¹ Noho izany aoky mba hagnalataky an'Andriamanitry, mitovy ame zanaky makasitraky. ² Sady mandeana am-pitiava, araky gne nitiavan'i Kristy antsika avakoa sy nagnomezany gne tegnany ho antsika, fagnatitry magnitry sy sorogny ho an'Andriamanitry. ³ Fa tsy tokony hisy na da resaky fijangajanga na karaza fahalotoa na tsy mety hafa-po ame ana aza eo aminareo, fa tsy mendriky gne olo-masin'Andriamanitry io. ⁴ Aoky tsy hisy mamoafady, resaky hamola, magneniky tafahotry_ fa tsy mendriky gne rehetra amin'io. Fa kosa tokony hisy fankasitraha. ⁵ Fa afaky mahazo antoky gne amin'izao anareo, fa tsy hisy mpijangajanga, maloto, na gne mpiery_izany hoe, mpanompo sampy_mana lova ao ame gne fanjakan'i Kristy sy Andriamanitry. ⁶ Aoky tsy hisy hamitaky anareo ame gne zaka fahatany, satria noho io raha io da avy ame gne zanaky gne tsy fankatoava gne havigniran'Andriamanitry. ⁷ Noho izany, ka mikamba amin'io. ⁸ Mizy anareo taloha, fa izao anareo da fahazava ao amin'ny Tompo. Mandeana mitovy ame gne zanaky mazava, ⁹ (fa gne vokatry gne fahazava da ao ame gne fahatsara rehetra, fahitsia, sy fahamarina). ¹⁰ Sady tadiavo izay mahafinaritry an'i Tompo. ¹¹ Ka mikamba amin'io asa tsy mamokatry gne mizy io, fa aleo miala an'io. ¹² Fa mahamegnatry na da gne mizaka io raha atao ndreo io ame mifinifiny. ¹³ Fa rehefa hazava gne fahazava gne raha raiky, da lasa mibariba. ¹⁴ Fa gne raha rehetra izay mibariba da fahazava. Noho izany da voalaza hoe:''Mifoahaza, anao matory, sady mitsangana ame gne toeran'gne maty, da hamiratry aminao Kristy.'' ¹⁵ Mitandrema ame gne fomba fiainanao_tsy hitovy ame gne tsy manakagna fa hitovy ame gne manakagna. ¹⁶ Araraoty gne fotoa satria izao andro izao da ratsy. ¹⁷ Noho izany, ka misarimola, fa takaro hoe ino gne sitrapon'ny Tompo. ¹⁸ Sady ka magnano mamo gne divay, fa minday hagny ame gne fahasimban-toetra izany. Fa kosa, aoky ntsika ho feno gne Fanahy Masina, ¹⁹ mifampiresa anareo samy anareo ame gne salamo sy fihira ary hiram-panahy, mihira sady mikaloa amin'ny Tompo ame gne fonareo rehetra. ²⁰ Misaora mandrakizay ame gne raha aby am'gn'agnaran'i Jesosy Kristy Tompontsika izay an'Andriamanitry Iabatsika, ²¹ mifagnomeza aigny am-pagnaja ho an'i Kristy. ²² Anareo viavy, magneky gne vadinareo, mitovy ame nagnekenareo ao amin'ny Tompo. ²³ Fa gne lehilaha gne lohan'gne vavy mitovy an'i Kristy avakoa lohan'gne fiangona, sady Kristy tegnany gne mpamonjy. ²⁴ Fa mitovy gne hagneken'gne fiangona an'i kristy, da ako iza koa gne tokony hagneken'gne viavy gne vadiny ame gne raha rehetra. ²⁵ Anareo lehilaha, tiavo gne vadinareo, mitovy gne nitiavan'i Kristy gne fiangona sady nagnomezany gn'ainy. ²⁶ Nanolotry gne tegnany ho an'gne fiangona Kristy mba afahany magnamasina enazy, tamé gne fagnadiova enazy tame gne rano fanasa ame gne zaka, ²⁷ mba afahany mampiseo enazy fa be voninahitry io ame nazy, tsy misy penty na kentroky na raha ako izany, fa masina sady tsy misy diso. ²⁸ Mitovy amin'izany avakoa gne lehilaha da tokony ho tia gne vadiny indreo mba mitovy ame gne fitiava gne tegnany. Ka izay tia gne vadiny da tia gne tegnany avakoa. ²⁹ Tsy mbola nisy nalahy gne tegnany, fa mamaha sady mikarakara tsara, mitovy an'i kristy mamaha gne fiangona sady mikarakara enazy avakoa, ³⁰ satria antsika da ratsam-batany. ³¹ Noho izany antony izany gne lehilaha da hiala an'i aba am'i endry ka hikamba ame gne vadiny, sady indreo roy da ho lasa aigny raiky avao. ³² Zakabe izany fahamarina mifiny izany_ fa i aho da mizaka momban'i Kristy sy gne fiangona. ³³ Kanefa, gne kiraikiray aminareo avakoa da tokony ho tia gne vadiny mitovy ame gne tegnany, sady gne viavy da tokony hagnaja gne vadiny.