¹ Jakoba, mpanompone zagnahary sy Jesosy Kristy Tompo, hoanireo foko roa ambiny folo niparitaky: arahaba. ² Raiso ho fifalia aby izà, ri rahalahy, rehefa mandalo olagny samihafa enareo. ³ Fatatrareo fa gne fitsapa gne finoanareo da mahatonga fahareta. ⁴ Azanogno gne fahareta ahatateraky gnasany, mba tena hivôtry sy ho feno tanteraky enao, ka tsy ho sahira ndre ino ndre ino. ⁵ Fa raha misy aminareo mitadia fahendrea, elay izy hangataky eniza amè zagnahary, gne Ray nagnome ampahatsora sy tsy mandatsa n'iza n'iza mangataky, ary omeny enazy izà. ⁶ Apetray agny izy hangataky amè finoa, tsy misalasala na amign'ino na amign'ino. Fa izay misalasala da akoigne onjan-dranomasy izay etine rivotry sy mitopatopaky. ⁷ Fa iza olo iza da tsy tokony hieritreritry gn'andray na ino na ino avy ame tompo. ⁸ Gn'olo akoiza misalasala gne saigny, miovaova amign'alalany aby. ⁹ Apetray gne rahalah sahira hampiakatry gne fiainany mba ho reharehany, ¹⁰ fa gn'olo manandra amè sitrapony, satria izy da ahazo akoigne vonikazo egny ame gnahatry. ¹¹ Fa gne masoandro da niposaky amè gnafana be ary magnamaigny gnahatry. Gne vonikazo da mihitsa, ary gnatsarany da hivavatry. Da akoizà koa gn'olo manandra ka hahazo egny amè asasaky gne diany. ¹² Sambatry gn'olo izay miaritry fitsapa satria rehefa avy nandalo fitsapa izy, da handray gne satroky voninahatre fiaina, izay nampagnatenainy taminareo izay tia gne zagnahary. ¹³ Rehefa misy alaipagna da hôka izy tsy hizaka hoe : " Zagnahary gne nangala fagna enaha", satria zagnahary tsy azone ratsy alay fagna, sady tsy mba mangala fagnaha na ia na ia. ¹⁴ Fa samby alaimpagnaha amè fagniriagny manoka gn'olo tsikiraikiraiky, izay mampiemotry sy mandresy enazy. ¹⁵ Rehefa mitsiry gne fagniria, da miteraky fahota iza. Ary rehefa mitombo marigny gn'ota da miteraky fahafatesa. ¹⁶ Ka magneky baribaray nda rahalah namako. ¹⁷ Gne fagnomeza tsara aby sy gne fagnomeza lavorary da avy amè gn'abony. Iza da midigny avy amè Raine fahazava. Gne miray aminazy da tsy misy fiova na tandindognine gnaloky. ¹⁸ Gne zagnahary da nisafidy gne hagnome fahatera atsika amè tenine fahamarigna, mba ho karazane valoam-bokatrine zavatry agnaby izay noforognony itsika. ¹⁹ Fantatrinareo iza, rô zalah namako: aoka gn'olo aby halaky hiteno, tsy hizaka malaky, ary tsy halaky vignitry. ²⁰ Fa gnavogniranolo da tsy ahefa gne fahamarignane zagnahary. ²¹ Da alay gne fahalotoa aby sy gne faharatsia aby. Amigne sitrapo da reso gne zaka efa napetraky, izay afaky mamonjy gne fagnahanareo. ²² Oka ho pagneky gne zaka enareo fa tsy mpiteno fotsiny evao, ka fitaha gne tegnanareo. ²³ Fa raha misy mpiteno gne zaka nefa tsy mpagneky, da akoignolo izay nandiniky gne tarehiny voajagnahary ame fitaratry izy. ²⁴ Mandiniky gne vatany izy ka lasa avy eo ary magnadigno sahady gne momba anazy. ²⁵ Fa gnolo mieritreritry tsara gne lalagnane fahafaha lavorary, sy manohy gne magnano enizà, fa tsy hoe mpiteno fotsiny izay magnadigno, da hotahy ame gn'asany izany olo izany. ²⁶ Raha misy mihevitry gne tegnany ho mpivavaky, nefa tsy mifehy gne Lelany da mamitaky gne fony izy, ary tsy misy gne fivavahany. ²⁷ Gne fivavaha madio sy amè fo, eo agnatrahanè zagnaharitsika sy gne Raintsika da izao: hagnapy gne kamboty sy gne mpamelon-tegna amè fahoriandreo, ary miaro gne tegna mba adio fo avy amin'izao tontolo izao.