¹ Simona Petera, mpanompo sy apostolin'i jesosy Kristy, ho andreo izay nahazo gne finoa sarobidy akoy gne noresinay, finoa ao amy gne fahamarignan'e Zagnaharintsika sy Jesosy Mpamojy. ² Hampitomboy anie gne fahasoava sy fiadana nohon'gne fahalala an'Anndriamanitra sy Jesosy Tompontsika. ³ Gne rahà agnaby mikasiky gne herin'Andriamanitra ho an'e fiaina sy toe-pagnahy da nome antsika tamy gn'alalan'e fahalala an'Andriamanitra, izay nangaiky antsika tamy gn'alalan'e voninahitriny sy gne fahatsarany manokana. ⁴ Tamy gn'alalan'gne, nomeny zaka kinia tsara sady zakabe indrindra isika, mba ho avy mpizara amy gne fomban'Andriamanitra enereo, raha milefa gne falotoa izay eto an-tany nohon'gne filàn-dratsy. ⁵ Noho izany, magnamboara gne tena tsara mba hagnampia fahatsara amy gn'alalan'e finoanareo, ary amy gn'alalan' e fahatsaranareo, gne fahalala. ⁶ Amy gn'alalan'e fahalalanareo, magnampia famoizam-po, ary amy gn'alalan'e famoizam-ponareo, magnapia fahareta, ary amy gn'alalan'e faharetanareo magnampia toe-pagnahy. ⁷ Amy gn'alalan'e toe-pagnahinareo, magnampia fitiava rahalahy, ary amy gn'alalan'e fitiava rahalahy, magnampia fitiava. ⁸ Raha ao aminareo io gne mitombo ao aminareo, da tsy hamoa na tsy hamokatry amy gne fahalala an'i Jesosy Kristy Tompontsika enereo. ⁹ Fa ndre ia ndre ia tsy ampy io rahà io da tsy mahita afa-tsy izay akeky; jamba izy. Naniny adigno gne fagnadiova enazy tamy gne fahotany taloha. ¹⁰ Noho izany, ry rahalahy, amboaro agnaby gne mba hahazoa antoky gne fangia sy gne fifidiana anareo. Raha magnano io rahà io anareo, da tsy ho votsipelitry. ¹¹ Amizany da malalaky ho anareo gne fidera ao amy gne fanjaka mandrakizay izay an'ny Tompontsika sy Jesosy Kristy mpamonjy. ¹² Noho izany da vonogny lalandava iaho hampatsiahy anareo io rahà io, ndre da efa fantatrao io, ary ndre da efa mantanjaky ao amè marigny enareo amizao. ¹³ Iaho mieritreritra fa rariny aminahy gne mamoha anareo amy gne fampahatsiahiva io rahà io, raha mbola amity tragno-lay ity iaho. ¹⁴ Satria fantako fa tsy ho ela da ho alako gne tragno-laiko, akoy gne nambaran'i Jesosy Kristy Tompontsika enahy. ¹⁵ Ary ho amboariko izay faran'gne vitako mba hahatsiarovanareo mandrakariva io rahà io raha lasa iaho. ¹⁶ Fa ihay da tsy nagnaraky tafasiry tsara lahatry izay noforogny raha nizaka taminareo gne mikasiky gne hery sy gne nibodagnan'i Jesosy Kristy Tompontsika. Fa, ihay da vavolombelo nahita gne volamenany. ¹⁷ Fa Izy da nahazo laza amam-boninahitry avy tamy gn'Andriamanitra Ray raha nisy feo avy teo Aminazy tamy gne voninahitry tena zakabe hoe:" Ity gne Zanako malalako, izay ekeko indrindra." ¹⁸ Nahare izany feo avy tagny an-dagnitry izany ihay, raha niaraky taminazy tegny amè vohitry masina. ¹⁹ Isika da mana ity zaka faminania izay efa namboary mafy fotitry ity. Tokony hitandrina izany tsara enareo. Izany da okoy gne jiro mazava ao agnaty misy mandra-pevian'e marandray sy gne kintan'ny marandray mpisoky ao am-ponareo. ²⁰ Fantaro aloha izao, fa tsy misy faminania avy amy gne famoahan-kevitry gne lol. ²¹ Fa tsy misy faminaniana avy tamy gne sitrapon'olo. Fa, notarihan'gne Fagnahy Masina izy iregny mba hizaka izay zakain'Andriamanitra.