¹ Ary gne mpandagno hetra aby sy gne mpanota sasany da avy teo am’i Jesosy mba hiteno enazy. ² Nifampimoromoro gne Fariseo sy gne mpanoratry lalagna, nizaka hoe: «io lelah io da mandray mpanota, ary miara-mihihina amindreo». ³ I Jesosy nagnano fagnoara tamindreo, nizaka hoe: ⁴ «ia aminareo, raha mana ondry zato izy ary avy eo very gne raiky taminazy, gne tsy hagnapetraky gne sivy amby sivy folo tagny agn’efitry, ary handeha hitadia gne raiky very mandra-pahitany enazy? ⁵ Ary raha hitany iza, da apetrakiny ame sorokony ary mifaly izy. ⁶ Laha avy andragno izy, da angiany aby gne namany sy gne mpiara-monogny aminazy, mizaka andreo hoe: «mifalia miaraky amina, fa hitako gn’ondriko very». ⁷ Akoiza koa, mizaka aminareo ia, fa hisy fifalia agny andagnitry nohone mpanota raiky nibebaky, mihôtry nohone gn’olo marina sivy amby sivy folo izay tsy mila mibebaky. ⁸ Ndre ia viavy ka mana farantsa kidy folo, laha very gne farantsa raiky, gne tsy handrehitry gne jiro, hamafa gne tragno, ary hitadia amim-pahazotoa mandra-pahita eniza? ⁹ Rehefa hitany iza, da angiany aby gne namany sy gne mpiara-minigny aminazy, ka nizaka hoe: «mifalia miaraky amina, fa itako gne farantsa kidy raiky izay very». ¹⁰ Akoiza koa, ia mizaka aminareo, misy fifalia eo agnatrehan’igne gn’Anjelin’Andriamanitry ame mpanota raiky izay mibebaky». ¹¹ Avy eo i Jesosy nizaka hoe: «nisy lelah raiky nanagn’anaky roy lah, ¹² ary gne faralah tamindreo nizaka tam’iabany hoe: «Abà! Omeo enah gn’anjara-kariako». Ka da nozarainy tamindreo gne fanagnany. ¹³ Tselatsela tafaran’izà, gne faralah nandagno gn’anjarany aby ka nandeha tame firenena raiky lavitry endreo, ary tagny izy gne nandany fahatany gn’hariany aby tame ditry samy hafa. ¹⁴ Ary rehefa laniny aby, da nisy mosary be niely tamin’io firenena io, ka nanomboky tagnatine fahasahiragna izy. ¹⁵ Nandeha izy ary nikarama tame raiky tame mponina tao am’ío firenena io, izay nandefa anazy tame toera-pamboleny mba hamaha kosoa. ¹⁶ Tahihina mafy gne sakafo foanine kosoa izy, satria tsy nisy olo nagnome enazy n’ino n’ino. ¹⁷ Fa raha tonga say ilay Faralah, da nizaka izy hoe: «firy am’gne manompon’iabako no mana hany mihôtry gn’antognony, ary izao gne niafarako, matine mosary! ¹⁸ Hapetrako etoa ka hoagny am’iabako ia, ary ia hizaka aminazy hoe: «Abà!, efa nanota tame lahnitry ia ary teo agnatrehanao. ¹⁹ Tsy mendriky gne angaiky hoe zanakao koa ia; amboaro akoigne raiky ame mpanomponao ia». ²⁰ Noho iza, nandeha ilay faralah ka mandeha am’iabany. Laha ambola lavitry izy, da hitan’ilay rainy, ary faly sahira, ka nihazakazaky, ary namihy sy nagnoroky enazy. ²¹ Gne zanany lelah, nizaka hoe: «Abà ! efa nonota tame lagnitry sy tagnatrehanareo ia. Tsy mendriky gne angianao hoe: «zanakao ia». ²² Iabany nizaka tame mpanompony hoe: «indeso malaky rahisiky tsara be aty, ka ampisikino enazy, ary iseo peratry gne tagnany, sy kappa gne tombony. ²³ Avy eo, indeso gne zanak’aomby vondraky ka vonoy. Alaska amizay agnano fety! ²⁴ satria e zanako lelah da maty, ary ankehitriny velo koa. Very izy ary ankehitriny da hita koa». Avy eo da nanomboky nikora indreo. ²⁵ Ary gne voaloan-janany da tagny atonda. Laha hoavy ary nianariny gne tragno izy, da naharè mozika sy dihy izy. ²⁶ Nangaiky gne raiky tam’gne mpanompo izy ary nagnontany enazy hoe mety ho ino iza raha za. ²⁷ Gne mpanompo da nizaka taminazy hoe: «tafaverigny andragno ao gne rahalahanao ka novonoin’iabanao gn’anak’aomby vondraky, satria avy soa aman-tsara izy. ²⁸ Vignitry gne voaloan-jaza, ary tsy nety niditry, da nijotso iabany, ary nengavy enazy. ²⁹ Kanefa namaly gne voalohan-jaza hoe: «Hiteo, efa taona maro gne nanompoako enao, ary mbola tsy nandika gne lalagnanao ia, ary enao tsy mbola nagnome ndre da zanak’osy nindesiko nikora tamin’ireo namako aza, ³⁰ kanefa rehefa avy gne zanakao lelah, izay nampizara gne fanagnanao tame mpivaro-tegna, da novonoinao ho anazy gne zanak’aomby nafahy». ³¹ Hoy iabany taminazy se: «Anaky, enao gne miray amina matetiky, ary gne rahako aby da anao. ³² Kanefa rariny ho antsika gne mikora sy mifaly, satria io rahalahanao io da efa maty, ary ankehitriny da velo koa; very izy, ary ankehitriny da hita koa»».