka tsara gne mikasiky enareo gn’olo aby, fa mitovy amzà gne namboarine razane mpaminany sandoky tamindreo. ²⁷ Fa mizaka izay miteno ià, tiavo gne fahavalonareo ary magnanoa tsara ame malay enareo. ²⁸ Tahio gne mamatry enareo ary mivava ho ane magnano tsinotsino enareo. ²⁹ Laha misy mamango takapiky gne lagnilagninao raiky, da omeo enazy koa gne raiky. Laha misy olo magnala gne lambanao, ka mità ndre ho alainy aby gn’ankanjonao. ³⁰ Omeo aby izay mangataky aminao. Laha misy olo mangala gne rahanao, k’alay etsana fa apetray agny. ³¹ Gne raha tianao hany aminao avao gn’hanio amin’olo. ³² Laha gn’olo tia anao evao gne tianao, da ino gne tsara ho azonao amzà? Ndre gne mpanota aza da tia gne tia enazy evakoa kda. ³³ Laha am’gnolo magnano tsara aminao evao gnagnanoanao tsara, da ino gne tsara ho azonao amzà? Fa ndre gne mpanota da magnano akoizà evakoa. ³⁴ Laha tsy mapitrosa afa-tse gn’olo fatapatatrao fa havaloa enazy enao, da ino gne tsara ho azonao amzany? Fa ndre gne mpanota aza da mampitrosa ame mpanota evakoa, mba hahazoa akoiza koa. ³⁵ Fa tiavo gne fahavalonareo ary magnamboara tsara andreo. Mampitosà fa ka mandigny valiny ary ho zakabe gne valisoa ho azonareo, ary ho zanaky gn’Avo Indrindra enareo, fa Izy tegnany da tsara fagna am’gne tsy misaotry sady ame gn’olo ratsy fagna. ³⁶ Managna famindram-po, mitovy ame Rainareo mpamindra fo. ³⁷ Ka mitsara, ary tsy ho tsaray enareo. Ka magnasazy, ary da tsy ho sazy enareo. Mamelà gn’hafa, ary da ho avela enareo. ³⁸ Magnomeza, da ome enareo izà. Fahafoiza zakabe - izay mibosesiky, miaraky voahotsa ary mitobaky – gne hararaky akamberanareo. Araky gne fagnarananareo, gne hagnarana enareo akoizà koa». ³⁹ Avy teo izy da nagnano ohatry tamindreo koa: «izy mesa kô gn’olo jamba mba afaky hitariky jamba hafa koa? Laha magnano anzà izy da mety ho latsaky andavaky izy roy, sa avandesa izà? ⁴⁰ Gne mpianatry raiky da tsy zakabe nohone mpampianatriny, f’izay nahatanteraky gne fiofagna aby da hitovy ame mpampianatriny. ⁴¹ fa nagnino enao gne magnety gne tapa-kazo kidy tafiditry ame masone rahalahanao, kanefa tsy mahatsikaritry gne vata-kazo agnatine masonao? ⁴² Ino gnizakanao gne rahalahanao hoe: «Eh! rahalah, apetray ià hagnala gne tapa-kazo ame masonao», laha tsy itanao gne vata-kazo ame masonao? Enareo mpetsara velatsihy, alay teo ame masonao heky gne vata-kazo, avy teo da hahita tsara anao ka afaky gne tapa-kazo kidy eo ame masone rahalahanao. ⁴³ Fa tsy misy hazo tsara hamôky hisiny ratsy, na koa hazo ratsy hagnome hisiny tsara. ⁴⁴ Fa gne hazo tsikiraikiraiky da fatatry ame karazane hisiny habodany. Fa tsy afaky gne ihila gn’aviavy ame fatsy gn’olo, na hangala voaloboky ame gn’hazone voaroy. ⁴⁵ gn’olo tsara da mamokatry gne tsara avy ame haregna tsarane fony, ary gn’olo ratsy da mamokatry gne ratsy avy am’gn’harena ratsine fony. Fa izay ame fony gne rohonine vavany. ⁴⁶ Fa ino gn’antony angianareo enah hoe: «Tompo, Tompo», kanefa enareo tsy magneky gne raha rohoniko? ⁴⁷ gn’olo aby magnato enah sy mahare gne zakako ary magneky enzà, da ho zakaiko aminareo hoe akoignaia izy. ⁴⁸ Mitovy am’gn’olo nanangah tragno izy, gne nandavaky laly tame tany ary nanangah gne fototre tragno tambonine pelapelam-bato. Laha avy gne rano be, da nandria sady nanosiky gne tragno izà rano be zà, fa tsy napihozo enazy, satria tsara fototry. ⁴⁹ Ary gn’olo mahare gne zakako nefa tsy magneky enzà, da mitovy ame gn’olo nanangah tragno tambony tany tsy nisy fototry. Laha nandria gne rano be sady nanosiky gne tragno, da rebaky izà tragno zà».